اول مره تسافر مع زوجها وسكرت المره الثانيه وش بيصير

[زوجه اهم رجل]

للاسف الي صادفته كان من ابشع مارئت عيني
هذي وحده اعرفها عز المعرفه حدها القصيم لا سافرت ومره راحت هي وزوجها لأحد الدول
وقال لها وش رايك نسكر وهي ماكذبت خبر قالت يالله
ولبست لبس مغري وقال الله لو تنزلين للمرقص بهالمنظر بينهبلون
ولو قال لها انزلي نزلت
والمشكله تقول لي اكتشفت ان كل الحريم يسون كيذا مع ازواجهم
بس معذوره كلا يشوف الناس بعين طبعه
المشكله هي ام وعندها اطفال للاسف في حريم لا سافرت برى ديرتها فصخت الحيا
وماتخاف من ربها وكن الله بس بديرتها
موضوع للنقااااااش ليش بعض الحريم عندها هالفكره انها لاسافرت لازم تفسد وتسكر
ليش الوحده تطيع زوجها بمعصيه ربها كنه هو جنتها ونارها
ليش الوحده ماتسافر وهي بأخلاقها ودينها
ياما سافرنا ولا فكرنا بهالامور
نبي نناقش هالنوعيه من النساء الي خوفها من ربها بس بديرتها
وماخذه الدين والمبادئ والقيم مجرد عاده في بلدها مجرد ماتطلع تحذفه وراها


سؤالي هل صادفتي هالنوعيه من الحريم
وش رده فعلك لما وحده تقول لك الكلام الي قالته لي هالحرمه
هل راح تستمر علاقتك فيها ولا بتقطعينها زيي لان الي ماتخاف الله ينخاف منها

لاتقولون النوعيه مو موجوده هالنوعيه انا بنفسي شفتها وحاكيتها
انتظر ردودكم

 

[ليلو جبريت]

هالنوعية الخلل مو فالسفر او المكان الي تروحه
هالنوعيه قابله للانحراف يعني بتنحرف حتى لو داخل بيتها وحتى بين اربع جدران

انا عن نفسي صادفت هالنوع واذكر كنت رايحه ازورها في منطقه بعيده لان عندي اجازة صيفية فالدولة الي كنت ادرس فيها وبعض البنات يدرون اي دولة ومن دون ذكر اسماء عشان ما اسبب حزازية او زعل

وانا لما اروح لها كنت انام عندها جم يوم خصوصا انها مطلقه وعندها اعيال اكبرهم عمره 13 سنه واستانس على قعدتها
المهم فالليل تفأجات ان تجيب غرشة ال... ولا يطوفج بناتها لصغار يجيبون لها الثلج وولدها يطالع يعني عيالها يجوفون فعلتها
لا والمشكله خواتها معاها حتى المتزوجه منهم واصغرهم الي بعدها فالمدرسة بعد وياهم فالجو والحياة ورده
والمزود هو رفيجها
@@ << جي كان شكلي لما شفت الوضع خصوصا انها ما كانت جي
والله انصدمت منها والي قطع قلبي اعيالها الي يشوفونها ويجيبون لها الثلج والغلاصات والرد بول
والله كانت صدمة عمري لا وتنصحني تقول هاذي سم <<< من قالج اني ابي اجربه اصلا
اللهم ياكافي ياستار وبعدها قطعت علاقتي فيها ورجعت بسرعه مع ان من عوايدي كنت اطول عندها
وحاولت معاي اقعد بس قلت لها لازم اروح عندي ظرف

والله فالسفر اكتشفت اشياء وشفت اشياء خلتني اعرف اشكثر انا كنت قطوة مغمضة في بيتنا ولا اعرف الدنيا مع اني كنت اقول اني اعرف ومسويه نفسي ابو العريف
​

 

[بخـــارى]

الحمدلله ماصادفت هالاشكال
واعتقد الكبت اهوا السبب مع قلة الوازع الديني

سفره من سفراتي كنا بترازيت مع دوله خليجيه اول مانزلنا مطار دوله اوروبيه البعض خلعت النقاب والحجاب والاغلبيه الاكثر حافظت حتى على نقابها
المشكله على بالهم انه ربهم يتواجد في مكان ومايشوفهم فمكان ثاني استغفرالله
سبحانه عما يشركون

