اول زيارة للكويت .. ابي استفسر منكم

[غيمة]

سلام كويتيات
بعد كم يوم جايه ليلتين عندكم فبسأل عن كم شغله

قلنا بنروح سوق المباركية والابراج طيب كرة المشاهده من كم الساعه يفتحونها؟

ومن المجمعات شترشحون افضل سوق شرق ولا مارينا كرسنت شالفرق بينهم لاني اللي فهمت ان فيهم جلسات خارجية حلوه وشنو المطاعم او الكوفي شوبات الحلوه فيهم؟

والافنيوز واحتمال 360 .. جمعية سلطان وين موقعها ؟

وهل ينتعنى لحديقة الشعب ؟ ودي بألعاب خطيره وحلوه ان شالله اذا كفى الوقت

مطعم فريج صويلح وميس الغانم لونروح واحد منهم يوم السبت زحمه حددددهم ولا؟

وعذروني على الازعاج وكثرة الاسئلة:eh_s(22):

 

[miss $_$ semsem]

اول شي حياج الله بالكويت

قلنا بنروح سوق المباركية والابراج طيب كرة المشاهده من كم الساعه يفتحونها؟

سوري حبيبتي مااقدر افيدج لأن قليل اروح للأبراج فماادري متى

ومن المجمعات شترشحون افضل سوق شرق ولا مارينا كرسنت شالفرق بينهم لاني اللي فهمت ان فيهم جلسات خارجية حلوه وشنو المطاعم او الكوفي شوبات الحلوه فيهم؟

مارينا كرسنت فيها مطاعم اجنبية وهم عربية يعني مطاعمه الخارجية اكثر من سوق شرق والمطاعم فرايديز و ايامي ووايد بصراحة مااذكر بس مارينا كرسنت مطاعمه اكثر من سوق شرق
وطبعا مجمع المارينا مول ينقسم لفندق ومارينا كرسنت اللي اهوه المطاعم الخارجية وهم المجمع نفسه في مطاعم وجبات سريعة وسينما والمحلات فاهوه اكبر من شرق

بالنسبة لشرق مطاعمه اقل من مارينا وفيه مركز سلطان اللي تسألين عنه وفيه محلات وسينما بس انا افضل انج تروحين لمارينا كرسنت لأن مطاعمه وكافيهاته اكثر

والافنيوز واحتمال 360 .. جمعية سلطان وين موقعها ؟

انا افضل انج تروحين للافنيو و360 اكثر من مارينا وشرق لأن محلاتهم اكثر ومطاعمهم اكثر واهم افضل الاسواق عندنا
وبالنسبة لمركز سلطان مثل ماقلتلج عندج بسوق شرق + مجمع الكوت يعني بمنطقة الفحيحيل فيها مركز سلطان + حديقة الشعب في يمها مركز سلطان + بمنطقة شويخ + منطقة حولي + منطقة سلوى

وهل ينتعنى لحديقة الشعب ؟ ودي بألعاب خطيره وحلوه ان شالله اذا كفى الوقت

الشعب حلوة واهيه افضل العاب عندنا حاليا وفيها العاب للكبار عندج نفس قطار الموت وفي لعبة اللي يحذفونج من فوق << يازين الشرح وفيه العاب يعني للكبار بس للأسف الكويت مافيها وايد العاب ترفيهية يعني الاحسن الشعب وفيها كذا لعبة حلوة يعني اذا كفى الوقت روحي هناك استانسي بس مااقولج العاب الكويت توووب وتصك على الامارات لا بس يعني الشعب فيها العاب حلوة وفيها بعد متحف صدق او لا تصدق حلو وقلعة الرعب يعني فيها شغلات تونس

مطعم فريج صويلح وميس الغانم لونروح واحد منهم يوم السبت زحمه حددددهم ولا؟

اهم هالمطعمين زحمة بس شوفي حجزي لكم احسن يعني لي وصلتوا بالسلامة ان شاء الله دقوا على واحد من هالاثنين وحجزوا لكم طاولة انا افضل لأن ماتضمنين الزحمة

وووو لا ازعاج ولا شي بالعكس حياج وسوري ماقدرت افيدج بجم شغلة :$

 

[om.aboodi]

واللله انا ارشح لج مطعم زمان اول رووووووووووووعه مال كويتيه وطبخ موطبيعي وع فريج صويلح راحت عليه طلع اللي يطبخ الحين هنود يطبخون مري شارع بظهر المارينا ماعرف اسمه كله مجمعات ومطاعم شحلاته الفنار ليلي جاليري مجمع زهرة مال الماركات الراقيه اينن والثريا كله ماركات وكافيه هادي وبهالشارع مركز سلطان

 

[krkooora]

سلام كويتيات
بعد كم يوم جايه ليلتين عندكم فبسأل عن كم شغله


حياج الله
قلنا بنروح سوق المباركية والابراج طيب كرة المشاهده من كم الساعه يفتحونها؟

مادري عن الابراج صراحه خبري فيها من زمان بس انصحج تروحين لها ريوق على الساعه 9 ونص جذي احلى شي الصبح منظر البحر عجيب

ومن المجمعات شترشحون افضل سوق شرق ولا مارينا كرسنت شالفرق بينهم لاني اللي فهمت ان فيهم جلسات خارجية حلوه وشنو المطاعم او الكوفي شوبات الحلوه فيهم؟

انصحج تروحين مجمعاتنا اليدد

الافنيوز
360
اولمبياد مول

تبين قعده كافيهات على البحر روحي المارينا كرسنت
ولا مطعم لينوتر البحر او مطعم نينو البحر عنده قعده خارجيه مباشرة على البحر

المطاعم انصحج تجربين
مطعم اوبن فليم كتجن بـ مجمع 360
جوكلت بار بحق السويت و الكوفي احلى شي و عندهم البنك باستا الغنيه عن التعريف لذيذه ابـ الافنيوز و المارينا كرسنت
مطعم اشاز بـ المارينا كرسنت او الافنيوز
مطعم شبستان الايراني بـ 360

هذيله المطاعم صراحه 100% راح تعجبكم ان شاء الله

والافنيوز واحتمال 360 .. جمعية سلطان وين موقعها ؟

مركز السلطان
موجود في السالميه شارع سالم المبارك قبال مجمع الفنار
موجود في سوق شرق
موجود في الشعب
موجود في منطقه سلوى

وهل ينتعنى لحديقة الشعب ؟ ودي بألعاب خطيره وحلوه ان شالله اذا كفى الوقت

حديقه الشعب حلوة فيها جم لعبه خطره

مطعم فريج صويلح وميس الغانم لونروح واحد منهم يوم السبت زحمه حددددهم ولا؟

ما انصحج بفريج صويلح لانه وصخ صراحه و كذا مرة تسكره البلديه و يرد يفتح !:eh_s(1):
تبين اكل كويتي جربي مطعم بزة بجمعيه الشاميه نظيف و توه فاتح و تراثي على موردن
ميس الغانم دايم زحمه طول ايام الاسبوع بس السيرفس سريع و يمشون الناس

وعذروني على الازعاج وكثرة الاسئلة:eh_s(22):

اتمنى افدتج و اذا بغيتي اي شي دزيلي على الخاص
و حياج الله بالكويت

 

[غيمة]

فدييييييييييييييييييييييييييتكم كلك ياقلبي كفيتووو ووفيتو وزيااده
وماقصرتوا وألف شكر على هالافاده الشامله :eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7):