اه اه اه الحقونى الله يفرجها عليكم انا مضايقه الله يعلم

[دانه الاكوله]

السلام عليكم ورحمه الله وبركاته سالفه انا عندى ولدين السنه الجايه واحد اوله ايتدائي وثانى اوله روضه الى باوله عنده عمليه بره الكويت رحنا انا زوجى نكمل الوراق السفر عشان نسافر قبل رمضان قالو اجالنا كل الكتب السفر الخارج بعد الرمضان يعنى بالمدارس المشكله الولدى الو بأوله بتدائى مقدر اخليه بروح لان متعلق فينا وما عندى احد يقعد عنده امى وخالتى ميعرفون يكتبون وخوات زوجى كل وحده عند حموله ودوام عندها وعندى اخت وحده صغيره مريضه بسرطان يعنى اى وقت يسافرون انا قعده افكر اذا خليته عند خالتى ام زوجى منو بيدرسه منو بيحل واجباته معه وما عرف مدرسات يجون البيت يراجعون معه ويحلون الوجبات معه امانه امانه لاتخلون انا بذمتكم الهم الهم ذبحنى

 

[حلم الطفولة]

اسم الله عليكم وعسى الله يشافي مرضاكم جميعا ومرضانا ومرضى المسلمين آمين ,
أولى ابتدائي تأسيس لكن مع وجود ظرف مثل ظرفكم فالأمور سهله إن شاء الله ,,
كل اللي عليج إن تخلينه عند المكان اللي انتو فيه ,, - إذا انتي عند حملوتك خليه عند خالتك وحمولتك -
وصي عليه أخواله , خالاته يشيكون عليه مره مرتين بالاسبوع .., وعماته يوم الزواره مره بالاسبوع يشيكون على شنطته وواجباته ,,

والأهم أول يوم دراسه روحي للناظره والأخصائيه وكلميها وقولي لها الوضع وإنك ماراح تكونين موجوده , وطلبي منها تقابل المدرسات وتبلغهم يتوصون فيه ويراعونه // وطلبي تكلمين مدرساته انتي شخصيا أحسن بعد عشان توصينهم بنفسج وتقولين لهم الظرف ,,

وكل هذا مو جدام الولد .. لا تتكلمين جدام الولد عشان ما يكبر الموضوع بخاطره ,, خلي الأمر طبيعي ,,
الله يحفظكم ويحفظه ويرجعكم له بالسلامه

 

[دانه الاكوله]

يامرحبا يا حلم طفوله المشكله انا عندى اخت وحده ومريضه وحمواتى مالهم شغل باحد يعنى اللهم نفسى والله اكتب وانا ذبحتنى العبره الهم وانا اختج ذبحنى افكر بعيالى وولدى منو بقابله

 

[ليتني مـآ كبرت]

لاتدخلينه هـ السنة طوفي له .. و السنة الجاية ودية

عندي واحد من أخواني امي تخاف عليه حيل دخلته المدرسة و عمره 8 سنين

و كاهو الحين خريج ثنوي و الحمد لله ما أثر عليه ..

حبيبتي أول أبتدائي مهمة لازم تأسسين ولدج و تقابلينه إذا انتي عندج ظروف مثل ماقلتلج طوفيله سنة

 

[wedifeek]

الله يشافي ولدج وجميع مرضى المسلمين يارب

اقول اختي انتي ماعندج غير اخت وحده اذا عندج غيرها ومتزوجات خلي الولد عندهم والله مايعرف للولد الا خالاته تحسينهم امهم مو وحده غريبه سواء حماتج او حريم احمووينج او خليه عند اهلج يعني عند امج واذا عندج اخوان كبار وصيهم على الولد يشوفون كتبهكل مارد من المدرسه مافي مثل الاهل على عيال بناتهم لا تقولين حماواتج ولا غيرهم الخال والد اذا غاب الزوج لا سمح الله والله يكون بعونج ويرجعج لولدج سالمه ومعافيه انتي ولدج الثاني يارب وشافيكم ويشافي جميع مرضى المسلمين يارب

 

[دانه الاكوله]

لا انا بس عندى اخت وحده وامى يمكن تسافر مع اختى باى وقت امريكا لان اختى فيها سرطان انا عمى ابو زوجى حيل طيب حتى قال حق زوجى خله وجيب مدرسه انا حتى مودرسه زينه انا ماعرف مدرسه

