اوروبا والرويال كاريبيان كروز - صيف 2009

[اوركيدا]

شكراً اسطورة زماني .. خلج متابعه

 

[(رينا)]

وانا بعد متابعتج

 

[هاديهـ&مطيعهـ]

واااااو روما عجيبه انشالله يارب أروح لها الصيف القادم ... متابعه

 

[نادره الوجود]

:68_asmilies-com:سيري ونحن من ورائك الصراحة بسميج :eh_s(1)ملكة التقارير ) ولا يهينون البنات بس الصراحة استمتع معاج والدول روعة بس انشاللة ماطولين علينا:ada:

 

[عنايد]

الله وناسه

ماشاء الله خووش سفره حمدلله على سلامتج ومتابعينج

 

[أم أحلى جود]

وينج اوركيدا طولتي علينا ناطرينج

 

[(( غلا زوجـي ))]

اوركيدا
دايماًً تقارير سفراتج اتشوق
الله يعطيج العافية

 

[~ MhMh ~]

متابعه ... خوش تقرير تسلم ايدج عليه

 

[bnt_7waa]

ماشالله خوووش تقرير

والتصوير احلى

 

[الـفـجـر الـبـعـيـد]

كملي احنا ان شالله متابعين

والله يكتب لنا سفره حلوة لها صيف 2010

 

[اوركيدا]

الله يسلمكم ويعافيكم جميعاً ..
يابنات انا توني باديه وكل يوم قاعده انزل جزء .. يعني ان شاءلله ماأطول عليكم ..
اشكركم ومتابعتكم تشرفني .... واي استفسار انا حاضره ..

 

[اوركيدا]

الجزء الثـــالث .. والرحله البحريــه على متن
Navigator of the Seas
مع شــركة الرويال كاريبيان ..

بدايتاً .. انا سبق وتكلمة بتفصـــــــيل عن رحلة الكروز على هالرابط ..

سفرتنا المباشره لامريكا .. (كروز - ميامي & اورلاندو)

واليوم بحدد لكم النقاط المهمه باختصار وللي يبي يغوص فالتفاصيل فكلها موجوده والاجراءات مطابقه 100%
من اوروبا او من امريكا ..

أهم النقاط :
1- اسهل طرق الحجز موقع شركة الرويال كاريبيان , بتحصل فيه العروضات وأنسب الاسعار وشرح دقيق ومفصل وفي ارقام لمكتبهم في دبي التابع لأي حجوزات فالشرق الأوسط يرتبون لك من خلاله أي شي ماكان واضح على الموقع.
2- بعد الحجز بيتفقون معاك انك تستلم كتيب الحجوزات مع أشرطة الحقائب من وكلائهم في دولتك.
3- فيزا شنقن تكفي لأوروبا اما للي يبون يروحون من امريكا الى الكاريبي او البهاماز ففيزا امريكيه متعددة الدخول تكفي!
4- يعطى الراكب بطاقة السي باس .. اللي تكون مفتاح لغرفته وبطاقة لدخوله وخروجه من الباخره وهي كذلك بطاقة لشراء أي شي على متن الكروز وتنعطى كل فرد من افراد العائله.
5- طريقة شراء الجولات السياحيه فالموانئ عدديه اسهلها الاطلاع على الجولات من خلال التلفاز واختيار المناسب واي شي غير واضح ممكن الرجوع للكونسرياج وسؤالهم عنه.( بالنسبه لاوروبا لا انصح بشراء اي جوله والاسباب بذكرها لاحقا)
6- وجبات الأفطار والغداء بوفيه مجاني يكون في مطعم مطل على البحر بالكامل فالدور الـ11 , ومطعم العشاء الرائع يكون اما فالدور الثالث او الرابع او الخامس على حسب الدور اللي يتواجد فيه طاولتكم والعشى في هالمطعم تجربة رااااائعه لاتنسى تحسس الواحد كانه على متن التايتنك.

خط سيــر رحلتنا كان كالتالي ..

