اول مشروع بحياتي و محتاجتكم

[zO'3a]

السلام عليكم بنات
انا حابه اسويلي مشروع صغير على قدي اسوي فيه تيشرتات (كـ رسم و تصميم و حركات عليهم فنتق) و تيجان و بروشات
بس كــ بدايه شتنصحوني ابدي اسوي جم تيشرت, تاج,بروش ؟!
و وين القى مطبعه زينه اطبع عليها التصميم, ؟
و وين احسن محل رخيص حق الكلف ؟
و وين احصل جهاز مال الشوارفسكي رخيص ؟!




انا الحمدالله عندي موهبة الرسم و الإبداع و ذوقي حلو بـــــــــــــس
حدي عليميه و ماكو خبره ..... فــ ياريت لو تفيدوني انه شلون ابدي اوقف على ريولي ,, و تقريبا الميزانيه الأولى 120 قابله للزياده بــس اول شي بجرب حظي اذا لقيت فيه اقبال كملت إذا لأ اوقف


ادعولي انه الله يوفقني و انجح بأول مشروع بحيااااتي , و الله يوفق و يرزق كل وحده تساعدني و تفيدني و تنصحني ​

 

[princesse X]

عسى ربي ان شاء الله يوفقج ويرزقج ، وان شاء الله البن يساعدونج

 

[فجر الرياض]

ربي يووقثك ان شالله ويزيد ارباااحك ..

انا من راايي تسوين عينه وحده من كل موديل ...

مثلا عندك كذا رسمه فسوي لك رسمه على تيشرت وبعدين اعرضيهم وخليها طلبيه يعني اللي تبغى من هالموديل تقولين لها اوكيه اسبوع او اسبوعين وتكون جاهزه...

وبعدين الناس يحبون الشي الخاص ...مثلا تكتبين اساميهم تحطين صورهم وصور اطفالهم كذا ..

فهمتي علي...

واهم شي طرق العرض تكون مغريه يعني لما العرض واسلوب العرض يكون حلوو صدقيني بتنجحين بحيل الله ...

وتقبلي مروري....

كنت هناا//

 

[zO'3a]

ماقصرتواا بنات والله : )
و إنشالله اسوي موديل واحد من كل تصميم و اصوره و الباجي يصير طلبيـــه و اصمم طلبات خاصه اتوقع جذي احسن : )

 

[dandaon]

na9ee7a ebde shway shway wkhaly mashro3eg fereed mn no3ah
mwafeega

 

[o0O 6aM6oMa O0o]

جهاز اسوارفسكي انا شايفته بمحل الكلف اللي بالسره وعندهم بعد صمغ خاص حق السوارفسكي

وبالنسبه للتشيرتات مانصحج تحطين صورهم لانه الحين وايد اماكن يسوون مو شي يديد و لا تكتبين اساميهم اذا حق الاطفال ممكن بس مو معقوله وحده بتمشى وحاطه اسمها على صدرها

بس اذا انتي شاطره بالرسم رسمي على التشيرتات اشياء غريبه وممكن تزيدين عليها كلف او تسوين معاها بروش والا يكون التيشيرت نفس التاج او كلبسه حق الشعر او تيشيرت معاه حزام نفسه احس البنات يحبون هالسوالف

وهذي الافكار اللي عندي انشالله اكون فدتج بشي بسيط

 

[colorfull]

بالبلوكات عند الكلف في محل يبيع شوارافسكي بالجمله بس مااعرف اسمه
موفقه ان شاء الله

 

[zO'3a]

dandonah
eeh enshalah hatha ale be9er



6am6oma
مشكوررررره وايد يا عمري يبتيلي افكار زياده شغلتي مخيخي ;P~ ما قصرتي ;***


colorfull
انزين وصفيلي وين مكانه؟!

