ايسكريمات حق حر الصيف

[يمّه مني]

قوووه بنات
شخباركم مع الصياام ؟؟؟؟

اليوم هالموضوع حده بيونسكم راح ايخلكم اتبدعون بالايسكريم
عااد موتنسون اللي اتشب لمبت الابداع عندها تيي اتحط بالموضوع زين ؟
طبعن انا راح افككم من حوسة فروم سكراج راح انسوي الشورت كت احسن واوفر للوقت

يالله فسروو جمومكم

1-ستروبيري جيزكيك ايسكريم

ناخذ لتر ايس كريم فانيلا بس نصيحه لاتاخذون الفانيلا بين لانه طعمها لازع اخذو العادي
خلووه يفج شويه بس مويذووب !!
نخلط معاه 4 حبات كيري واللي اتحب طعم الجبن اكثر ممكن اتزيد لي 8 حبات
ناخذ من ربع لي نص كوب مربى فراوله انكون امجهزينها من قبل انذوبها شوي عالنار ونحط معاها فراوله امقصصه ونبردها على مانخلط الايسكريم
الحلين بالعلبه مالت الايسكريم
انحط شويه من الفراوله وفوقها طبقه من الايسركريم بالسجين او بالspatula البلاستك انسوي نفس الماربل ونرجع انكرر بالسيرب والبرد انسكر القوطي وندخلها بالفريزر لين تصك

اييييييييييييييييييييه نسيت عقب مانخلط البرد مع الجبن ناخذ باوند كيك انقصصه مكعبات صغيره ونخلطه ...نسيت هالنقطه

2-كوكيز آند كريم

ناخذ كاكاو الsemi sweet انذوبه ونمده عالرخام تالي ناخذ سجين وبسره وهو عالرخام راح يطلع معانه على شكل نشاره صح ؟
او اذا كنتو تستخدمون الجوكلت جبس مثل نستله او هيرشي حطوها ابجيس وكسروها داخل الجبس بس حاول ماتخلونها بودر احنا نبيها جنها مبشوره
فالطريقه الاولى احس

المهم تاخذون ايسكريم فانيلا اتخلونه يفج شوي تالي تخلطون الكاكاو معاه وممكن بعد اتحطون اوريو مكسر
حلوو اذا بتقدمونه على شريحة براوني وفوقه جوكلت فدج سوس يم يم

3-بينت بتر آند كراميل سويلرز.
نحتاج حق ايس كريم كاكاو وبينت بتر ناعمه وكراميل توبنغ جاهز
حطو البرد طبقه وفوقه البينت بتر طبعن اتكونون امطلعينها قبل فتره من الثلاجه @
وكراميل بالspatula او بسجين بس ماتكون حاده اتحركونهم بحيث يصير عندنا نفس الماربل ونكرر الطريقه وبالفريزر
او انكم اتسوون طبقة برد فوقها طبقه خفيفه او سميكه براحتكم بينت بتر وفوقها كراميل وتكررون العمليه

4-ستروبيري ميلوو
وايد احبه !!

ناخذ ايسكريم فراوله نخلط معاه مارشميلو صغار وناخذ مربى فراوله انكون امسخنينها ومبردينها او سيرب فراوله انسوي خطوط فيهم نفس ماسبق

5-جوكلت روكي رود
ايسكريم كاكاو نخلط معاه مارشميلو صغاار واوريو امكسر بدون كريمه وتشكيلة كاكاوات على كيفكم تخلطونهم كلهم مع بعض


حركه يستانسون منها اليهال
اتسوون كوكيز تاخذون كرة ايسكريم من اللي فوق وتسون نفس الساندوج
يعني الايسكريم بين قطعتين كوكيز وعالجوانب ممكن اتزينونها ابكاكاو مبشوور او بالفارمسي او بالام ان امز الميني

بسسسسسسسسس تعبت من تو فيني النوم بس قلت بونسكم ابهالموضووع

عاد موتحرمونا من ابداعاتكم...

 

[ضحكة الدنيا]

بدعتى حبوبه تسلم ايدج ويعطيج العافيه

 

[جارة القمر]

مشكووووووووووووووووره


حبيبتي

 

[شيهانه]

شكرا على الابداعات الحلوة والبارده

 

[يمّه مني]

العفووووووو:eh_s(8):

 

[جورية كويتية]

رووووووووووووووووووووووووووووووووووووووعه
موضوعج حده عجيييييييييييييييييييييييييييب
وايس كريماتج يهبلووون
مشكوووووووووووووووووره

:eh_s(18): :eh_s(7): :eh_s(18):
​

 

[MANGA]

مشكووووووووره حبووووووووووووووووبه

 

[شندوخه]

عدل عدل هذي المواضيع اللي تبرد الجبددددد :eh_s(15):

 

[*دبدوووبه*]

مشكووووره يمه مني

بصرااااااحه
اول يوم رمضان
يبتي لنااااا
جيز كييييييييييييييييييييك
:eh_s(22): ولالالالالا اروووووووووع

وخصوصاااااا انا ناطره هاليوم
؟ رمضان متى بناااااات ؟ ل وووووووووووووووووووووووووووووو ل :eh_s(15):



انا متشوووقه
وخصوصا ان ذوق يمه مني
عجيييييب بس فيي كسل موطبيعي ماحب اسوي
احب يسولي :eh_s(6):

 

[يمّه مني]

العفووو حبيبات البي

دبووووش لوووووووول كله منج سويتها وخليتيها اتعفن عندي
لازم وحده يديده عاد شنو كان شكلها لذيذ !! كانت ثك وكريمي يميييييي

وهذا لكم

 

[*دبدوووبه*]

هههن
انا ناطرتها ياقلبي
وكثري من الفراااااوله

 

[الاطلالة]

:aha:اللة يعطيج العافية

 

[لولو الصغيره 1997]

حلو حلو بس تعبناج عل كتابه آنه تعبت وآنه اقرى صح بنات تعبتو مو جذي