اودي اختي يكشفون عليها والا ماله داعي

[انجلينا2]

خواتي ابي رايكم

اختي الصغيره عمرها 6سنوات احس صدرها بارزوهي شوي مليان جسمها بس مو متينه

خايفه يكبر صدرها وهي طفله صغيره شرايكم اوديها للدكتوره

 

[Miss independent]

اهوا زين تودينا يمكن لا سمح الله فيها شي
ومو زين عشان لا تعقدينها !!
مادري احترت معاج

 

[ZajiL]

اذا متبتبه عادي لانها متينه لا تحاتييييين واليهال بعضهم يبرز صدرهم سبع سنين

 

[love love]

اتوقع عااادي لانها امتبتبه

بس علشان بس تتطمنين وماتوسوسين وديها بس بدون ماتحس لا تعقديينها

 

[الأميرة جوري]

لا تودينها تعقد.......عادي الحين اكثر البنات من 6سنوات يبرز صدرهم من هالاكل اللي مليان هرمونات

 

[الحرير]

وديها بس لاتعلمينها ليش رايحة الطبيب عشان ما تتعقد

 

[بـاسي قــوي]

رد : اودي اختي يكشفون عليها والا ماله داعي

عادي حبيبتي اذا مليانه لازم يصير فيها زوائد شوي من ناحية البطن و الصدر الوضع طبيعي

 

[كبسة جلكسي]

لا لا تودينها حراام بتتعقد وبتلفتين نظرها لشي ماله سنع

عاادي الاكل كله هرمونااات

ماعليها الا العافيه

 

[G!RLY-PAci]

انا سمعت امي ويدتي قبل لا اولد بنتي
قالولي اول ما تولدين بنتج ولما تدهنين جسمها وتدلكينها
حاولي تطلعين الحليب اللي بصدرها شوي
انا استغربت
بس فعلا لما ولدت
امي قعدت تدهن بنتي بزيت زيتون وكركم اعتقد .. ماذكر بشنو نسيت والله
بس اللي اذكرة انه فعلا قامت ترعص خفيييييييييف بصدرها وطلع منه حليب خفييييف
سالتها ليش يمه حرام يمكن يعورها؟؟؟
قال :: لا يمه عادي عشان صدرها لا يبرز واهيا صغيرة او شي جذي
طبعا مو كل الناس يحصل معاهم هالشي بس للإحتياط
انشالله اكون افدتج حبيبتي
ولا تحاتين عادي انشالله ماكو شي

 

[*دنــيـQ8 ــا الوله*]

رد : اودي اختي يكشفون عليها والا ماله داعي

اي صج لاتودينها اخاف اتعقد .......بس مثل ماقالوا البنات من الهرمونات اللي بالاكل
انتي بس حاولي تخففين عنها اكل هالوجبات الجاهزه ... الحين ماكو ياهل الا تشوفين كرشته ناطه ومنتفخه من هالوجبات

 

[منور بنت الطنايا]

أختي دكتور التغذية يقول هذا من الوجبات
لانه يغزون الدجاج هرومونات لاتودينها خلي اكلها صحي اكثر وابعديها عن الوجبات

 

[bnt_shyo5]

رد : اودي اختي يكشفون عليها والا ماله داعي

البنات كفو و وفوا بعدييييييييين تتعقد وتشوف نفسها غيييير البنات
عاادي احس انه شي طبيعي

 

[..ليالي..]

اعتقد كلام البنات صح

ماله داعي الطبيب تتعقد البنت

وكبر الصدر لانها متبتبه شوي

ومن هالوجبات اللي نوكلها عيالنا وكلها هرمونات

الله يحفظها ويحفظ عيالنا يارب