اول مره..

[miss.loly]

السلام عليكم ورحمة الله وبركاته



عزيزاتي عضوات كويتيات...
هذي اول مره لي بحاول فيها اكتب روايه عالقه في ذهني
واتمنى القا منكم التشجيع
عشان احاول كثر ما اقدر اني ما اخيب املكم...
بانتظار ردودكم:bbbiu:....​

 

[ρeαrℓ]

ناطرينج حبوبه

 

[miss.loly]

مشكوووره خيتوو عالتشجيع
منتظره المزيد
لاني اذا ما لقيت وايد مشاركات بهون

 

[ρeαrℓ]

حبيبتي انتي نزلي أول بارت وان شاء الله بتشوفين تفاعل
ناطرينج .. ​

 

[Şhώasha . . ~]

اي حبي نزلي بارت البنات مايتشوقون الا اذا شافوآ بـآرت يححححمس شدي حيلج حبي

 

[miss.loly]

اووكي....




اول شي بعرفكم عليهم...



عايلة بو فاطمه...
بوفاطمه(خالد):يموووووت على بنته فاطمه ومدلها أخر دلع عمره 53ما يفكر بالعيال لانه كل وقته شغل واهو من عايلة جخ وفلوسه وااااايد
أم فاطمه(سعاد):هم مهتمه واااااايد ببنتها فاطمه بس اهتمامها عادي بريلها (خالد) جنسيتها سوريا..
فاطمه:البنت الدلوعه حدها ووحيدت امها وابوها عمرها 13سنه... (البطله)


عايلة بو خالد..
طبعا بو خالد بيته كبير ماشاء الله وشايل فيه 2 من عياله المتزوجين (غير خالد)وعيالهم وحريمهم

بو خالد:ريال كبير يالعمر مخرف ما يددري عن الدنيا بين الحيا والموت..
ام خالدالله يرحمها)
عيالهم...
بدر(بو ناصر):ولد بو خالد اللي اصغر من خالد متزوج عايش ببيت ابوه مع مرته وبناته وولده...
ابتسام(ام ناصر):شريه وتكره الخير للناس وخصوصا حريم اخوان ريلها اللي بنفس البيت...
اعيالهم...
بدريه:عمرها 15سنه
سلوى:عمرها 13سنه
ناصر:عمره 10 سنين


سعود(بو محمد):اصغر من بدرعايش ببيت ابوه مع مرته وعياله
ساره(أم محمد):خوش مره بس متأذيه من مرت اخوي ريلها(ابتسام)ومن ريلها بعد وميته تبي تتطلق
عيالهم...
حنان:عمرها 12 سنه
محمد:11سنه
عبد الرحمن:9 سنين



طبعا خالد ببيت بروحها لانه كبير وابوه موكله على شركاته وأمواله...
بدر وسعود طمعانين بالبيت وقاعدين فيه ما يبون يطلعون عشان يورثونه بعد عين ابوهم ويكرهون خالد لانه ماسك الحلال




....يتبع ان شاء الله

 

[ρeαrℓ]

ناطرينج

 

[miss.loly]

فاطمه...
على كثر الدلع من اهلها على كثر ما تكره البيت
وتنطر الساعه اللي اتروح فيها المدرسه عشان تشوف البنات وتقعد معاهم
اهي من نوعها حيل طبيعيه بس اسلوبها دفش تحب تكلم صديقاتها مثل خواتها على اساس انهم تمون عليهم
كانوا واااايد ما يتقبلون اسلوبها
اغلب علاقاتها بصديقاتها فشلت...
بس هالمره غير..
طاحت على بنت اسمها (مريم) حبوبه الكل يحبها بالمدرسه وما تزعل من احد..
تعلقت فاطمه فيها واااايد
صارت تحب المدرسه اكثر..
تروح المدرسه كل يوم عشانها وبس...
بس مريم موو معطه فاطمه ويه لانها وااايد اجتماعيه ورفيجتها واااايد وما عندها وقت تقعد مع فاطمه
بس فاطمه ما تبي رفيجه غير مريم لانه ما لقت اي بنت تتقبل شخصيتها
مالقت لها رفيجه تصير لها اخت
ما لقت لها احد يفهمها وبعمرها...


-------------------------------------
مع فاطمه بنفس المدرسه (سلوى)و(حنان)
بنات عمامها..
بس طبعا ابوهم موصيهم ما يكلمون فاطمه ولا يقربون صوبها....
حنان من المشاكل اللي بين امها وابوها مو لاقيه وقت اتسولف معاهم ولا اتفضفض لهم ولا عندها احد يشجعها ويهتم فيها مع انها عندها رفيجات ومعاها سلوى بس تبي احد اكبر منها يسمعها ويفهمها ويساعدها....





.....يتبع

 

[miss.loly]

ويــــــــــــــــــــــــــــنكم
يليت مشرفة القسم اذا تقدر اتغير عنوان الموضوع
إلى:ليـش نسيتوني..

 

[miss.loly]

.....بانتظاركم.....!!!!!!

 

[ρeαrℓ]

كملي ياقلبي

 

[Şhώasha . . ~]

حبيبتي كملي
بس احسن لج اخذي موافقه اول شي على روايتج وبعدين
نزلي مووضوع يديد احسن لج .. وانقلي بارتاتج اللي كتبتيهم !
بجذي بيكون آحسن لا ن البنات ماراح ينجذبون لـ هالعنوان !

 

[‏ ρяιиcεss]

كملي حبيبتي

وما ادري ليش فاطمه كاسرة خاطري احس ان محد يبيها

ناطرينج كملي

 

[miss.loly]

اييي انا كتبت موضوع ثاني وغيرت العنوان
سوري بس انا عضوه يديده وما اعرف المشرفه
ولا اعرف النظام
ومشاركاتي شويه
ما اقدر ادز رسايل
اتمنى اللي تقدر تدز رسايل تدز حق المشرفه وبكون شاكره لكم
وهذي الروايه بعنوان ثاني
http://www.q8yat.com/t907174.html