اول مره اروح لتركيا وابيكم تساعدوني

[نورعيني أنا]

بنات منو تسويلي جدول حق 10ايام لتركيا بس اسطنبول لان زوجي مو راضي نطلع برا عنها واحنا اول مره نروح لها ابي اسم فندق مجربينه وشنو الاماكن اللي تصلح للصغار باخذعيالي معاي وابي اذا تعرفون سايق امين ويعرف عربي ابي رقمه واخر سؤال بالامانه احنا خايفين من الديره انهم يقولون عنها مافيها امان وشعبهم نفسيتهم خايسه مادري ابي تقولون كل شي عنها حتي الشغلات البسيطه عشان احب اروح ديره وانا مرتاحه خصوصا ان عيالي صغار معاي والله يعطيكم العافيه مقدما ادري ماراح تقصرون معاي

 

[الحبيبه الدبيبه]

انا مثلج بروحها اول مره وماعرف عنها شي
بس جدول الرحلات مايصير من الحين لان المتاحف لها ايام معينه تستقبل فيه الناس
احسن لج تتفقين مع سايق هناك وهو يحط لج الجدول وطلبيه من الفندق اللي انتي ساكنه فيه
اما الفنادق ماعندي فكره عنهم بس انا حاجزه بالتايتنك مدحوا لي فيه وااايد
الله يوفقج ويوفقنا في سفرتنا ان شاءالله

 

[القصيدة]

السلام عليكم و رحمة الله و بركاته

أنا رحت تركيا و حبيت الشعب التركي كثيـــــــــــــــــــــر ،، مرحين و عشريين و يحبون الأطفال :eh_s(22):​

اللي يعامل الآخرين باحترام راح يحترمونه و اللي يتعامل بنفسية و يتصرف بغرور و فوقيّة أكيد ما راح يحترمونه على اختلاف الجنسيات​

و البلد آمنة كثير و فيها حركة طول الوقت في الأماكن المعروفة لكن البعض يروحون أماكن الله أعلم فيها و يرجعون يشتكون ​

على فكرة تجنبوا سواقين التكاسي اللي يتكلمون عربي لأنهم من جنوب تركيا نصيريين و يكرهون العرب و نصابين ​

جربوا فندق مرمرا في تقسيم بما انو تقسيم كلها خليجيين ،، و هذي صفحته ع البوكنغ The Mrmara Taksem ​

1- بما انو راح تسكنون تقسيم ،، so يوم وصولكم تمشوا فيها ع المحلات و الكافي شوبز و المطاعم + مجمع جواهر مول ​

2- منطقة سلطان أحمد و هذا تقرير عنها إن شاء الله يفيدك سلطان أحمد .. و أقول نظرة تردّ الروح ..!​

3- رحلة لجزيرة الأميرات ​

4- منطقة أمين أونو ( سوق المصريين للبهارات + الجامع الصغير + برج غلاطة ) + رحلة بحرية في البوسفور ​

و ممكن تنزلون الجزء الآسيوي من استانبول و ترجعون بنفس اليوم ( تذاكر الرحلة البحرية صالحة للاستخدام لمدة 24 ساعة ) ​

5 - ممكن تخصصون يوم للجزء الآسيوي و يكون اليوم الخامس .​

6 - الباص السياحي تتجولون بين معالم استانبول و تنزلون في أي منطقة تعجبكم و ترجعون مع الباص ​

( تذكرة الباص صالحة 24 ساعة و الباص يمر كل ساعة ) + مقهى بيير لوتي في ترابيا تصعدونه بالتلفريك + مجمع فوروم استانبول ​

7- رحلة مع شركة سياحية لبورصا + يلوا و ترجعون نفس اليوم ​

8- حديقة ميني ترك تناسب الأطفال .. فيها كل معالم تركيا مجسمة لكن بشكل مصغر + مطعم الملك​

9- منطقة أورتاكوي ع البحر و فيها محلات و كافي شوبز + منطقة بكر كوي برضو محلات و كافي شوبز​

10 - مجمع استنيا بارك + تكملون السهرة في تقسيم بما انو آخر يوم لكم ​

ممكن تقرأين التقارير السياحية في منتدى العرب المسافرون + سفاري + زاد المسافر مرررررررررة مفيدة ​

رحلة سعيدة بإذن الله حياتي :eh_s(17):​

 

[نورعيني أنا]

امــــــيـــــن يااااااارب ومشكوره حياتي عالرد .

 

[نورعيني أنا]

مشكووووووووره القصيده حياتي ع الرد ماقصرتي .

