اوفر رجيم بالعالم ((((الارز)))

[قطوه_ورديه]

بسم الله الرحمن الرحيم


بما ان النفسيه زفــــت قلت ابلش رجيم

الي هو رجيم الارز بصراحه انا قبل كنت متبعته بس اصلا مادري ان صج في رجيم الارز

خل اقولكم شنو الرجيم

اول شي الصبح تشربين عصير برتقال

الغدا عيش ابيض بدووووون ملح ولازيت ومعاه روب خالي الدسم او لبن اكتيفيا

والعشا نفس الشي
وينزل كيلو كل يومين
قريت بموضوع ان التنوع بالاكل اهو الي يزيد الوزن ويعفن الاكل داخل

من مميزات هالرجيم انه سهل ويعني الي ماتحب التعب وتتقيد برجيم ومتوفر في كل بيت

اي وتقدرون تاكلون الكمبيه الي تبون بس غسلو العيش اكثر من مره



اما تجربتي اانا انسانه قبل كنت على طول رجيم دشتي جتني فتره خلاص ماقدر استحمل اللحم نادر ما اكله كرهته

وصرت كل عيش ولبن مع فلفل لازم بس كنت اخربط مادري والله جم المده بس كنت 83 وصرت تقريبا 72 وخرده

بس ترااااااااااااا كنت اخربط يعني كنت اكل ككاو وبطاط وغيره وغيره

احلى شي فيييييه

والله يابنات ان لاقطعتيه ماتمتنين لان اصلا الكربوهيدرات تثبت الوزن عشان جذي كل رجيبم لازم يدخلون فيه نشويات

المهم بنات اذا عجبكم الرجيم قولو لي لان بحط يومياتي مع الرجيم وبشوف منو معاي يدش

 

[مشاعر أمرأه]

موفقه يالغاليه

وبانتضار يومياتج

 

[قطوه_ورديه]

يسلمووو مشاعر بس يبيله بعد تشجيع :×

لانه صج صج يشبع ويضعف

 

[Eva-SS]

مادري غريبه رجيم على العيش

احس العيش ما منه فايده غذائيا بس يطلع كرش .. يمكن هالرجيم حق اسبوع مو اكثر او لازم معاه مكملات غذائية

 

[قطوه_ورديه]

لا حبيبتي اسبوعين تتبعينه :×

بس انا لا يناسبني وايد

 

[(حلوو الدرابيل)]

رجيمج يغري ناطرة يومياتج وان شاء الله توصلين لهدفج بسرعة

 

[كثبان رملية]

هلا اختي بس كم كمية الرز الابيض .........................

شو رايج ابدي وياج من باجر ...............................

 

[BnoTa CuTe]

الله ببدي معاكم انا مسويه رجيم صارلي شهرين ونزلت بس مادري شفيني صارلي 6 ايام بس ابلع خربت الرجيم عدل لاني مليت من النظام الي اتبعه

وهالرجيم عجبني بسويه معاكم اسبوع

ثاانكس على الموضوع

 

[شفايف كرزيه]

احب العيش وطرقتج عجبتنى

 

[ام عيالها الغاليين]

اكبر دليل ان العيش الابيض مايسمن

ان جنوب شرق اسيا مثل الاندونيسيات والتايلانديات كل اكلهم فيه عيش ابيض

 

[][ sarah ][]

والله يغري الرجيم لان الحين صايره وايد اكل عيش
بس يطلعلي كرشه

واللي اعرفه ان لما تعلقين على اكل معين يوميا اهني وزنج يثبت :\

 

[om fajori]

السلام عليكم حبيباتى
انقل لكم تجربتى علشان تستفيدون
انا ضعفت 17 كيلو بس من اكل العيش الاسمر
ريوق وغدا وعشا

 

[كيكه توفي]

مشكوره

 

[عربجيه]

مشكورهـ

 

[نظرة اعجاب]

بتابع يومياتج وبشجع

 

[reham123]

الله يساعدج علية ..انا قبل كنت موذاك الزود ويا العيش من سويته وهديته صرت بس اتشها بانواع العيوش امبيية .. و سببلي امساك ...الله يصبرج و ينولج اللي تبينه

 

[نوبدي]

مشكوره حبي على هل الموضوع ،،،

والله الموضوع ياه في وقته،،، لانه من باجر ببتدي في الرجيم ،،

بغيت هل الرجيم يثبت وزني شويه وانزل وانا شبعانه من الاكل ،،،

واذا ضعفت بعد اسبوع بكتبه ،،

الاسبوع اللي طاف وايد نزل من رجيم غريب ،،وزني من النوع اللي يلوع بالجبد ما ينزل الا شويه بس هل الرجيم اللي سويته عجيب ب اسبوع نزلت تقريبا 3 كيلو ،، الرجيم عباره عن عصير برتقال وحليب اوزعه على على اليوم

العجيب فيه انه كنت اشرب كبيتشينو ويا سكيم ملك من ستار بكس ومن سكند كب ومن كوفي بين بس انزل ،، واضيف سكر بني لانه احب البني،،،

بس اخاف وزني يرتفع بسرعه ف بتبع رجيم العيش عشان شويه اثبت اللي نزلته وانزل بعد ،،،

وان شاء الله خير ان شاء الله احط النتيجه هني،،،

السلام عليكم حبيباتى
انقل لكم تجربتى علشان تستفيدون
انا ضعفت 17 كيلو بس من اكل العيش الاسمر
ريوق وغدا وعشا

وعليكم السلام ،، يالغلا ممكن اتقولين كم المده اللي نزلتي فيها عشان تعطيني امل :yaaaaaarb: