ايش رايكم

[رنا 2012]

هلا يامتزوجات
مشكلتي اني ماعندي اصدقاء في عايلة زوجي يعني اقاربهم
ودايما حفلات وجمعات واكون الحالي وماحد يكلمني
الحمداللة انا حلوة وصغيرة في السن وطيبة
بس طفشت ايش اسوي لما يصير زي كذا
حتى اذا دخلت بالموضوع ماحد طالعلي
فااضل ساكتة مليت ابغى ادخل بالمواضيع ابغاهم يكلموني
من صاير معها زي
ساعدوني بليز
وشكرا

 

[رنا 2012]

ليش مافي ردود

 

[رنا 2012]

وينكم ياكويتيات

 

[الجوهرا]

لاتحضرين جمعاتهم خليج مع اهلج احسن الله يعينج على هالعايله

 

[Mjnont '3lay]

والله حبيبتي خلاص مادام مايبون يحتكون فيج لا تحتكين فيهم بس اذا افتحو موضوع حاولي تشاركينهم بنفس الموضوع لا تطلعين خارج الموضوع وتفتحين مواضيع ثانيه
وبعدين مو لازم تسولفين معاهم بالطقاق كافي سولفي مع خواتج بنات خالاتج بنات عمانج او اقعدي طقطقي بالبي بي او الواتس اب مع رفيجاتج او خواتج واذا سالوج ليش قاعده بروحج ومنعزله قولي حاولت اشاركم الحديث بس محد معبرني !!
احرجيهم بطريقه غير مباشره وموفقه يالغلا

 

[بنت الاجواااد]

يعني كثرت مواضيع ان مافي احد يسولف وياكم ولا في احد يقعد وياكم بنات شفيكممممممممم!!!!!!!؟؟؟؟؟؟؟؟





يعني اهتمووا بشي ثاني بحياتكم غير القعده وانج تدورين احد تقعدين وياه!!
خواتج اهلج بنات خالاتج بنات عمامج
مايكفي ؟مو الا تسولفين مع اهله اذا مايبون يسولفون وياج اتوقع انتي
اسلؤبج غير اسلؤبهم لان مو معقووله ولا وحده فيهم مووزينه او كلهم زافينج !!!!!!:eh_s(10):

 

[نعوووووومه]

يعني كثرت مواضيع ان مافي احد يسولف وياكم ولا في احد يقعد وياكم بنات شفيكممممممممم!!!!!!!؟؟؟؟؟؟؟؟





يعني اهتمووا بشي ثاني بحياتكم غير القعده وانج تدورين احد تقعدين وياه!!
خواتج اهلج بنات خالاتج بنات عمامج
مايكفي ؟مو الا تسولفين مع اهله اذا مايبون يسولفون وياج اتوقع انتي

اسلؤبج غير اسلؤبهم لان مو معقووله ولا وحده فيهم مووزينه او كلهم زافينج !!!!!!:eh_s(10):

اي والله صااااجه يعني مادري شسالفه شكثر مواضيع اشوفهم ماعندي صديقات ماحد يسولف وياي ماقعد ويا احد شسالفه اكيد في شغلااااات اهم؟؟؟؟؟

 

[Tom ♥ Jerry]

.


^ شفيكم عليهآ الحمدلله و الشكر !!


حبيبتي خلج ويا خالتج و حمواتج اذا عندج
او حاولي تتقربين من وحده من اهل ريلج سولفي وياها قعدي وياها
و اذا ما قعدرتي خلاص و فقدتي الامل
روحي العزايم القريبه بس حيل من اهل ريلج
قعدي شوي و طلعي مو الا تحضرين كل الحفله او كل الزواره

 

[لوفيه]

