اولى ابتدائي والحمام

[هيبة كلامي]

هاي أمهات

انا ولدي يروح اولى بس مايعرف يتصرف اذا راح الحمام وانتو بكرامه لاني انا دايما ادخل معاه وافصخه هدومه وانا الي اغسله ولمن حاولت اعلمه يروح بروحه دايما يبجي ويكره شي اسمه الحمام لدرجه ان احيانا يسويها على نفسه وانا حيل شاغلني هالموضوع شلون بيتصرف وخصوصا ان راح يكون بروحه في المدرسه وشلون راح يفصخ بنطلونه ويلبسه مره ثانيه لانه لازم يقط البنطلون كله قبل لايدخل
وانا تعبت معاه مدري شسوي وخايفه عليه حيل
دعواتكم الله يفتح عليه وتسهل اموره وساعدوني بنصايحكم *

 

[كافيه نعناعه]

الله يعينج حبيبتي ,, أنا ولدي جذيه بعد مايعرف بس أنا معاه معلمه بنفس المدرسه ,, بس لازم يتعلم بروحه وقلت له انا أكون مشغوله ولازم تروح بروحك الحمام لان كل الاولاد بالمدرسه مو معاهم امهاتهم ,, واشتريلا البنطرون الي فيه سير بدون سحاب وزرار عشان يكون سهل عليه اذا دخل الحمام ,,, ومع الوقت راح يعرف ,, بس احنا في المدرسه تكون عامله نظافه موجوده عند باب الحمام عند صفوف اولا ابتدائي حق الحالات الطارئه والمدرسات موجودين لا تخافين عليه ,,,مع الوقت راح يتعلم وعادي اذا وسخ ملابسا هذا شي عادي بالصف الاول ,,,,​

 

[Q 8 Y A t]

طيب عندج هاليوم وباجر

لازم تعلمينه على الحمام

وبنطرونه لا تخلينه معقد ,,, خليه سير من فوق

بحيث ما يتعقد من فتح السحاب والحزام والزرار

حتى لو ابوه يعلمه

لانه ماتقدر المعلمة تروح معاه

 

[عيون ملكيه]

اعذريني بس ضحكني العنوان تخيلته صغنون ومتوهق فديته الله يخليه لج وتبلغين فيه ابو و انتي تعلمين عياااااله وااي يازين اللي رايحين اولى

 

[queenbeeuty]

يارب اسهل امورو انشالله

 

[سحر الشرق@]

زين شلون كان بالروضه

 

[@ام يوسف@]

ااب

 

[السهم الصويب]

من 3 سنين واعلم اعيالي

مادري 6 سنين المفروض ان رياااال مايعرف يروح الحمام

 

[بنت سويسراا]

المفروض تخلينه يتعلم بروحه لان كبر انا من اولى روضه معلمته ان محد يدخل معاه اهو يغسل بروحه بس حق الشي الصغير اما الكبير انا اغسله

و لا تخافين فيه فراشه تغسل حق اليهال

 

[رفرف]

اسمالله عليه ريال .. ٤ او ٥ سنين المفروض متعود
لااااازم تعلمينه هاليومين لأن محد بيروح معاه وهم عيب تدخل معاه الفراشة تشوف عورته وهو ريال ..
ماكو حل الا انه يتعلم

 

[منوووووله]

علميه خليه يعتمد على نفسه المفروض من الروضه معلمته

واحسن حل لج الحين عودي اشوي اشوي انج اول مره توقفين عند الباب وتقوليله يسوي كل شي بروحه

مره مرتين لين يتعود والله يكون بعونج عاد صج وهقه اذا للحين مومتعلم ابروحه ..

 

[q8tyah]

جربي معاه طريقه الثواب والعقاب وخلج حازمه معاه اذا بتدلعينه عمره ماراح يتعلم

 

[PuPa^^SWeeT]

اعتقد انه في فراشة تدخل معاه

 

[manoooram]

حبيبتي انا بنتي بأولى ابتدائي
اول اسبوع او اسبوعين كانت تخاف تروح الحمام بروحها الا مع الفراشة فالمدرسه تناديها وتوصيها تروح معاها
لأن جو المدرسة يديد عليها بعد ما تعودت عالوضع اليديد قامت تروح بروحها عادي
انتي دورج تعلمينه وتشجعينه على روحت الحمام يا قلبي
*