 

[ά38Ł miήόήά ㋡]

أأسطنبولً حييلً زحممممممهً بسـً تهببببلـً أأهم شيـَ الجسرً وتلقونً بيت مهند ونورً < شخباريً . اذكرٍَ صورتهً لين قلت بسً!!



أأمممَ أاهم شيً اخذيً الكآآم وصوريً هنآآآآك والله مآآتدرين شنو تصورينً وشنو تخلينً.,


يآآليت لووً تقدرون تروحوونً اوزنجولً ,,خيآآآآآآآآل وهدوووووء والتركيآآت هنآك متحجبينً يونسوونً

وأأأأممممً وبـــــًس اتمممنى لجً رحلــًه سعيــًدهـَ:*

 

[ترتر زري]

ان شاء راح تستانسون هناك أول شي سكنوا بتقسيم وفي مكاتب سياحيه هناك وايد تلقين اعلاناتهم بالعربي واغلب سواقهم يتكلمون عربي

وبالنسبه لليهال يمكن المتاحف ماتونسهم ولا البازار بس بليل وديهم مولات

مثل مول أسطنبول فورام فيه اكواريوم ومتحف الثلج ومحلات العاب وايد ومولاتهم كلها حلوه

روحي متحف طوب قابي سراي وجزيرةالأميرات والميني تورك والتلفريك في خوش قعده وقصر دولما بهجه
شارع الاستقلال بالليل طماشه...واذا تقدرون تروحونبورصه لو يوم واحد ودو اليهال جبل ألودغ يلعبون بالثلج

تركيا وناسه وناااااااسه لحد يقولج بوق وعصابات العام رحنا وهالسنه ان شاء الله

 

[نورعيني أنا]

فدييييتكم والله كلكم اللي رديتو علي بس بعد طماعه ابي اعرف اكثر عشان ابو الشباب مايمسك علي شي هههه خصوصاً انه مو مشتهيها وانا خاااطري فيها

 

[نورعيني أنا]

بنات منو تعرف رقم سايق اهم شي يكون امين ويعرف عربي احد مجربه بسطنبول وشاكرتلكم

 

[مرايم2009]

بنات منو تعرف رقم سايق اهم شي يكون امين ويعرف عربي احد مجربه بسطنبول وشاكرتلكم

احمد905352735861+

​

 

[نورعيني أنا]

ياحياتي يامرايم ماقصرتي

 

[دلوعة أبوهآ]

ديروا بآلكم في تقسيم ...
لآتسهروا فيها لوقت طويل
وانتبهوآ من السرقآت ..



ورحله موفقةة

 

[نورعيني أنا]

حرام عليج احنا بروحنا خوافين هههههه عاد انا قلت احسن مكان فيه ناس وحركه ليش شنو سامعه انتي عنها قولي عشان الواحد يدير باله والله يجزاج كل خير حبيبتي

 

[7rm_7bibi]

حبيبتي الله يتم عليكم سفرتكم
وتردون بالسلاامه

انا من شهرين كنت فيها اسطنبول ومن اونس المحطات كانت بالرحله
وكلنا كانت عندنا المخاوف
بس الحمدلله ماكانت مثل ماتصورنا
اولا احنا سكنا بالسلطان احمد
عشان المتاحف والاماكن السياحيه اقرب للفنادق اللي سكنا فيها
احلى مافي اسطنبول كنا مانستخدم التكاسي كثير الا اذا بنروح المول
او اماكن بمناطق ثانيه

اذكر نطلع من الفندق الصبح ونتمشى وبطريجنا نتغدا ونرد الفندق بالليل
طبعا ماوصيج يكون معاج ماب لمنطقة اسطنبول راح تحتاجونها كثير بتحديد اماكنكم

اذا سكنتي بالسلطان احمد
اختاري من بوكنج فنادق قريبه من مسجد السلطان احمد
ومتحف ايا صوفيا
لاانج راح تروحين للمتاحف بدون تاكسي
المسجد الازرق واياصوفيا وطوب كابي
ومن طوب كابي اخدي الباص السياحي يقدر ينزلج على قصر دولماباشا
واحتفظو بتذاكر الباص
اذا طلعتو من القصر نطرو الباص يمركم بنفس المكان اللي نزلكم منه
وراح يفر فيكم اسطنبول كلها كان وناسه حيل

لااحاتين امان المنطقه اسطنبول كلها سياح اجانب
والااتراك تحترمينهم يحترمونج
خليج حذره بس من اللي يتحجون عربي
واتمنى لج رحله سياحيه ممتعه

 

[نورعيني أنا]

مشكوره يالغاليه ماقصرتي ريحتيني الله يريييحج

 

[° ЯŎ7 ĥẽlώą ° ®]

جم تكلف لاربعه اشخاص شاملة كل شي ولمدة اسبوع