ايست من شي اسمه طبخ

[ياناس هنوني]

السلام عليكم


خواااتي انا اكلمكم وانا ماااايسه

ولااايعه جبدي


زهههقت من شي اسمه طبااااخ

ما اعرف وربي ما اعرف


لاعت جبدي

مع اني اعرف للحلويات والكيك

بس ما اعرف للعيوش وهالسووااالف


وقبل كتبت لكم ان خطيبي يبيني اطبخ له وانه امه طباااااااااااااخه درجه اولى ودرجة اولى شوي عليها
تخيلوا امس اشتطيت قلت ابي افاجئه بطبخ له

رحت المكتبه شريت كتاب اطباااق النخبه

وحددت لي ثلاث طبخااات


وحده عيش

وثنتين حركات حلوه وحشو للتوست

ورحت شريت مقاديرهم

كلللللللل شي جديد

حتى االبهااارات مع انها عندنا شريت جدد

والصحون اللي بطبخ فيها واقدم الاكل


دفعت 50 دينار



واخر شي فشلت الطبخه


حمدت ربي اني ما قلتله بطبخ لك اليووووم


مع اني وربي مشيت ع التعليمااات بالضبط


ومستعده اقووولها لكم

واصور كل شي


من كثر ما احبطني الموضوع


ماكملت الطبقين قطيت الاكل وانخمدت


سااعدوووني ابو الشباااب ماياكل من ايد خدااامه كللللللللش

لدرجة اذا امه مو هنيه وماعنده فلوس لمطعم

يسوي اندومي

مع انه اكل خداامتهم لذيذ

 

[Winter Q8]

مسرع ما ايستي ..
بس و ما عليه كل شي بالتعلم و ياما قطينا بالأكل و لا محد اكله ..
قولي لنا شلون فشلت الطبخه و احنا نقولج ليش ؟

 

[مشتاقة الى الله]

وييييل تو الناس على الياس

حبيبتي انا جنت مثلج

الاكل من اطبخه محد ياكله بس ما ايائست واصريت لان مردي اتعلم ووالله ما شاء الله

تاكلني اصابعج وراء الطبخة

والله يوفقج

 

[لبى خشتي]

عادي مولازم تطبخين اسكني مع حمولتس وخلي زوجتس ياكل عند امه
نوووو بررربلااااام

 

[ذات الهمة العالية]

والله ما كنت أدرى إن فى أحد مثلى

أنا حدى متضايقة

وأموت بأشياء سريعة وبسيطة وحلوة وصحية

بس ما أعرف اسوى

وأطالع فتافيت أبى استفيد وإذا جيت اطبق مااااا أعرف
قمت ادعى يارب يجعل لى نفس حلو بالطبق
ويا كثر ما قطيت


أبى حل جذى

أنا ما اعرف استخدم البهارات خير شر

علمونى أهم البهارات اللى مهم استخدمها

والعيوش مفكرة اشترى من جشيمال جدر لطبخ العيوش

 

[رحيل المرافيء]

توج هذي اول طبخة
طبيعي مرة تفشل مرة العيش لين مرة يابس
طولي بالج
والبهارات لاتكثرين منها حطي شوي وذوقي الطبخة لاتكثرين وتتوهقين
والعيش الماي يكون فوقه بسانتي واحد

 

[جارة القمر]

هلا حبيبتي


طولي بالج كلنا كنا جذية


وبعدين تعلمنا شوي شوي


تتعلميييييييييين



ادخلي دورات وتعلمي


ما تصدقين فرحة زوجك وأهو يأكل من ايدك

 

[بعدالعسريسرين]

الدنياتجارب‏ ومحديطلع من بطن امه عالم كلهاكم اسبوع ونجوف طبخاتج تارسه القسم

 

[nadoooy]

حبيبتي طولي بالج ترى حتى الطباخات الماهرات مرات تخترب وياهم الطبخه يعني عادي انا اطبخ صارلي 17 سنة والكل يمدح طباخي ويقول نفسي حلو بالاكل بس مرات تخترب وياي شغلات وايد يعني عادي واخرة مرة الاسبوع اللي طاف سويت كيكة مااضبطت
بس ياليت توضحين شنو سويتي بالعيش وشنو ماركة العيش عشان نقوللج وين الغلط

 

[rafal]

شي طبيعي البداية دايم تكون شوية صعبة لكن بعدها مهارتك بتتطور وبيكون طبخك من أحلى مايكون....

بالنسبة للرز.... نوع الرز وشنو الطبخة بالضبط هذا يحدد الخطأ..مثل ماقالت اللي فوق...

الحشوات اتركيها فترة تبرد لأن البخار اللي يطلع من الحشوة يخرب لك الشغل شوية

 

[ذات الهمة العالية]

علمونا شنو تاحسن عيوش
وهل فى ملاعق خاصة للبهارات حق اللى ما يعرف يضبط

 

[الغزلان]

حبيبتي لازم تجربين


وتجربين


وتجربين


تو الناس على الياس



بعدين في حريم وايد يسوون دورات



تبين رقم وحده فيهم ؟؟


راسليني