ايش الافضل لعملية الانف تكون مفتوحه او مقفله ؟

[shosho~]

السلام عليكم

مسسساء الورد يا بنات

الموضوع واضح من العنوان

ابغى اعرف ايش الاحسن لعملية تجميل الانف تكون مفتوحه او مقفله

اللي عندها خبره تفيدنا الله يسعدكم :eh_s(22):

 

[ـمبروكةـ]

على حسب اللي يحتاجه الانف
اللي الشغل اغلب شي على العضم المغلقه افضل
و اللي شغله على العضم و الغضاريف افضل مفتوحه
هذا اللي اعرفه حاليا

 

[ريم جده]

اصلن وش يعني مغلقة يعني يستخدم فيها الابر من دون جراحة ولا انا غلطأنه

 

[shosho~]

يسلموو مبروكه ماقصرتي قلبوو

......................

لا يا ريووم مغلقه يعني يشتغل على الخشم بس بدون ما يفتحه
وهي جراحه كمان

انا شكلي حقولو يفتحه
لاني ابغاه يصغر لي الارنبه والفتحات
واللي سمعته انها االاحسن تكون مفتوحه اذا تبغين نتيجه افضل

 

[pocahantis]

انا مره سآلت دكتور قالي من ناحيه النتيجه المفتوحه اظمن بس قالي الحين مايسون المفتوحه الا في حالات معينه وانه الدكتور وقت العمليه يحدد اذا يحتاج شق ولالا بس عموما للحالات الصعبه يسونها

بالنسبه لي جربت المغلقه ونتيجتها مو ١٠٠٪ احس المفتوحه اظمن

 

[ريم جده]

اها يعني كلهن جراحة. ،،،،انتي مثلي ياشوشو ابي تصغير غضروف وفتحات واكثر شي مخوفني الاثر ياساتر بس

 

[ضايعة بالطوشة]

اب اب

وايد اعرف بنات مسوين خشمهم ماشالله مافي اثر

 

[shosho~]

ايوه انا كمان كثيير شفتهم مسوين عمليات مفتوحه ومافي اثر
عشان كذا تحمست لها

لانو يا بنات الدكتور اذا الخشم مفتوح ياخذ راحته ويعرف يشتغل زييين

بس مقفل شلون بيشووف ؟؟

صادقه يا pocahantis نتيجه المغلقه ماهي مرضيه 100% خصوصا اني مجربه

وحتى خشوم الايرانيات اللي البنات ميتين عليها كلها مفتوحه

 

[shosho~]

ريم عشان كذا الافضل لنا مفتوحه

انا ما همني الفتحات كثرر الارنبه

 

[pocahantis]

ايي شوشو والله نفس تفكيري انتي احس الدكتور ياخذ راحته اكثر

وحنيت عالدكتور ابيها مفتوحه جان يضحك لوول

لانه الفتوحه بعد العمليه راح تعانين اكثر والخشم يورم اكثر والفتره الي يتحدد وياخذ شكله تطول عرفتي وغير مكان الشق الي بياخذ فتره على مايخف

بس انا عادي عندي المهم النتيجه بالاخير

 

[ريم جده]

تدرين ليش مخوفتني الفتحات لانها هي الي تبين الاثر وماهو اي دكتور يضبطهأ ويخلي شكلها. طبيعي بدون اثر ،،

 

[shosho~]

pocahantis انا كمان ما يهمني هذا كله اهم شي عندي النتيجه تكون مرضيه لي
حتى الاثر تبغون الصراحه ما يهمني مرره يعني صحيح اتمنى انه ما يكون لها اثر

بس حتى لو بين اثر ما راح يسبب لي ازمه وعادي

ريومه صادقه يبغى لها دكتور فاهم والاهم من الدكتور مكااان الشق

لازم يكون بمكان مخفي مو باين يعني مثلا باااخر الفتحه

وانتي لا تشيلين هم الاثر شيلي هم النتيجه اهم شي يطلع خشمك بيرفكت

 

[ـمبروكةـ]

بنات الاثر ترا ما يبان الا اذا الدكتور مره مره مو شاطر ترا .. اغلب عمليات الخشم مفتوحه اصلا..

 

[shosho~]

^^

صح كلامك وانا ماقد شفت وحده مسويه عمليه مفتوحه ولاحظت الاثر

وحتى الفنانات كل عملياتهم مفتوحه

خلوكم من بعض النتايج
ماقد شفت على خشومهم اثر على كثر العمليات