ايش نوعها

[الخيرية]

ماهو نوع العلاقه بيني وبين وحده تعرفت عليها من مده .....بيننا تواصل واتصالات وزيارات ....تقريبا هي الوحيده الي اكلمها ... وتمون عليه وامون عليها ... بس عمرها ما فكرت تهديني اي شي .... انا فكرت اني انا ابدا ... بس اقول خليني احس بقيمتي عندها ......... دائما اشوف البنات حولي صديقاتهم يلبسون مع يعض ما تشتري شي الا تشتري لصديقتها ... ورد وهدايا في المناسبات ....وانا كل الي تعرفت عليهم وصادقوني مافيه وحده منهم اعطتني قارورة عطر
... :klhfl:

مو الي يحبك يعطيك الدنيا كلها ....... بس احس انهم قاعدين يتسلون معايه :cxxxp:...

ايش وجهة نظرك في الموضوع:eh_s(14):

 

[Mtwah8a b3marha]

رد : ايش نوعها

؟؟؟؟؟ !!!!!
اختاري صداقاتج عدل وعلى قولتهم بمامعناه لاتعطي كثيرا فتندم كثيرا

 

[منوة القلب]

لا مو شرط الي يحبني يهديلي هديه حصرتي الصداقه بالهدايا .. اهم شي ماتتكلم من وراي وتحش فيني


الصديقيه هي الي توقف معاي بأزماتي استشيرها بعض الامور افضفضلها اطلع وتمشى معاها وهي بالمقابل نفس الشي

 

[paris-3]

حبيبتي الصداقة مو بالهدايا و ما يصير تبنين صداقات على الماديات , الصديقة اهي الى توقف معاج بكل وقت تحتاجينها

 

[الزين 85]

الهدايا مو مهمه بكثر مايكون القلب صافي وصداقه نظيفه مو مصالح وبس وانتي دام علاقتج معاها قويه ابدي بالهديه واذكريها بعيد ميلادها واكيد بتذكرج ترا اوقات مسج بعيد ميلادج يكفي والله ...انا جذي مااهتم بالهدايا بس وحد تقدريني وذكرتني بمسج بعيد ميلادي عندي تسوا الدنيا ومافيها هالحركه تغنيني عن الهديه

 

[بنوتة كول]

اذا انتي شايفة جذي فانا اقول على الدنيا العوض
لان مو شرط كل وحدة تعطي رفيجتها هدية او اي شي اهم شي الصديق والباقي يهون

 

[Tom ♥ Jerry]

.


آنتي أول شي من وين تعرفتي عليها :× !
لآزم تعرفين اخلاقها و لا تفتحين لها قلبج من أول شي
و تقولين لها عن حياتج الخاصه
أول شي شوفيها و شوفي طبعهآ و آخلاقها
لمآ تتأكدين آنهآ بنت تخآف ربها و خوش بنت
أوكي بعدين طيحي الميآنه بس هم لا تقولين لها كل شي عنج
يعني في بعض الآشيآء مآ تنقآل حق الرفيجه :*
و بعدين آنتي الي عطيها هديه " تهآدوآ تحآبوآ " مو الا اهيه الي تبدي

 

[النشبه88]

مادري انا عن نفسي ما انطر هديه من احد ... وغالبا الناس ما يتهادون بدون سبب يعني ممكن بالاعياد الميلاد انا ورفيجاتي نتهادى
وبعدين اذا انتي عطيتيها شي بعيد ميلادها او يبتيلها صوغه اكيد بتردها لج

 

[طموحه بزياده]

لا تحسبين كل من عطا هديه يحبج



الصداقه احساس مو موادي تلمسينها وهدايا دامج مرتاحه نفسيا مع البنت هذا احلى هديه منها

 

[ToOja-_-]

بالعكس اختي مو يعني الصداقه بس عطيني هديه و جذي لا بالعكس الصداقه اهي انه رفيجتج تكون معاج و توقف معاج بالشدايد و
تنصحج يمكن اني فاهمه الصداقه غلط

 

[غرور وايل]

بصصراحه الصداقه مو بالهدايا

 

[قطيووه^_^]

رد : ايش نوعها

ابدي انتي عطيها هديه

 

[منال3]

السلام عليكم حبيباتى

بس معذرة الرسول قال تهادوا تحابوا حتى ولو تسوى شىء حلو بالبيت وتهديهولها انا كنت بسوى هالشىء اعمل بيتزا شىء حلو دا غير الهدايا وانا راحا لصديقتى او قريبتى ولكن مو بيطمر فيهم والائى فعلا يهادوا اصدقائهم التانيين بهدايا
فى ناس كدا كتير تهدى ناس وناس لا
مو مشكلة حبيبتى ابدئى انتى