اي احسن الاكاديمية الامريكية للبنات او الابداع

[نورهان]

بنات انا محتارة بين الاكاديمية الامريكية للبنات aag واللي بنتي حاليا فيها وصراحة احس انها زينه وبين الابداع لانهم حاليا راح يفتحون فرع بالسالمية ياريت اللي بنتها بوحدة من هالمدرستين او اي احد عند فكرة يفيدني ضرووووووووووووووووي

 

[فراوله]

هلا نورهان
تصدقين نفس حيرتي انا واااايد مستانسة من aag بس متضايقة من توقيت العطل مزعجة....... الابداع وايد مدحوها والاهم ان عطلها تتوافق مع الحكومة.....​

 

[جوري الكويت]

انا كنت بسجل بنتي ب الاكاديميه الامريكيه

بس للاسف الحضانه عندهم لازم البنت ما تلبس حفاظه

و في وحده معاي بالدوام متخرجه منها و ما تمدحها تقول تخرجت و معدلها عالي و ما تفهم شي

و ما مشت بالجامعه

 

[حلم الطفولة]

الإبداع وايد أحسن مافي مقارنه

 

[نورهان]

ابي بعددددد ردووووووود لازم اتخذ قرار باسرع وقت

 

[نورهان]

حلم الطفوله ليش ما في مقارنة وضحي لنا الله يعافيج

 

[حلم الطفولة]

الإبداع أقوى
المدرسات كفائتهم أكثر

مايمنع إن المدرستين زينين ولهم روّادهم

آنا ماحب أذم بأحد طالما عليه طلب .. وله ناسه .. أصلا عيب ، بالنسبه لي أجرح أم بالمكان اللي اختارته لعيالها ..


لكن الكل يقول الإبداع اقوى وبشهادة وليات الأمر اللي نقلو من الأكاديمية الأمريكيه للبنات ، إلى أكاديمية الإبداع

هذا للي أعرفه والله أعلم

 

[فراوله]

احسنت حلم الطفوله .....

نورهان انتي اخذي موعد وامتحني بنتج وربج يسوي الخير والصالح ترى ماتخسرين الاعشر دنانير ....ولا العمر كله​

 

[حلم الطفولة]

كلام سليم ،،
مثل ماقالت فراوله ،، أحسن من تخسرين وتتوهقين ، سجلي سوي اختبار قبول بالمدرستين واللي الله يكتبه يكون الخير ان شالله

 

[نورهان]

انا بنتي حاليا في الأكاديمية الأمريكية للبنات واحسن انها زينة بس المشكلة انا ما أدري شنو مستوى المدرسة للمراحل المتقدمة

اللي اسمع عنه ان الإبداع زينة بس واايد يجهدون الطفل ويوم زرتهم لقيت وايد مدرسات عرب مو امريكيات

 

[حلم الطفولة]

أبدا !! منو قال ؟؟ ولا مره درست عيالي أبله عربيه كله أمريكان وكنديات ،، نيوزلنديات ،، .... حتى المواد اللي هي ألعاب ورسم ..
العرب ملوت الدين والعربي