اوت لت ميلانو و باريس الي راحت تدش بليز بسرعه

[حبيبه زوجي 1]

السلام عليكم بنات ديرتي حبيباتي انا بعد جم يوم رايحه ايطاليا و فرنسا ان شاء الله وراح اروح الاوت لت ابي اعرف في محلات لوي فيتون في اوت لت ميلانو او باريس ولا لا

هذا سؤال و سؤال الثاني في محل عطور سمعت عنه في باريس انت تخلطين العطور الي تبينها يعني تسوين عطرج الخاص وين مكانه بالضبط ابي اروحله


و مشكوريييييييين مقدما:eh_s(17)::eh_s(17)::eh_s(17)::eh_s(17):

 

[حبيبه زوجي 1]

شدعوه بنات 24 وحده داشه ومافي رد

 

[jojowa]

هلا حبيبتي ,,,للاسف ماراح تحصلين في اي اوتلت بالعالم محل لوي فيتون انا رايحه اغلب الاوتلتات في اوربا ( لندن - فرنسا - اسبانيا - سويسرا - المانيا ) غير اوتلتات امريكا ولا واحد كان فيهم ال في لانهم مايسوون سايل كلش على بضاعتهم ,,,و بالنسبه حق محل العطور سوري حبيبتي مو سامعه عنه صراحه ,,,وان شاءالله اكون فدتج,​

,,

 

[حبيبه زوجي 1]

مشكوره يالغاليه ما تقصرين

 

[sarona1010]

مرحبا .. في اوت لت في لوقانو في سويسرا و اسمة فوكس تاون وايد حلو و هو قريب من ميلانو في ايطاليا تقريبا ساعة بالقطار تنزلين في محطة موندريسو قبل لوقانو بخمس دقايق تقريبا .. انصحج فية انا شخصيا شريت منة جنطين غوتشي و جنطة بربريز و ملابس من بولو حق عيالي و فيه ماركات وايد وايد