 

[makhroosha]

الشره علي زوجها الي يحرضها ولا تلقينها تطاوعه عشان مايشوف غيرها!!! الحمدالله والشكر البلا من الصوبين

 

[f6ami.B]

استغفر الله الله يستر عليها شلون سمحت حق روحها تسوي
ريلها شايل عيبه باجر يعايرها ع الي سوته
الله يستر علينا وطبعا لو تيي وحده اعرفها وتقولي هالكلام
بحاول اعدلها واذا مانفع معاها ماله داعي اتم علاقتنا ويا بعض

 

[زوجه اهم رجل]

اشكركم على المرور الطيب
وفعلا الخلل فيها من زمان علشان كيذا انحرفت
الله يهديها هي وزوجها

 

[ترانيم القصيم]

أستغفر الله يا رب ,,

الله يحفظنا و يثبتنا ,,

احترامي و تقديري

ترانيم القصيم

 

[ذبحني صمتي]

عووووووووووذا ياربي




والله لو الرجل فاسسد ماله طببببب هي شلونن تسوي جذي

يارب استرنا فوق الارض وتحت الارض ويوم العرض

 

[أحبج يمه]

استغفر الله وأتوب اليه

الله يهدي الجميع

 

[sweet cake]

ما له علاقه هي بديره اجنبيه ولا لا
هذي اصلا داخلها مو مضبوطه وما عندها وازع ديني
امممممم اعتقد هالشي عادة له علاقه بالتربيه الصالحه
يعني في ناس يعلمون عيالهم اشياء بالدين لكن ما يزرعونها فيهم


اللي يهديها ويهدي امثالها .. هذا اللي اقدر اقوله

 

[(كويتيه عسل)]

وايد سمعت عن بنات من غير ذكر الجنسيه يفصخون العباة والشيله في الطيارة

وينزلون من طياره سفور لابسين قصير وبنطلونات مرصرص والصدر طالع ونافشين الكشه الله يستر عليهم ويهديهم

 

[هزة غضا]

الله يثبتنا على الحق ولا يفتنا..
الخلل من الداخل داخل الشخص نفسه ..ليس في المكان ولا الزمان...

شكرا لصاحبة الموضوع..

 

[مالي غير الله]

الله يهدي هالنوعيه ويهدينا ويثبتنا المشكله فيهم مو بالمكان اللي يروحون له هم تاركين الحرام خوفا من الناس تنقد عليهم مو خايفين من الله تعالى

 

[مرت علي]

حسبي الله ونعم الوكيل الدنيا انقلبت هذي ماتخاف الله والله يستر عليها من شي اعظم

 

[جوانا2010]

استغفرالله
الله يثبتنا على طاعته
ويهدي الجميع

 

[زهره]

اي والله وايد سمعت وشفت الله يهديهم ماخذتهم هالدنيا الشيطان راكبهم هم بغفله

 

[هنـــد]

انا خالتي تزوجت احد امراء دول الخليج راحت شهر عسل دول اوربا ولابسه نقابها هالسالفه قبل 20 سنه قال لا يكون بتروحين اوربا جذي قالت ليش لما خطبتني ماتدري شنو لبسي قال امبلى ادري بس فشله باوربا قالت ليش اوربا مافيها رب ومارضت تقط نقابها وعبايتها الرأس والله العظيم والحين يموت فيها

 

[lovely jojo]

طبعا راح اقطع علاقتي فيها لانها بتكون طاحت من عيني ما اقول الا الله يستر عليها ..
المره ما تتبع زوجها بما يغضب الله ..

 

[*شوق*]

واااايد هالاشكال الحمدالله والشكر هدا مرض نفسى والله لما اشوفهم بالمطارات قلبى يعورنى لانها خليجية تدخل الحمام بشكل وتطلع بشكل المكياج واللبس هذا ان دل فيدل على ضعف ايمانهم بديارهم كلها اسود بسود وفى الدول تقولين اجنبية على اللبس
الله يهديهم ويصلحهم

 

[زوجه اهم رجل]

اشكركم على المرور الطيب والله يهدي الجميع