<;)))>< اوركـــــــيدا في لبــــــنان <;)))><

[اوركيدا]

بسم الله الرحمن الرحيم

بدايتاً .. احب اقولكم .. انه النك اللي عالصور هذا نكي في منتدى ثاني ..
كنت ناويه انزل الصور مرتين مره بنكي هذاك ومره باوركيدا .. لكني مانتبهت اني قاعده اسيف النك على الصور ..
فمابي اغطي النك وتتشوه الصور ..
فالمهم انه الصور كلها من تصويري الشخصي ..

----

اللحين نبتدي
تقريري اليوم مايتكلم عن لبنان بشكل عام .. بل متخصص بالأكل في لبنان ..
لعدت اسباب اهمها .. هذي الزياره سبقتها العديد من الزيارات للبنان .. لذى تغطية معظم المناطق السياحيه كانت في سنوات سابقه .. ماعندي صورر لها اللحين ..
لذا حبيت افيدكم فهالسفره القصيره السريعه ..
باستعراض كل مطعم بالصور .. والتقييم .. ..
عشان تاخذون فكره وتختارون الأفضل والانسب لكم في زياراتكم خصوصا اذا كانت قصيره وتبون تستفيدون من الوقت
وتجربون الافضل ..

طبعا مابيقتصر التقرير عالمطاعم بل كانت لي بعض الزيارات لمعالم لبنان السياحيه لكن ليس كلها .. فمقصدي الاول والاساسي هو المطاعم في هالتقرير ..

مابطول بالكلام .. نبتدي
اول يوم.. غادرنا البحرين صباحاً ..

طارت الطياره حوالي الـ 11.45 وصلنا بعد ساعتين او ساعه و 45 دقيقه ..
ارتحنا وفالليل رحنا
City Mall
مجمع كبير .. يقع بالاوتوستراد المؤدي الى جونيه ..
( مو حافظه المنطقه بالضبط )

قبل كانت السوبر ماركت اللي فيه Giant
واشترت اسهمها شركة مركز سلطان الكويتيه
المجمع راقي وكبير وفيه محلات كثيره وصالات سينما ومنطقة ألعاب للأطفال .. و FoodCourt
فيه مطاعم للوجبات السريعه .. وفي اقسام اخرى مطاعم ثانيه منها
Bob's
و Casper & Gampini
وغيره الكثير ..

وجزئي اليوم عن

او اهوا على حسب ماقريت على الطاوله سلسلة مطاعم امريكيه قديمه جداً .. بس للأمانه انا شخصياً ماشفت له فرع في امريكا ..
وتقدرون تشوفون موقع المطعم الالكتروني

حبيت تنوع الاختيارات فالمطعم ..

ديكواراته من الـ60's
قريبه جداً جداً
لديكورات Johnny Rockets

لكنها ملونه اكثر .. وبالنسبه لي فضلته على جوني روكتس ..
لكن الفكره نفسها فالمطعمين ...
القعده كانت حلوه ..
والخدمه جيده
كوالتي وكمية الاكل ممتازه .. إن لم تكن كثيره

اتركم مع الصور ..
اولاً هذا الطبق على مااذكر كان اسمه
Cant Make up my mind
جامعين كلشي في طبق واحد .. مناسب اذا كنتو كثيرين كمقبلات لانه الصحن كبير

 

[اوركيدا]

الشراب

لمحبي الليمون بالنعناع .. شي غريب طعمه كان ..روعه لايطوفكم ..

واللحين الاكل وجبتي المفضله ..برجر موزيريلا جيز ..

انا اطلبه بدون سلطه .. وهذا شكله من المنيو بالسلطه ..

وهذا الاوريجينال, لذيــــــذ

وهذا المشروم ..

الخيارات كثيره جداً .. جربنا الجيكن ناقتس في يوم ثاني وايد لذيذ .. والسلطات بعد ..
وله فرع ثاني بالـABC
الاشرفيه بالقرب من دور السينما .. ولا اعلم اذا كان له فرع اخر ايضاً

كان هذا الجزء الاول ..

