اول موضوع لى استفسار لاني تربيه عمليه

[ابله شوكه]

السلام عليكم :ggdw:

انا سجلت بالمنتدي عشان هالقسم الحلو
و شفتكم شلون على قلب واحد و تساعدون بعضكم البعض

عاد قلت خل اسجل يمكن بعد يساعدوني :krkrkr:

المهم بنات عندي حلقتين بالاسبوع و هذيلا اهدافي


الدرس الاول ::
يذكر ادوات الخباز
بلتزم بانتظار الدور
يلهب مسابقه جماعيه تخدم الهدف

الدرس الثاني::
يتحدث عن مهنه المعلم
يحافظ على الهدوء في الصف
يردد اناشيد الخبرة


بنات ابيكم تقولولى المنبهات و سير الحلقه

و ابي شي بعد ادري مصختها :tomato2:

اذا عندكم فناتق بالاصفي اي شي عادي بس شي مميز و يديد حق الموجهه الحنوووونه على :krkrkr:
يمكن يعجبها ههههههههههههههههه

يلا بنات سدحوااااا خبراتكم

 

[tahaniy89]

رد : اول موضوع لى استفسار لاني تربيه عمليه

up
up

 

[ابله شوكه]

رد : اول موضوع لى استفسار لاني تربيه عمليه

بناااااات وينكم

عطوني ويه شدعوه هههههههههه


اب
اب

 

[عهود الحب]

رد : اول موضوع لى استفسار لاني تربيه عمليه

الدرس الاول ::
يذكر ادوات الخباز
بلتزم بانتظار الدور
يلهب مسابقه جماعيه تخدم الهدف

يلتزم = عدليه الى يحرص على الوقوف بنظام عند الخباز


المثير حطي قصة عن ام تريد اعدداد طعام الافطار لأطفالها و لكن ينقصها شيء وتورينهم [ لبنة و حليب وبيض وجبن ] ما الناقص
الخبز

تطلبين منهم مرافقتك للذهاب للخباز لاحضار الخبز
انتي حاطة على جنب طفل وواقف جدامه ادوات الخباز حتى لو مصورات او فلين [ بدسمان تحصلينهم على فلين ]
وتوقفون بطابور بنظام و تقولين لهم هيا نقف بنظام امام الخباز وتشترون الخبز وتدفعون فلوسه وتودون للأم خبز الريوق
تشكركم عالمساعدة وتعطيكم سيدي [ حتى لو مايشتغل ]
وتحطين فيلم الخباز ان وجد او بوربوينت فيه شرح عن ادوات الخباز وتناقشينهم بكل اداة واسمها وتناقشينهم عن منو راح للخباز
و شلون نوقف عنده يعني طولي عطيهم فرصة للحوار

حطي لعبة صندوق ويستخرجون لج منه اشياء تخص الخباز والاشياء الخطأ ما يطلعونها


عقب مسابقة تركيب ادوات الخباز

بنهاية الحلقة اذا حابة تزودينها بعد حطي واحد من اثنين : يا تطبيق ورقي ويحوطون حول ادوات الخباز فقط
او عرض بوربوينت والطفل يأشر لج عالاداة الصحيحة
وتغذية راجعة وسلامتج

--------
الدرس الثاني::
يتحدث عن مهنه المعلم
يحافظ على الهدوء في الصف
يردد اناشيد الخبرة


عمري ما درست عن المعلم
بس اتوقع تحطين لهم مثير شكل سبورة [ من خلال القص واللصق او البوربوينت ]
ومنو يستخدم السبورة ؟ المعلمة

هيا نتعرف على المعلمة فلانة [ الابلة الثانية بالصف ]
ويكون جدامها ادواتها عالطاولة
القاء التحية وترحب فيكم
حابين نتعرف على ادواتج وعملج بالفصل
طباشير او قلم سبورة / سبورة صغيرة / دفتر التحضير
و شنو عملج [ انها تدرس الاطفال وتعلمهم ]
شنو تحبين تنصحينا يا معلمة [ انه لما نكون بالفصل نحافظ عالهدوء حتى نفهم الدروس ]
شكرها وتعطيكم هدية [ بردو السيدي ههههههههههههههههههههه شسوي مخي قفل عالسيدي عاد
وتعرضين لهم فيلم عن المعلم عالكمبيوتر [ انا نزلته بموضوعي شوفيه مال الخبرة
و طبعا عقب مناقشة

البحث عن مصورات عن المعلم بالفصل
بعدها ترديد النشيد مع المعلمة
واذا عندج مسابقة حطيها ماعندج حطي اي لعبة عن طريق البوربوينت او لعبة التعبير عن الصور
وتحطين صور والطفل يستخرجها ويعبر عنها وتكون كلها عن المهنة هذي
تغذية راجعة


و سلامتج

 

[ابله شوكه]

رد : اول موضوع لى استفسار لاني تربيه عمليه

حبيبتي يا عهووود

جزاج ربي كل خير ما قصرتي