اخذنا تاكسي من فندقنا
Roma Park Marriott Hotel
الى الميناء اللي يبعد نص ساعه تقريباً ..
طلعنا تقريباً الساعه 11 ونص
وكانت اجراءات الدخول الى الكروز سهله جداً .. وواضحه
نزلنا او استقبلونا العاملين فالميناء ..
استلموا شناطنا بشرائطهم

ورحنا نكمل اجرائات الدخول ..
عطونا بطاقة الـSea Pass

خذو جوازاتنا ودخنا النفيجاتور اوف ذا سيــــــز

لأنه رحلتي السابقه صيف 2008 كانت على متن الرويال كاريبيان أي نفس الشركة ..
فكانت الاجراءات بالنسبه لي سهله او معروفه ..
اول مانركب نتوجه لمطعم الغداء .. نتغدى ونقدر نستلم غرفنا على الساعه 2 الظهر ..
فالغرفه تكون الحقائب وصلت ..
وهذا شكل غرفتي ..

بعدها نبتدي نتجول فالكروز .. اللي تبتدي فيها الأنشطه من تتحرك ..

الدور الخامس .. أهوا دور الســوق .. فيه 3 مطاعم والرسبشن والكونسرياج ومحلات متعدده
فيه دكان يبيع حلويات او هالسوالف ..
او فيه محل يبيع ملابس البحر
ومحل اخر يبيع ملابس خاصه بالكروز ..
في محل مكياج وعطورات ..
محل اكسسوارات في نظارات من ماركات عالميه واكسسورات سوارفسكي
فيه محل مجوهرات .. وكذا محل اخر ..
انا أول مانطلقت الكروز رحت عند هالشخص
وشريت ستكر السوفت درنكس ..

العصائر اللي يوفرونها على البوفيه مجانيه لكن الكولا بفلوس ..
مادري ليش الظاهر من الاقبال الكبير قالو خل نسفيد منه! مع انهم يوفرون باشن فروت جوس
وعصير ليمون .. وايس تي!

المهم البكج سعره حوالي ال50 دولار .. يعطوني ستكر على بطاقتي بهالشكل ..
او اقدر اطلب كل وقت ويكون مجاني للي عندهم الستكر

 

[اوركيدا]

بعدها انطلقنا للمسرح .. سبق وقالولنا انه في عرض .. والعرض كان رائــع!

واحلى شي فيه العصير

بعد العرض توجهنا للمطعم وهذي صوره للناس اللي طالعين من مسرح المتروبوليتان ..

وصوره للناس المتوجهه للمطعم

كانت طاولتنا فالدور الارضي من المطعم الثالث من الكروز ..

فالمطعم الأكل متنوع .. كل يوم المينيو غير .. احياناً يكون الأكل وايد لذيذ واحياناً لا .. وفي حال ماعجبك الاكل تقدر تطلب شي ثاني مدلعين عالآخر!

بعد العشى خذنا جولة فالكروز ..

واخر شي رجعنا الغرفه .. وكل يوم يعدلون الغرفه مرتين .. مره الصبح بالترتيب اللي سبق وشفتوه .. ومره فالليل بهالترتيب ..

ويحطون هالمخطط اللي فيه تفاصيل باجر ..
وقت الوصول للميناء ووقت المغادره , برامج المسارح على متن الكروز؟
اي مسابقات , نوع الملابس للعشاء ان كان فورمال او كاجول .. الخ



وجذي يمر كل يوم على متن الكروز ..
انتظروني والجزء القادم في تقرير ووقفاتنا الاوروبيه ..

 

[[ ياعيون خلي ]]

وااااااااااااااااااااو اوركيدا انا استانس على تقاريرج لانه مفصل

يعطيج العافيه واحنا بالانتظار

 

[أم أحلى جود]

واااااااااااااااااااااااااااو اوركيدا عجيبه الصور تبارك الرحمن ان شاء الله تنزلين اليوم البقيه لاني الصراحه مو قادره انطر وايد
......................................عاشت اوركيدا..........................................

 

[bambena]

وصلت لي الجزء الثاني

عليكم بالعافيه

فعلا ايطاليا اول ما وصلنا لها بين لنا حبابتهم وعلى طول بيليسيماااااااااااااا

وانا نفسج اول شي بالديره التوور باص اسهل واحسن تكتشفين الاماكن


متابعه

 

[silent-girl]

مشاء الله تبارك الرحمن
التقرير اينن
ناطرين التكمله حبيبتي
متابعتج

 

[rawona]

اوكيدا موضوعج عجيب مثل كل مواضيعج المميزة ..


توني اطيح عليه وشكله راح يفيدني وايد لانه مفصل ..


عليج بالعافيه وبانتظارج



​

 

[fona]

واااااو وناسه
ناطرين الباجي
متابعة

 

[SupeR-GirL]

واااااو عجيييب التقرير اوركيديا
ناطيرييييين التكمله