 

[اوركيدا]

بسم الله .. ثاني يوم قررنا نتغدى في مطعم

أسمه
ياباني

كنا على طول نسمع عنه وماتصير فرصه نروح له لأنه أغلب الوقت اللي معانا مايحبون الاكل الياباني ..
رحنا له بوقت الظهر .. (نصيحه لاتروحون الظهر .. خصوصا في يوم عادي لانه خالي إلى حد الكآبه) .. لكن استمتعنا بلذة الاكل

أولاً .. معظم التكاسي مايعرفونه لذا حددو لهم انه المطعم ياباني وأسمه ياباني .. لانهم يضنون انكم تبون اي مطعم ياباني والسلام
فبياخذونكم لمكان يمكن يكون أكله ياباني لكن اسمه مو ياباني.. حددو لهم ياباني في الاشرفيه ..

شكل المطعم غريب .. حيث فالمدخل مافي الا مصعد كهربائي كبير .. فيه كراسي .. ينزلكم للمطعم الكائن تحت الارض

شكل المطعم دائري .. والطاولات مقسمه عالاطراف .. اوفوقكم زجاج تقدرون تشوفون منها الشارع كون المطعم تحت الارض

الخدمه كانت جيده .. يعني اي شي نبيه اييبونه لنا بسرعه ..
والاستقبال كان ممتاز ..

طلبنا اولاً هالطبق ..
نسميه مكسرات اليابان ..
يفضل بملح زياده
اسمه ايدي مامي

وبعدها هالسلطه نسيت اسمها بتعرفونها بالشرح على خيار او افوكادو وcarp sticks

والربيان كان على ترياكي سوس

 

[اوركيدا]

واخر شي الماكي ..

اذكر هالطبق كان اسمه كرسبي تمبورا ماكي .. وكان وايد لذيذ ..
والباقي نسيت اساميهم

واخر شي الحلو ..

كانت الجيز كيك لذيذه جداً بعكس شكلها وذكرتني بـCheese Cake Factory

طبعاً الطباخين تفننو فالسوشي مثل ماشفتو فالصور .. وفالنهايه اخذت لهم هالصوره من المصعد الكهربائي

كان هذا الجزء الثاني

 

[أسرار الطبيعة]

يا هلا اوركيدا ، هلا بعشاق لبنان
سلامة الأسفار اذا رجعتي من هناك ، وإن كنت موجوده فأنا إن شاء الله بعد كم يوم رايحه
الستي مول city mall موجود حد الدوره وهو مثل ما تفضلتي المجمع الوحيد الكبير حاليا
وحضوري فيه شبه يومي ، لأني أباشر في جاك ديسانج وأحب اشوف احدث الأفلام
ودي أنقل لك يا قلبي صور المطاعم في أعالي الجبال لمناطق ربما لم يزرها السائح الخليجي
ولأني أسوق هناك والجو يساعد على الفراره فالمطاعم كلها بلا منازع أكلها لذيذ للغاية
ليتك تصورين المطعم الياباني المقابل لحلو الحلاب في جونية
دائما احب اشرب قهوه هناك وأتفرج على أحدث موديلات السيارات
شكراً لموضوعك الهادف ، وموفقه يا قلبي .

 

[زلابيا]

الحمدالله عالسلامه

وعليكم بالعافيه ...

ومتابعه معاج التقرير .....

 

[@ دهن العود @]

الحمدالله عالسلامه

وعليكم بالعافيه ...

ومتابعه معاج التقرير .....

:eh_s(15)::eh_s(15):

 

[LA TROO7]

وناسه متابعينج قلبي

 

[زيـنـه]

الحمدلله على سلامتج

و يا حلو لبنان و مطاعمها و قعداتها ..بانتظار تكملين لنا التقرير

 

[الصابرة المحتسبة]

الحمدلله على سلامة الوصول
والصراحة عجبني المطعم الياباني كتصميم للمطعم .
وبانتظار باجي التقرير

 

[اوركيدا]

كان مقصدنا اليوم مطعم لوكندا في جبيل ..

الواقع فهالشارع

هالمطعم من اشهر المطاعم فالمنطقه ..
وشخصياً اشوفه من احلى المطاعم اللي رحت لها .. من حيث تشكيلة الاطباق الغريبه
كل الطعام يكاد يكون فوق الممتاز فالشكل والطعم
الكميه ممتازه
طريقة العرض وخصوصا انه المينيو كله مصور طبق طبق
لذيـــــــــــذ جداً جداً
اجواء المطعم غريبه .. والحجز اجباري فالاجازات

ملاحظه: عند الحجز طلبو طاوله على الشباك المنظر احلى
وتقدرون تحجزون فوق لما يكون الجو حلو
الاسعار للي بتشوفونه كله ومن كل طبق صحنين كان حسابنا 170 دولار
واللحين طلبنا

اتركم مع الصور..

