ايس اشتريتي من الصيدليةةةةة ...... تجآآآآآآآآآآربكم

[فجرر]

إيش شريتي من الصيدليه***

**عطينا تجاااااااااااربـــــــــــــــــــــــك**


حبيت يكون هالموضوع شامل لكل وحده فينا استخدمت منظفات او


كريمات جسم او وجه او بشره او شعر او اي منتج ينباع في الصيدليه


وكمان اي شي يخص اطفالها...

بس لازم ....تعطينا :


اسمه+ مواصفاته + سعره+ استفدتي منه والا بس صررررف

فلوس على الفاضي ***


واذا كان في صور يكون افضل عشان يستفيد الجميع....

انا من المهووسات بالصيدليه....احيانا اقعد نص ساعه او اكثر...

و لازم اخرج و انا شاريه كم شغله ....
ان شاءالله يعجبكم موضوعي والاقي منكم تفاعل ****





ابدأ اول عشان تتشجعوا...




من مشترواتي الاخيره من الصيدليه:


تونك للشعر اسمه...

Hair Tonic Elu Lipacid

سعره 140 ريال...

تونك ينشط الدوره الدمويه في فروة الرأس و الكيراتين

الموجود فيه يساعد على بناء هيكل و نمو الشعر

و بالتالي وقف تساقط الشعر...

اخذته بوصفه طبيه لان شعري تساقط بعد الولاده من الرضاعه

و القشره...فادني من ثاني استعمال الحمدلله...بس لازم

استمر عليه فترة ثلاث شهور...



غسول كليرسل...clearasil

سعره 22 ريال...






دايما اشتريه لانه يناسب بشرتي و ينظفها بعمق...


اسكينول...منظف قابض للبشره...

ب 10 ريال .......



قريب شاريته...شفت كثير مدحوه من ضمنهم ...خدامة
عمتي...


دائما تشتريه...و بشرتها مرره صافيه...قلت خليني اجربه


و لقيت انواع كثيره بالبابايا و الخيار و غيره...


من جد لما تحطيه على القطنه تطلع اوساخ و بلاوي و سواد

في القطنه ما تتوقعيها...


خاصة في الرقبه... استخدمه قبل النوم...



حبوب اوميغا 3....

سعرها 78 ريال...



اشتريت هذا النوع...لان في انواع كثيره منه...

اختي استخدمته و هي حامل و مدحته تقول طول شعرها...

وهي تفيد كمان القلب و الدماغ...عشان يحتوي على زيت السمك...

انا حسيت في ليونه لبشرتي...بس انا ما اخذه يوميا...



معجون اسنان Aloe Dent

ثلاثي التأثير...

ناسيه والله بكم اخذته...



مرره منعش و يناسب الاسنان الحساسه...و فادني من ناحية

اللثه...و مكوناته طبيعيه ...و في انواع منه للتبيض...

وغسول كمان...


سودو كريم...لالتهاب الحفاظات ....

اتوقع سعره كان 40 ريال...


استخدمه لبنتي الحلوه لما يجيها طفح من الحفاظات و احيانا اخلط

معاه شوي فازلين في يدي عشان يكون طبقه عازله....جدا ممتاز

و الاحظ تحسن من اول استعمال...



انفاكول لمغص الاطفال و الغازات...

ناسيه سعره...



انا اخذت الشراب...

...ممتاز و احسه يريح بنتي...من الغازات....

لاني جربت دينتنوكس و وغيرها مافادها الا هذا النوع...

كنت استخدمه لها من كان عمرها شهرين و ما زلت استخدمه...


رضاعة بيجون ...

سعرها 17 ريال...لهذا الحجم...





من الصيدليات المفضله لدي...

النهدي...الدواء...الخير...المتحده


اتمنى اكون ما طولت....


وفي غيرها كثير بس هذا اللي قدرت احطه...


ان شاءالله الاقي تفاعل...

 

[الأميرة جوري]

موضوعج رؤوعه ولي عوده

 

[فجرر]

^^


نأاااااطرينج

 

[غآب نورك ~]

موضوووعج حلوو

وعالم الصيدليه عجججيب :krkrkr: ماودي اطلع منه


امس رحت الصيدليه ع اساس ابي اشتري غسول حلو من اي ماركة فرنسية

بس للأسف كنت مستعجله وشريت بسسسس ديوديورنت من نيوكس يمدحونه

ان شاء الله لي عوودة

 

[Saudi Moon]

مساء الخير
موضوع حلوووو....انا اشتريت حجات كثيره من صيداليه زمان والايام هذي
لي عوده علشان اذكره وتستفدون

 

[sverige]

نصيحه الاوميكا3 وزيت السمك مغلف بجيلاتين خنزير انتبهوا لهالشي وخليكم دقيقين لما تشترون حتى وانتوا بدول (اسلاميه)

شخصيا اشتري مممم بيبناثين ب 5 يورو مرطب عام للمنطقه الحساسه مهم عندي جدا
غسول للمنطقه الحساسه ماركه apo ب 5يورو ونص
وكريم للجسم نفس الماركه كبديل عن جليسوليد ؛) ب 3 يورو

زيت النعناع ب 4 يورو
زيت الفول السوداني مهم جدا صايره مدمنه عليه ب 5 يورو
حمايه من الشمس للوه 50+ من eucerin ب 15 يورو
كريم وجه من apo نهاري ب 11 يورو
وكلهم مفيدين وفعالين اعرف انو احتمال قسم ماركات ماعندكم بس اني دكرت تجربتي يمكن تفيد احد

 

[عازفة الآلام]

امممممممم

بقولكم اخر زياره لي للصيدليه وش جبت منها:

مزيل عرق ليدي ستيك

مره يجنن وريحته تهبل صراااااحه

واشتريت..كريم الكافيار من Diamant De La Mer للهالات...خياااالي بنات..انا كانت الهالات عندي مو طبيعيه من السهر وكثرة القعده ع اللاب...وعاد المكياج اللي يخرب العيون مره..الحين خلاص تقريبا صار لونها بنــــــــــي فاااااااااتح..يعني تقريبا مو مبينه زيي الاول صرت بس احط بودر

واشتريت مصل من هيرودوديرما..للبقع وتوحيد اللون..اشوف نتيجته فعاله..

ومعجون اسنان سيجنال تو:

بس وهذي اخر مره...كل مارحت الصيدليه بنات..او كل ماتذكرت شئ جيت كتبته هنا

 

[فجرر]

up up

 

[فجرر]

انا شريت حبوب زيت كبد الحوت