الحمداللة انا حلوة وصغيرة في السن وطيبة

اتووقع اذا كنتي جيكر وكبيره بالسن راح تلاقين صديقاااات مو بس صديقه





الحين شكو هالمعلومتين بالموضوع ؟؟

عموما حبوبه مو لازم تكون عندج صداقات يبه من زين البشر الحين قطيعه كله مشاكل

خلج بعيده وارتاحي من القيل والقال

والعلاقه اذا كانت رسميه راح تكون احلى وكلها احترام

كوني صديقة خوات ريلج هذول اقرب

 

[Patcholli]

حبيبتي اذا في بنات قد سنج حاولي تحتكين فيهم وتسولفين معاهم وتشاركينهم السوالف مو معقوله بيحقرونج اذا سولفتي او علقتي على كلامهم ..؟

 

[بيلسسان]

شفيكم بنات
البنت شكككلها خجوله وماقدرت تحتط فيهم ..
انتي حاولي تتقربين لهم
يعني مناسبات كوني مع خالتج وخوات زوجج وشوي شوي تتقربين على الباقي

 

[رنا 2012]

يابنت الاجواد
انا مو وحدة فاضية انا الي قلتة ان ام زوجي تقولي لازم تروحين معاي وجمعاتهم كثيرة
يعني حطي نفسك مكاني تخيلي انتي في مجلس حريم اذا دخلتي بالموضوع ماحد طالعك ولا كانك تكلمتي
يعني تبغين تشاركينهم ماحد رد عليك
اتمنى تفهمون الي صاير لي صح
وياريت الي عندها رد صح تقولة
ولي ماعندها ياريت تسكت
ومشكورين على الردود

 

[&&&&&&&&]

اتعذري منها بأي شي

القهر انهم يسفهونك يوم تجين تتكلمين

الله يكون بعونك

حدي ابي انفجر من اللي يطنشني

ودي وتقديري ​

 

[مناير ...!]

دخلي نفسج معاهم
جمالج وعمرج مالهم خص
حلي نفسيتج معاهم
خلج حبوبه ونفسج حلوه ويحبونج
اما عمرج وجمالج ماتنفعج

 

[كربون امها]

ماعليه قلبي الاوادم نفسيات الله يكفينا الشر وحقج تضايقين الحل كلمي خالتج واجهيه وقوليله مايبوني اكون موجوده وانا ماني مضطره اجامل ناس ماعندهم حيا وشيلي فكره مايبوني ومايكلموني هذا الاسلوب احيانا مقصود من ناتج الغيره اللي فيهم حريم واساليبهم القذره الله يفرج عليج

 

[نونه المنكوشه]

حبيبتي الحريم حركاتهم معروفه مايسون جذي اله من الغيره اختي تزوجت صغيره وانا وقتها صغيره ماذكر <<<< يعني انا عنونه لووووول المهم اتقول يننوني الحريم اذا راحت يمعه جذي محد يعبرنا وكله يدقرون فيها مع انها ماخذه ولد عمتي يعني اهل بس الحريم الغيره عندهم ماتعرف اهل وكانت كل عزيمه اترد منها تبجي وانا كنت اقول يمكن انتي غلط يمكن قلتي شي ولما كبرت قام يسير معاي نفس الشي اذا كنت كاشخه والله مايعطون ويه اتكلمينهم جنج اتكلمين طوفه بس انا اصرخ ههههههه غصب يسمعوني والله كل عزيمه اتروحين ضحكي وسولفي وسوي روحج موفاهمه حركاتهم واذا حقروج صرخي ههههههه ازعجيهم بس مالي شغل اذا صدعتي لوووووول والله اهم شي راحتج اذا لج خلق روحي واذا مالج خلق تعذري باي شي تري الحريم موووووووكفوووو اذا لج خلق اجاملين روحي واذا نفسيتج مومتحمله منتي ملزومه الحين انا مااقعد اله مع الناس اللي يحبوني واحبهم وقعدتهم اتونس اما الناس المعقده واللي اتغار وبتسوي حركات من امه اسحب عليهم والله انا وحده ادور وناستي وين المكان اللي يونس اروحله تعبنا من الهم والمشاكل