الصراحة كلهم مصايب وحدة اخس من الثانية بس في مصيبتين شديدتين اشد من غيرهم واهم المرة المعلقة و العقيم, و السبب لاختياري هذيل السببين اهو ان المعلقة مهي عارفة ارضها من سماها, و مشكلتها مو محلولة بكل الحالات لانه في رياييل يعلقون الحريم سنين بالعند فيهم و عادي المرة تتعلق لي اخر العمر, هني شنو راح يكون مصيرها؟؟ لا اهي زوجة ممكن تمارس حياتها الزوجية و تحس بالاستقرار و لا اهي مطلقة ممكن انها تشوف حياتها مع شخص غيره او انها تمارس حياتها كإنسانة عازبة ما وراها ريل, احس ان هذي الحالة وايد صعبة, يعني لا اسود و لا ابيض, حاطها الريال بالمنطقة الرمادية و هذي مو حلوة بحق المرة مهما كانت سواءا كانت زوجة صالحة او زوجة سيئة لان الله وصانا بالقرآن انه يا امساك بمعروف او تسريح بإحسان فحرام تعليق المرة لانه يسبب لها اضرار نفسية قوية
كون المرة عقيم هذي المصيبة شوي اخف لان هذي قسمت ربها و الحمدلله بزمننا هذا العلم واصل لابد درجاته و نسبة قليلة من حالات العقم ما تلقالها علاج, بس المشكلة لو ان الريل تزوج عليها هذي راح تصير كسره لها لاته من حق الريال ان يتزوج ثنتين و ثلاث و من طبع وايد حريم ما يقبلون بشريجة, و المصيبة الاعظم لما يطلقها, و هذي وايد تصير, جنه الزواج الهدف منه العيال بس و هذا تفكير حده متخلف و يتمتعون بهذا التفكير فئة كبيرة من الرياييل
و انا صوتت للمرة المعلقة
و ارجو انج تتقبلين مروري حبوبة و ميرسي على الموضوع الحلو
سلآآم
