اه يالحمل

[كويت-حلوة]

ة بنات السلام عليكم اناعندي مشكلة ياريت تفيدوني انتو خواتي لاتخيبون املي فيكم انا عندي بنت وولد وحملت عادي بدون علاج وعندي خمول بالغدة واكلت حبوب تقريبا سنتين ورة ولدي والحين صارلي سنتين قاطعتهم بس ماصار حمل رحت سويت تحاليل كلة طبيعي بس رحت عند الدكتور مدحت بالعرف قالي عندج تكيس ورحت عند ام عايد وعطتني تحاميل ورحت عند الدكتور احمد الانصاري قالي عندج تكيس بس صغير حيل مايمنع الحمل وعطاني منشطات وكان تبويضي 19 بس الانسولين مرتع وعطاني حبوب جلوكوفاج والحمدالله كانت الدورة ماتطيح علي الابعد الحبوب بس من عالجت عند الكتور وام عايد تعدلت والحمدلله بس صارلي شهرين من تعدلت الدورة والحين ماكو حمل لاعت جبدي من الاطبا وانتو تعرفون لوعت الجبد بقيتكم ترشدوني اروح اطبة ةلالا لاعت جبدي وشكرا طولت عليكم:krkrkr::eh_s(14):

 

[شنوووفه]

الله يرزقنا انشالله مثل حالتي عندي ولد الحمدلله بس صارلي 3 سنين ماحملت وسويت تحليل وكل شي طبيعي وملييت من الاطبه والحين قطعت من الطبيب وحاطه املي عله رب العالميين
واايد ناس انصحووني اسوي تلقييح بس ماردي واايد متردده

 

[بدوية بملامح كشميرية 86]

الله يرزقكم يااااااااااارب

ويرزقنى معااااااااااااااااااااكم

 

[ranh]

الله يرزقك حبيبتي باذن الله
اقرئي سوره البقره على قدر المستطاع وداومي على الاستغفار وخليك على وضوء باستمرار باذن الله تتعدل الامور
وكافي حبوب

 

[فرااااولة]

انا بعد عندي ولد
واحاول احمل بس يطيحون ما يثبتون
وكل شي سليم ما فينا شي
قلت بخليها ع الله جم شهر واشوف عقبها

 

[lovemyself]

الله يوفقج ويرزقج كملى عند الدكاترة وسوى مثل ما قالت الاخت rnah
الله يرزقج يارب

 

[Q8_QT]

آنا بعد تعبت من حجي الدكاترة عندي ولد ومن 4 سنين أحاول وحملت 3 مراات مرتين منهم حمل خارجي
بس أملي بربي كبير الله لا مايضيع تعبي حبيبتي استغفري قد ماتقدرين وكثري صدقات والله يرزقج ويرزقني ويرزق كل محرومة يارب

 

[مواصله]

صبري اذا فحوصاتج زينه لاتستعجلين علي الدكاتره ووكلي امرج لله

اقري سورة البقره وقومي الليل وتصدقي وصفي نيتج والله بيرزقج ومابيردج خايبه

 

[كويت-حلوة]

مشكورين علي الردود وعسي ربي يرزق كل محروم بنات ماتتخيلون اشلون متكلة علي ربي وهذا الاتكال الي مصبرني لان ادري عندي رب كبيييييييربس ذبحني حجي الناس بس بنات بقولكم شغلة يقولن الي جذي يمكن حسد لان الحمدالله انا زوجي مومقصر علي والناس ماترحم علي اي شي الناس ينتبهون علي بشكل موطبيعي لو اشتري بو دينار ونص يقولون ياحلوة عليج احنا غيروحتي علي لبس عيالي ساعات اخاف منهم مااقول اذا كان شي غالي واالله قاعدة اتعب مليت من انا فية من كلام الناس من عيونهم تعبت حتي بيت الي مع حمولتي كرهتةاختنق اذا دخلت شقتي ومالي خلق اسوي اي شي بس الله كريم ماينسي عبدة وربي يرزقني ويرزق كل وحدة اااامين

 

[جبنة بيضة]

الله يرزقج و كثري استغفار و دعاء و رحمه ربنا كبيره بس يبيلنا الصبر و الصبر الحمدالله علئ كل حال

 

[كويتية 112]

حبيبتي لاتقولين لاعت جبدي لان مرات الله يبينا نسعى اكثر واكثر

عشان يحقق لنا اللي نبيه وانتي دام عالجتي كل شي وكل شي اوكي

عليج بالدعاء وكثري من الاستغفار وسوره البقره وخلي ايمانج بالله قوي​

 

[أم سيف وسلطان]

خواتي عليكم بالجماع في ايام التبويض والابتعاد عن أكل الدياي وايد

اقرئي سوره البقره على قدر المستطاع وداومي على الاستغفار وخليك على وضوء باستمرار باذن الله تتعدل الامور