اوروبا بارك ( ميلان -جنيف - ستراسبورغ) اخذوا فيني اجر

[el7aneen]

​

بسم الله الرحمن الرحيم

ان شالله لي سفرة قريبة لاوروبا أنا وزوجي في اول شهر يوليو لمدة 14 يوم ( ميلانو - جنيف - ستراسبورغ) رحلة جماعية مع قروب عن طريق سفريات الفضاء بالكويت القايد محمد الخليل- اللي مجرب القروبات ينورنا بنظامهم بليز:gr4uu:

حابة استفيد من نصايحكم وخبرتكم -هذي اول سفرة لنا لأوروبا ودي بصراحة استغلها صح وماندم فيها على شي وهي بالنسبة لي سفرة العمر لاني ان شالله بكون بروحي مع زوجي بدون اليهال :eh_s(9): وهذي فرصة عمر بالنسبة لي وبطلعة الروح ضبطت :lkmnkl:

فبودي استغلها صح لاني جربت السفر لدول الخليج مع عيالي :eh_s(4): كذا مرة ولا جني سافرت

طول السفرة :rerrerek:

:ioljnmlk: بس خلوني من هالطاري مايبي قلب عور :eh_s(2):

للأسف شفت خلال البحث بالنت أغلبها مدن مو الشي اللي فالبال واحنا حجزنا خلاص مانقدر نغير الوجهات وبدا يحوشني احباط من البحث

وبالبحث بالصور شكلها مدن ماكو طبيعة وللتسوق أكثر منها للي بخاطري:eh_s(2):

فأتمنى اخواتي تفيدوني بمعلومات عن


جم لازم تكون معانا ميزانية للمصرف والتنقلات ؟وأفضل طرق الدفع ؟ :bbbiu:

شلون الجو شناخذ هدوم صيفي شتوي؟:27d66a9c24b146327bf

أفضل الأماكن السياحية اللي ممكن ازورها ؟:aha:

أقرب الأماكن المشهورة بسحر وجمال الطبيعة للمناطق اللي راح نسافر لها؟ قريت عن انترلاكن انها روعة وهايدي لاند بس شكثر تبعد عن جنيف؟

و شنو وسيلة النقل الأفضل لها؟

أهم المعالم السياحية والأثرية وأماكن ترشحون لي أزورها؟ روما كانت لي حلم وشكلها بتظل حلم لأنها بعيدة وايد عن ميلان؟ ولا شرايكم؟ تهقون بالطيارة يمدي؟

الغرض من سفرتنا راحة واستجمام وودي امتع عيوني بما ابدع الخالق عز وجل في بلادهم؟

شترشحون لنا اسوقة واماكن تسوق اسعارها معقولة ومناسبه للهدايا والصوغة والتذكارات لاهلنا وعيالنا؟ :klhfl:

أفضل الأماكن لشراء الماركات العالمية باسعار افضل من أسعارنا بالخليج؟

هذا اللي طرى علي

أي اضافات تشوفونها مفيدة لنا أو مهمة رجاءا نورونا كلش مو راعين سفر:eh_s(1):


ولكم مني جزيل الشكر مقدما والأمل بأهل السفر لا تخلون متأملة فيكم خير

​

 

[el7aneen]

المرور 26 ولا وحدة ردت أفا يا كويتيات مو هذي الهقوة فيكم ​

 

[موس شوكليت]

ماعندي فكرة ياقلبي وان شالله البنات يفيدونك

 

[عزاااه]

هلا حبيبتي الله يهديج كلهم مدن اغلبهم تسوق على اقل مفروض وحده على اقل طبيعه اول شي ستراسبوغ حلوه انا توني جايتها مدينه سنتر تمشي فيها نهر السازاك جنيف اغلب مايمدحونها حار تسوق ميلان معروق سوق

 

[$حبيبة عبودي$]

تقدرين تغيرين الوجه
دقي عليهم وشوفي مابي احبطج بس لاتطوفج طبيعيه اوروبا ..

 

[عزاااه]

اي والله حلات اوربا طبيعه رلاكس

 

[el7aneen]

لا ياجماعة لا تقولون انزين من جنيف وهالمناطق ماقدر اروح مدن طبيعة بالقطار شي
والله احنا كنا رايحين نبي امستردام - كولون - بروكسل - باريس جنهم نفس الطقة :bbbiu:
اخيتكم غشيمة بهالسوالف وانا ما صدقت ضبطت رحنا ركض نحجز على ويوهنا:ggdw:


الله يعطيكم الف عافية بنات مشكورين كلكم :eh_s(2): واللي تلقالي حل تقولي انا ابي من عروض سفريات الفضاء
تعالوا صج بيودونا فنيسيا وفي رحلتين للريف السويسري والايطالي :yaaaaaarb: وقريت ان انترلاكن تينن بسويسرا ولوقانو وانها فرق ساعتين بالكثير عن جنيف وميلان ومونترو نص ساعة عن جنيف ويمدحون طبيعتها
مو ولا مو مو جني قاعدة اواسيني ولا شنو :eh_s(1):​

 

[شقاوة أنثى]

حياتي انا مثلج اول مره ازور اوربا بس مو نفس مناطقج
ومثل ماقلتي في رحلات حق فنيسيا وسويسرا شي حلو
وانا علا كلام ابوي يقول فنيسيا حدها يوم تفرينها فر
وانشالله البنات يفيدونج ومايقصرون

 

[$حبيبة عبودي$]

حبيبتي دقي عليهم واسأليهم احسن لج ..اهو يعطيج كل التفاصيل ..
وقولي بغير وجهتي مابي اروح هذيج المناطق قولي مابيها خير شر ..
ماراح يقول لا ..

 

[om_7sin]

انا مع البنات اذا انتي همج الطبيعة غيري وجهتج انتي نفسي انا اهم شي عندي الطبيعة انا رحت النمسا وميونخ فرررق. ماحبيت ميونخ كلش لانها مدينه والصراخة استانست بالطبيعة اكثر ..ميخالف حاولي تغيريين تعبي الحين علشان تستانسين بالسفرة

 

[رحيق القلوبْ]

جنيف يخدمها موقعها بالريف الفرنسي تطلعين رحلات من الصبح ... وانتر لاكن ماتبعد حيل عن جنيف يمكن ساعتين [

 

[DA3LOoOLA]

بالنسبه لستراسبورغ روحي الريف شي خيا صج الله معطيهم جنتهم بالارض طبيعه مووطبيعيه سبحانه الله على مد النظر الخضار والمناظر الطبيعيه وبالريف اغليها مزارع بس مشالله شي موطبيعي والسنتر مالها ماعجبني وايد زحمه ومش ولابد حق التسوق روحي مجمع مكتوب عليه c&aحلوو من داخل ومن ضمنهم.هالمحل وتلقين مخلاا ماركات المانية وبالنسبه. لميلاا وجنيف ماعندي فكره واللهن

 

[DA3LOoOLA]

سووري عالبدليات قاعده اكتب من التلفون