 

[um khaled]

الله يشافي وليدج
و ان شاء الله تنحل مشكلتج

 

[دانه الاكوله]

مساء الخير وينكم ابى حل الله يعافيكم

 

[حلم الطفولة]

حبوبه خليه بالكويت لاتطوفينه سنه ماتسوى يعيد أولى ابتدائي حراااام .. !!
خليه وبس وصي عليه المدرسه راح يعذرونه وماراح يطالبونه حتى بواجب .. وانتي لي رديتي أي وقت تحسين عنده ضعف معين حطي له مدرس أو تابعيه وقويه .. لاتحاتين ترى المحاتات مو زينه .. لازم تتفائلين وتنظرين للوضع بنظره إيجابيه ,, عشان تجدين خير ان شالله ..
دندونه انتي بس توكلي على الله وبتلاقينه ان شالله متفوق ومايحتاج أحد يساعده ..
توكلي على الله وخليه يدخل المدرسه بس وصي المدرسه وكل اللي فيها .. المديره الاخصائيه الأبلات كلهم .. ولا تشيلين هم .

 

[عشق]

رد : اه اه اه الحقونى الله يفرجها عليكم انا مضايقه الله يعلم

انتي بتحاتين ولدج الصغير والا الثاني تخلينه وتسافرين وعند منو
دامه باولى ابتدائي اخذيه معاج او كلمي مدرسته وشوفي متى ترجعون حتى لو نص السنه يرجع حق المدرسه

انا اقول الحين توكلي على الله واخذيه معاج وترى سنه ماراح تاثر شي عالاقل تكونين مرتاحه عيالج عندج وتحت عينج

 

[شانييل]

صح ممكن تاخذينة معاج وتدخلينه مدرسة اهناك ولما تردين تخلينة يكمل بالكويت هذا حل
وممكن تدخلينة معهد يودونه كل يوم
وعندج معهد عجيب كل يوم يراجعون له كل شي اسمه معهد الاندلس بحولي وفي فرع ثاني بالرقعي والله عجيبين
بس الاندلس الاصلي الي فوق محلات الديكور
وخلي قلبج بارد ولا تحاتينة
والله أنا مثلج ولدي خليته اسبوعين واهوه ثانية ابتدائي أقسم بالله انتكس الولد
بس الله ستر وهي كلها اسبوعين
قوي قلبج واتفقي مع مدرسة تييلة كل يوم وقت قبل لا تسافرين علشان يتعود عليها وتييلة كل يوم بعد ما تسافرين تراجعله كل المواد والواجبات

 

[Miss_Tiger79]

رد : اه اه اه الحقونى الله يفرجها عليكم انا مضايقه الله يعلم

الله يشافي وليدج ان شاءالله

انا اقول يا انج اطوفين هالسنه لان فيها تأسيس
او تخلينه عند اختج حتى لو اجابله جم يوم بالاسبوع
والله يفرج عليكم ان شالله

 

[دانه الاكوله]

هلا والله يابنات الله يفرجه امى امس تقولى خليه عندى وان شاالله ماروح امريكا الى بعد ماتجين انتى من علاج ولدج وجيبى مودرسه درسه بالبيت قدام عينى بس ماعرف مودرسه زينه وسعره زين الله يفرجها علينا وعليكم يارب يوفقون يسفرونا قبل المدارس هذى زوجى يراكض بالوسطه على اقل لو ناخذ سبوعين من بدايه مدارس الله يكتب فيه الخير لى ولكم ولعيالكم ويفرح صدوركم ويجعلهم من متفوقين فى دينهم ودنياهم على خير

 

[الكيكة الأمورة]

تبينا الصراااحة انتي نسيتي شغلة مهمة حييييييييييييييييييييييييييييييييييييييييييييييل







صلاة الاستخارة ربج اهو اللي يكتبلج الخيرة لاتفكرين وتحتارين توكلي على الله وصليها

أسأل الله العظيم رب العرش العظيم ان يشفي مرضاكم ومرضى المسلمين آمييييييييييين انه ولي ذلك والقادر عليه سبحانه

 

[احبكم ذاتي]

يااااااااارب يشفي ولدج ويخليج لهم
بس هذا الي اقدر اقووولة