اول مره ازوركم محتاجه مساعدتكم

[%ورد جوري%]

مرحباااا بنات

بزوركم قريب ان شاءالله بسوي شوبنق (اول مره ازوركم)

تنصحوني وين اروح؟ ابغي اسماء المجمعات والمحلات وأماكنهم بالضبط

ابغي محلات غريبه مامتوفره عندنا

محلات ملابس وعبي واكسسوريز يعني شغلات حلوه

لا تبخلون عليّ :eh_s(22):

 

[manoooram]

مراحب حبيبتي ومنورة الكويت مقدما حبي
انا ما أدري انتي من وين يا قلبي بس بقول لج بشكل عام شنو أحلى شي

أفضل شي لل Shopping الأفنيوز شامل كل المحلات تقريبا
وأحلى المحلات اليديد اللي افتتحوها بالقراند أفنيوز
uterque
just cavalli
dkny
pink
COS
Tory Burch
Harvey Nichols
Stave madden
fashion code

وعندج ال 360 mall تلقين فيه الماركات الهاي فاشن حبي
وفي محلات حلوة همن مثل ملونج - بيمبا أند لولا وغيرهم

 

[lebanon night]

غير الافينيز في الحمراء مول بالشرق + سوق شرق+ مجمع الصالحية + الراية
+
بالسالمية
وعندك المارينا مول
الفنار
ليلى جاليري
البستان
ماركس وسبنسر
سنتربوينت

 

[%ورد جوري%]

ثانكس حبيباتي بس اغلب المحلات موجوده عندنا ب دبي

بعد بنات لا تبخلون علي :eh_s(22):​

 

[ام الدرر]

حبوبة
ماذكرتي نوعية الملابس اللي بخاطرج
اذا حابة اشياء غريبة وستايل كويتي ميني دراعة
مع انها صارت موضه قديمة وتنفع لمناسبات خاصة
شوفي مجمعات منطقة حولي
1- المهلب
2- العثمان
3- السندس والايوب هذول يم بعض
بالسالمية
سوق السالمية
المحلات فيه مو اغلبها خياط وتفصال الكويت او بضاعة صينية مو موجودة بالخليج
وعندج للاكسسورات والميك اب
سرداب الشايع بسوق الديرة (العاصمة )

واي سؤال حاضرين حبوبة
حياج الله بديرتج ​

 

[كويتيه فرنسيه]

اذا تبين شي مو في دبي فمستحيل :d

معروفه دبي هي تجمع اشهر الماركات اساسا هي اول شي ينزل عندها تالي يوصلنا

بس حياج الله بتنورين الديره عندج الافنيوز يعتبر اهم مجمع عندنا فيه كل شي ومحلات ترضي اغلب الاذواق والاسعار

والبنات ماقصروو