اول مره اروح لشاليه خيران شنو اخذ معاي

[بتوتة توتة]

الله يخليكم اول مره اروح لشاليه خيران شنو اخذ معاي وشنو اشتري مااعرف وشسوي الي رايحه تعلمني اخذ فلوس واله ماجله ساعدوني

 

[ام جسوم@@]

رد : في شاليه الي تحب تتفضل

اي اكيد اخذي فلوس واخذي كلشي بلبيت من اكل لوول

انا الوالده لازم اذا بنروح شاليه كلشي تييب بطاط عصاير وكاكاو وكل شي

انشاءالله تستانسون

 

[reema q8]

رد: في شاليه الي تحب تتفضل

اي أكيد حبيبتي أخذي فلوووووس بس أخذي ماجلة احسن وافر لج وفي أهناك جمعية اذا نقصج شي وانشاالله تستانسوووون ووو عليكم بلعافية عل الجو الحلووووو *

 

[[[ عيون جابر ]]]

رد: في شاليه الي تحب تتفضل

لازم ماجله لاتنسين ولازم وياج فلوس لأن راح تصرفين بالهبل لوووووول

 

[RoWaIsHeDyA]

رد: في شاليه الي تحب تتفضل

اغراض التنظيف حق الحمامات تكرمين انا طفارتي الحمامات لازم ينغسلون وبطاط وحلويات وجذي هذولا بتلاقينهم يخلصون بسرعه ومحد يحس بالوقت فمايحتاجون غدا وعشا تلاقين اغلب وجباتهم خرابيط وسهر بسهر ووناسه المكان هناك واخذي فلوس اكيد حق تاجير القواري واللعب والاكل اذا نقصكم شئ ولاتنسين عده الضمادات والبلاستر وهالسوالف ياكثر ماراح يطيحون اليهال لوووووووووووووووول لازم شطانه وعليكم بالعافيه واستانسو من قلب لانه الجو والمكان يساعد

 

[خاب ظن الشوق بك]

رد : في شاليه الي تحب تتفضل

اخذي ماجله حق ريوق وغدا

واهناك في مطاعم وفي قواري تأجير وفي صاله العاب يعني يبيلج فلووس وفي مرينا مطعم على البحر

 

[pretty sarona]

أخذي وياج اكل و عصاير و ماي ,, ماجلة خفيفه ,, هذا اذا كنتي تبين تطبخين بس اهو في مطاعم و سوالف فطاير و مشويات ,, و في جمعية صغيره ,, و أكيد تاخذين وياج فلوس لأن في ألعاب لليهال و تأجير قواري وما يحتاي تاخذين عده الاسعافات لأن لا سمح الله و صار شي في مستشفى هناك

 

[twinsmam]

شوفي اذا رحنا شاليه نحب نسوي أول اليوم العشا شوي فلازم تاخذين كل العدة معاج من دوة و فحم و غيره و لازم تاخذين معاج ماي اهم شي و كلينكس و عصيرات و كاكاو و بطاط و حلويات و اخذي سوالف الريوق خبز توست حليب اجبان بيض شاي سكر و اذا تبين تطبخين غدا اخي معاج و احنا الصراحة ناخذ مقالي اسهل شي و الزيت لا تنسينه <<< امبي جني مصختها هههههه بس والله الشاليه حق البلعة
طبعا لازم معاج فلوس راهية حق العاب اليهال القواري البولينغ و المطاعم و بس
جني ما خليت شي بالجمعية لوووووووول
و انشالله تستانسون

 

[CUTE ENGINEER]

رد : اول مره اروح لشاليه خيران شنو اخذ معاي

تاخذين ماجلة كاملة من عيش وشوية معكرونة وبصل وطماط وليمون وإيدام
وتوست وأجبان وشغلات الريوق والشاي والقهوة ومكسرات وبطاط وبيبسي
غير البهارات وشغلات الطباخ وحليب

لأن جمعيتهم غالية شوي ومو كل شي تلقينه

تاخذين شامبو وصابون وعدة اسعافات أولية من شاش وبلاستر ومعقم وجذيه
وكفرات خفيفة احتياط

 

[CUTE ENGINEER]

رد : اول مره اروح لشاليه خيران شنو اخذ معاي

وطبعا إخذي فلوس وايد حق لعب اليهال وغيره

وhave fun

 

[حناينq8]

العضوات ما قصروا

وانا احرص اني اخذ مخدتي الصراحه مخداتهم تعور الرقبه

واخذي سيادتج وستشوار الشعر مع اغراض الميز تواليت لا تنسينه وكل شي شخصي اخذيه
وحق اليهال كرتون شبس وعصاير وبطول ماي صحه وكاكاو
وحتى اذا تبون تاكلون بالمطاعم اللي هناك وما تبون تاخذون ماجله انتي اخذي فواكه وكرواسان وصمون وجبن
ولا تنسين الحب ومطاطير الشاي والقهوه واخدي لج ماعون حلوه حق القعده بره على الطاوله جبال البحر

اذا تذكرت راح ارد اقول لج

 

[حربيه وبس]

رد : اول مره اروح لشاليه خيران شنو اخذ معاي

اكيد لازم تاخذين ماجله
واهم لازم تاخذين فلوس لان هناك الصرف مو طبيعي