ايدي تحكني ! عندي 1000 شسوي ؟

[فديتني دلوعة]

السلام عليكم ..

شلونكم خواتي ؟؟


الله يسلمكم يا بنات عندي 1000 دينار مابي اسوي نفس كل مره العب فيهم واشتري هدوم وخرابيط لاني اكتفيت ومليت ! ودي استفيد منهم

شنو تنصحوني اسوي فيهم ؟؟؟
او شلون استثمرهم ؟؟؟


وجزاكم الله خير

 

[أماني عمري]

سلفيني الألف استثمرهم لج ههههههههههههههههههه

الله يبارك لج فيهم و فكري بفناتك لرمضان، لبس قرقيعان دراريع أو امممممم ما يبي له، دشي المطبخ و ألفي طبق يديد تتميزين فيه

 

[الباسمه]

اذا ماعندج ميول معينه حطيه وديعه وانسي عنه

 

[...الجوهرهـ...]

جمعي الف على الف ..لين تبنين مشروع ناجح ..


طعيني وصدقيني بدوريني دورة بالمنتديات تشكريني ههههههه ..

الله يوفقك ويرزقك من واسع ابوابه

 

[exanon]

مثل ما قالو اللي قبلي حطيهم وديعة اذا ما عندج شي معين انت مميزة فيه
ممكن تشترين فيهم ليرات و تنسينهم والذهب مثل ماانت عارفة قيمته بتزيد
والله يوفقج و يبعث لك رزقا وفيرا حلالا مباركا

 

[بنت الاحلام]

حطيهم وديعه وارتاحي

 

[alhnan]

1000 و تبين تستثمرينها؟؟؟؟؟ شتسوي هالالف بالله اقول زيديها ميتين واشتري جنطه شانل او زيديها ١٠٠٠ و اشتري شوبارد

 

[فديتني دلوعة]

حدج سخيفه واسلوبج مليق ماكو ذوق ! اشتري جنطه بألف ليش مينووووووووووووووووووونه !
وبعدين اذا انتي ما تعرفين بالماركات ا ام الالوف
تره جناط شوبارد في على 600 و 700 مو لازم اطق لي بالف .. وبعدين مليت من الجناط عندي وااايد ماركات شريتهم وناس تعطيني هدايا اظاهر ماقريتي اقولج اييني دخل وفلوس وكله العب فيهم واشتري وافسفس

 

[Bloom]

حبيبتي انتي تبين تتاجرين ؟؟ او تبين تحطينهم وديعه ؟

اذا تبين تتاجرين عندي لج جم فكره

 

[جروح ودموع]

حطيهم وديعه واذا شاطره بالتجاره سوي لج فيهم مشروع صغير وان شالله الالف يصير الفين وحطي الربح بحساب الدانه وموفققه ياااارب

 

[غمااازات]

سمعتي الحين كل هالردود ، رسيتي على شنو وشللي اقتنعتي فيه

 

[بنت شتره]

فصلي لج ملابس قرقيعان حق اطفال

ودشي معرض وشوفي حضج

 

[فطوم 84]

الله يبارك لج فيهم انا مع *البنات حطيهم وديعه *وخليهم يزيدون *ووالله يوفقج*

*قال عليه الصلاة والسلام*..:- { مــا نقص مال من صدقه ، و ما زاد الله عبد بعفو إلا عزاً ، ومـا تواضع أحداً لله إلا رفعه } *صدق رسول الله صل الله عليه وسلم.
*
اختي الغاليه لجنه الرحمه العالميه ب١٥دينار فقط تكفلين طفله يتيمه*
تدعيلج فقدت ابوها وامها. تفرحينها بهالمبلغ البسيط*
والله راح يبارك لج بمالج ويزيده *ويدخل السعاده لبيتج ووالله نصحتج نصيحه لوجه الله*

اذا حابه هاذي ارقامهم دقي واخذي عنوانهم *
٢٥٤٥٠٢٢. *روضه

٢٥٣١٣١٥ فيحا*
٤٨٩٩٧٦١. الاندلس
٥٥١٩٠٠٩ صباح السالم

٩٤٦٥٤٨٥عبدالله مبارك
٣٩٢١٩٧٧الفحيحيل
٤٥٥٦٠٠١الجهرا


هاذي لجنه الرحمه العالميه*

واذا رقم منطقتج مو موجود كلميني خاص اخدمج بعيوني*

عزيزه وغاليه*

الله يوفقج

 

[فديتني دلوعة]

مشطورين بنات ما قصرتو



bloom شنو الفكره ممكن تفيديني ؟؟؟؟؟؟؟؟؟؟



وجزاج الله خير فطوم تلاقينها بميزان حسناتج

 

[ماكواسم2]

انا اقول لا اتحطينهم وديعه لان قيمة الشراء للدينار قاعده تنزل بمعنى الالف قيمتها الشرائية بعد سنة تقل ...فدوري افكار تزيد فيه وياليت تحطين افكارج علشان استفيد

 

[newchlin]

اذا تعرفين احد يتاجر بخرفان اتفقي معاه والارباح بينج وبينه

كل ما سالت احد شسوي بالالف اييبولي طاري الخرفان يقولون طلع ذهب وماشي سوقها

لو اعرف احد جان سويتها والله

واحنا الحين على باب رمضان والعيد يعني مكسب :rerrerek:

 

[ماكواسم2]

؟؟؟؟؟؟؟؟؟؟؟؟؟؟؟؟؟

 

[أخاف اجرح]

حتى انا والله ودي استثمر بشي ينفعني كفاية لعب والله
عطونا افكار بنوتات
والوديعه جم اطلع تقريبا بالسنة اذا شوي خلينا على التجارة احسن

 

[lolab]

بنات ترا الوديعه مايصير اقل من 5000 والفايده ترا 1.5 بالميه يعني ولا شي

 

[newchlin]

بنات ترا الوديعه مايصير اقل من 5000 والفايده ترا 1.5 بالميه يعني ولا شي

عدل كلامج

دشو مواقع البنوك وشوفو شروطهم وجم الارباح

اقل وديعه الف دينار وفي بنوك خمس الالف

والارباح واحد بالاميه هذا اذا مو اقل

ما تسوى كلش :eh_s(4):