ايش رايكم بالمعلمه الامريكيه؟

[ملح وليمون]

سلام عليكم حبيباتى كويتيات
انا سمعت عن معلمة للاحتياجات الخاصه امريكيه مسلمه تعطى دروس بالبيت شنو رايكم ؟
هى استشاريه واسمع انها زينه ماشاالله عليها وتتكلم عربى زين
بس كونها امريكيه زين هادا ولا شنو؟
محتااااااااااااااااااره حيييييييييييييييييييييييل
ابى ارائكم ومشورتكم

 

[غلا 7373]

حبوبة مافيها مشكلة مدام اهى زينة بالتدريس وتعرف تتعامل مع طفل احتياجات خاصة جربيها وشوفي

 

[ام نوونه]

اول مرة اسمع عنها بس بدام سامعه انها زينه مافي مانع حبيبتي
بالعكس بدام انها امريكيه انشالله بتكون مثقفه احسن من بعض
العرب ماني ذاكرة جنسياتهم اللي مايعرفون شي ولا يفهمون شي
جربيها واذا شفتيها زينه انا ودي اييبها حق ولدي

 

[الصابرة المحتسبة]

هلا يالغالية

المهم كفائتها وكيفية تعاملها مع ذوي الإحتياجات الخاصة ومدى تقبل الطفل \الطفله لها.
وان شاءالله تكون ممتازة وتنقلين تجربتج معاها للخوات علشان الفائدة تعم.

 

[HearT ChocolaTe]

فديتج جربيها يعني محتارة بشنو؟
هي أكيد تشتغل باختصاصها وإلا على أي أساس بالدرس؟
استخيري إذا خوفج حيل متغلب عليج

 

[اخصائية احتياجات خاصه]

انا اعرف مدرسه امريكيه واتعاملت معاها وا شاء الله عليها ممتازه استخيرى وتوكلى على الله

 

[ملح وليمون]

مشكورين خواتى اللى ردو عليا
وين باقى الخوات ناطره ارائكم ومشورتكم

 

[نجمه في سماك]

غناتي اذا كانت متخصصه بهذا المجال شكو امريكيه ولا غيره اهم شي انها تعرف تتواصل مع الطفل وهذا انتي قلتي تعرف عربي بشكل ممتاز ..والامريكان معروفين في مجال التاهيل والتعليم لذوي الاحتياجات الخاصه ..
انا اقول اتفقي معاها على جلسه مبدئيا وشوفي اشلون الطفل معاها واشلونها معاه وعلى اساسه قرري
والله يوفقج

 

[shjoon]

حبيبتي ممكن تعلميني شنو ادرس وبكم الحصه ,,,, انا ولدي صعوبات تعلم اذا تفيده ياليت تعطيني رقمها وجزاك الله خير

 

[ملح وليمون]

ايه حبايبى هى اتدرس صعوبات تعلم وانجليزى وماشاء الله عليها معاها ماجستير ووايد وايد شاطرة هى تاخد 10 دنانير بالحصة اسمها هيلينا لكن حسب الحاله ممكن تتفقون معها على السعر وربنا يوفجنا يارب

 

[shjoon]

ايه حبايبى هى اتدرس صعوبات تعلم وانجليزى وماشاء الله عليها معاها ماجستير ووايد وايد شاطرة هى تاخد 10 دنانير بالحصة اسمها هيلينا لكن حسب الحاله ممكن تتفقون معها على السعر وربنا يوفجنا يارب

ممكن تعطيني رقمها على الخاص وجزاج الله خير

 

[occhiangelic]

ممكن تعطيني رقمها على الخاص وجزاج الله خير

 

[كويتية و لكن]

الله يعطيك العافية بس اجربها لا اسمحيلي

 

[الصابرة المحتسبة]

رد : رد: ايش رايكم بالمعلمه الامريكيه؟

ايه حبايبى هى اتدرس صعوبات تعلم وانجليزى وماشاء الله عليها معاها ماجستير ووايد وايد شاطرة هى تاخد 10 دنانير بالحصة اسمها هيلينا لكن حسب الحاله ممكن تتفقون معها على السعر وربنا يوفجنا يارب

الرجاء وضع رقم الهاتف في العام لمساعدة الكل جزاج الله خير.