 

[meen_ana]

تحصلينه في سوق الديرة

 

[Ms.Warda]

السلام عليكم ,..
انا مالي شغل بهالسوالف
بس داشه هالقسم استفيد
قريت موضوعج حبيت اقولج افكار
صح كلام طموحه
سوي تي شيرتات ومعاهم جنطه وجوتي نفس الطقه
جذي حركات انا احبهم بصراحه
يعني مثلا تي شيرت وردي وعليه i love shopping
وجنطه عاديه نفسه بالضبط وفلات مثله جذي سوالف والله عجيبه
واهم شي تكونين متواصله مع الناس وسهل يحصلونج
يعني مثلا لو طلعتي ببرنامج او شي خل يحطون رقمج او انتي ذكري وين مكانج ايميلج
هالسوالف وايد حلوه وانشالله الله يوفقج يارب وانا اول وحده بشتري

 

[james546613]

الله يسهل عليج وعلى كل مسلم

 

[hoooas]

صراحه حمستيني انا من زمان في بالي هذي الفكره بس احس اني مقيده ومحد راح يساعدني شرايك اسوي اناوياك قروب ونبداء في هذي الشغله انا من السعوديه وابغى شي يشغلني وميزانيتي مرتاحه يعني حق مشروع صغير بس على فكره السبب الرئيسي في نجاح المشروع هو الاعلان يعني يكون مجتمعك كبير مو تعرفينلي كم وحده ومافيه شي يوصلك للناس.

 

[الباسمه]

موفقه يالغاليه

 

[bedour18]

ممكن اشوف عينة من شغلج؟

 

[سكر-نبات]

حبيببتي بالتوفيق يارب
تقريبا نفس شغلي انا بديت نفسج
ليمن كنت بالثنويه
المهم
اهم شي لازم يكونن عندج مكان بروحج يعني تشتغلين فيه ويبيلج وايد خماجير على قولت امي يعني قشششششششششششش شرايط خرابيط زراير وايد وايد علشان يكون لج مجال للابداع اكثر
بالبلوكات روحي محلات الجمله وايد وايد ارخصلج
والكرستال بالمبرور ارخص شي
وحسبي شغل ايدج حبيببتي يعني التكلفه قولي 3 دنانير وشغل ايدج دنانير لاتنسين وقتج وايدج انحرقت من الشمع اسمله عليج والدرب والطريج والبانزين والحوسه بالحر والشمس
سويلج لوجو علشان الشي يكون كشخه
حطي البروشات بجيس اوجنزا وربطيه بشرايط
حاولي ما تعرضين بضاعتج بالنت عززيها الي يبيج اييلج وهم تحفظين حقوق الملكيه هههه


دوري بالنت مواقع ارخاص تقدرين تشترين منها كلف ترا وايد في ارخص من الكويت
واي شي تبين حبيببتي سأليني فديتشششششششششششششش
وبالتوفيق

 

[بمبة المفترسة]

الكلف شوفي احد يروح لبنان ولامصر ارخص عندهم

 

[نوره في وسط صوره]

هلا حبيبتي الله يوفقج مشروعج حلو خاصة للصبيان والبنات الي بعمر ال4 سنين ولي ال11 وممكن بعد البنات الكبار بس انا شايفه هالفئة تناسبهم هالموديلات اكثر بالنسبه للكلف عندج بو كنان بالفروانيه اسمه محمد ايراني عسل وحبوب ويتعامل معاج بامانه وينزل بالسعر قوليله انا من كرف نور العين واهو بيراعيج
واشتري منه الشوار فسكي والكرستالات الي تبينها وجهاز الشوار فسكي انا شريته من عنده ب11 اصلي بس سهل الاستخدام حيل حيل حيل
محله بو كنان بالديره وبالفروانيه الي بالفروانيه بمجمع الصيفي بلس بشارع اتلمطافي بالفروانيه
والله يوفقج يارب واذا احتجتي لافكار بلغيني اقدر اساعدج واجد لاني كنت اسوي لنفسي ولعيال اختي نفس الشي موفقه يالغاليه