المقبلات المعتاده

 

[اوركيدا]

فتوش

سلطة الحلوم المشوي

حمص حار

كبة

مجدره

ورد العنب

شفت شي غريب بالمنيو .. هالطبق اسمه لبنة خضره .. بالفراوله ماطلبناها فحطيت لكم صورتها من المينيو

واللحين نكمل
عصملية دجاج (لذيذ جداً) لاتطوفونه

لبنه

دجاج مشوي

 

[اوركيدا]

كباب

بطاطا حاره

واللحين مع الحلو

جوكليت برهش

ستروبري

كريم بروليه

ونزلنا

بعد ماشبعنا بتدينا جولتنا في جبيل ..

وجبيل منطقة سياحيه من الدرجه الاولى ..

 

[اوركيدا]

خصوصا جبيل القديمه .. فتشوف السياح الاجانب ..

البحر الجميل اللي يكاد يكون شفاف على الرغم من انه مارينا!

وفي سفن تقل السياح في جوله بحريه للي يبي

المطاعم متناثره في كل مكان
ولك الاختيار .. وفي مطعم فوق شوي في كسار .. يمدحونه ماجربته بس قالولي انه بنفس مستوى لوكندا بس ارخص والله اعلم

المهم المنطقه جميله والسوق القديم المليئ بالسوفونيرز ممتع
والزحمه بسبب انه اليوم كان الاحد وكان عندهم عيد ..

ومن مميزات جبيل كثرة المساجد الجميله ..

 

[اوركيدا]

يا هلا اوركيدا ، هلا بعشاق لبنان
سلامة الأسفار اذا رجعتي من هناك ، وإن كنت موجوده فأنا إن شاء الله بعد كم يوم رايحه
الستي مول city mall موجود حد الدوره وهو مثل ما تفضلتي المجمع الوحيد الكبير حاليا
وحضوري فيه شبه يومي ، لأني أباشر في جاك ديسانج وأحب اشوف احدث الأفلام
ودي أنقل لك يا قلبي صور المطاعم في أعالي الجبال لمناطق ربما لم يزرها السائح الخليجي
ولأني أسوق هناك والجو يساعد على الفراره فالمطاعم كلها بلا منازع أكلها لذيذ للغاية
ليتك تصورين المطعم الياباني المقابل لحلو الحلاب في جونية
دائما احب اشرب قهوه هناك وأتفرج على أحدث موديلات السيارات
شكراً لموضوعك الهادف ، وموفقه يا قلبي .

هلا فيج حبيبتي ..
رجعت الحمدلله من فتره ..
شكرا على مرورج عزيزتي ..

الحمدالله عالسلامه

وعليكم بالعافيه ...

ومتابعه معاج التقرير .....

:eh_s(15)::eh_s(15):

الله يسلمكم ويعافيكم مشكوريــن :eh_s(15):

 

[اوركيدا]

وناسه متابعينج قلبي

حياج الله حبيبتي

 

[اوركيدا]

الحمدلله على سلامتج

و يا حلو لبنان و مطاعمها و قعداتها ..بانتظار تكملين لنا التقرير

الله يسلمج حبيبتي ..
وخلكم متابعين :icon30:

 

[math2020]

الحمدلله على سلامتج
اتينن لبنان خصوصا جوها وطبعا اكلاتها

 

[اوركيدا]

الحمدلله على سلامة الوصول
والصراحة عجبني المطعم الياباني كتصميم للمطعم .
وبانتظار باجي التقرير

الله يسلمج حبيبتي نورتي تقريري ..
المطعم وايد حلو بس قمته شوي .. لكن الاكل لذيذ ..
وخلج متابعه

 

[digital]

الحمد لله على سلالالالامتج

وخوش موضوووع ماشاء الله والصور رهيبه تسلم ايدج


مطعم يابانى اعتقد يصير قبل abc الاشرفيه صح؟؟ تقريبا بالطريج لانه شكله مو غريب علي متأكده انى ماره عليه جم مره


و متاااابعه الموضوووع حتى النهايه