اي المصايب اشد بالنسبه للحريم ,,دشي صوتي

[Namlah]

يعطيج العافيه
تم التصويت

 

[laymona]

متزوجه لكنها عقيم

 

[المـــــها]

تم التصويت


و الله كلللللللهم مو هينة مشااااااكلهم


بس أعتقد الأصعب العقيم


الله يرزق الجميع بالذرية الصالحة

آمين

 

[لذه السكر]

كلهم صعبين بس انا عندي

المرأة المتزوجة ولكنها عقيم
الارمله ام العيال
المرأة المعلقه
المرأة المطلقه

واخر شي العانس

والله لا يوري احد يسلمو عالموضوع

 

[وجدان الكويت]

انا اخترت المرأة العقيم

بس هم كان ودي اختار اختيار ثاني المرة المعلقة

 

[lovely jojo]

انا اقول المراة الارملة ام العيال

 

[درر النور]

بسم الله الرحمن الرحيم

صوتج امانه:eh_s(6):

دشي صوتي لاتطلين:68_asmilies-com:


طبعا مافي انسان خالي من المشاكل ولافي انسان كملت له الدنيا


وانا حطيت لكم التصويت صوتي للي تشوفين ان مصيبتها اعظم

هل هي المرأة العانس

هل هي المرأة المتزوجه ولكنها عقيم

هل هي المرأة المطلقه

هل هي المرأة المعلقه (زوجها موراضي يطلقها سنين في بيت اهلها)

ام هي الارمله ام العيال

يلا صوتوا نبي ارائكم وتفاعلكم

اختي أنا أقول لك العانس طبعا .. راح تقولين ليش .. أولا العانس تعاني من مشاكل وأمور عديدة :
1- المجتمع ما يرحمها .. دائما تسمع من الناس حتى أقرب المقربين اليها كلمة عانس .
2- مسكينة متى تتقاعد هالعانس ... لين يفلس دينارها أقصد كم 47 - 50 -55 -60 على نظام التقاعد الجديد المسكينة راح تعجز وهي ما تقاعدت .
3- مسكينة بعد ثالث المصايب عليها .. ما يحق لها تطلب لها خادمة .. لو راتبها ألف دينار مسكينة .. الكويت فيها فوق الأربعين ألف عانس .. يمكن تجاوزت الخمسين وانهد حيلها تبي خدامة يا جماعة:tek:الخير ما يسير .
4- البيت .. مسكينة لا بيت ولا شقة تكون عايشة بيت الوالد .. الأم والأب .. لو الله أخذت أمانتهم تنطرد المسكينة برا .. البيت يبعون اخوانها البيت .. والمسكينة .. تشيل شنطتها تتنقل من بيت أخوانها من بيت لبيت .. وتشوف الهوايل من حريم اخوانها ..
4- هي بلا سند .. بلا عون .. ولا قلب حنون .. تفتقد جو الأسرة .. لوكانت أرملة الحكومة تعطيها بيت .. لوكانت مطلقة .. تأخذ من الحكومة بيت .. شقة وتحصل على بدل ايجار .. لكنها مسكينة .. اذا كانت موظفة عانس ما عندها غير معاشها .. بس وهالمعاش .. ما عاش .. يعني مسكينة مكولة مذمومة .. لا حكومتنا الرشيدة تدري عنها .. ولا مجتمعنا رحمها ويش بعد تسألني .. شفتها دمعة بعين عانس .. قالت لي توفى ابوها وخوانها يبون يبعيون البيت المسكينة ولا وحدة من حريم اخوانها تبيها .. تقول لو الحكومة تعطينا مكان بس نسكن فيه .. هذه .. محرومة من السكن والأمان .. الأخ.. أخ .. ا..اخو المره حبيبتي وحدة من صديقاتي مسكينة تراكض من مكان لمكان .. ولا كلف نفسه واحد من اخوانها يراكض لها بأوراقها تترجى فلان وعلان .. المسئولين حتى الغرب وسطتهم ولا واحد من أخوانها تحرك .. حق حريمهم يركضون . تقولون هذه لو أنا متزوجة كان راكض الزوج حتى لو أخذ نسبة من معاشي .. لو فوق هذه حتىلو ماتت .. الورثة ما يأخذون شئ يعني تقعد تكرف طول عمرها مثل الثور الذي يدور حول الساقيه وبالأخير ضاع العمر وشقاه ببلاش . تقولين ويش هي أكبر المصايب أقولك .. العانس . ثم العانس ثم العانس. المطلقة تقدر تجيب لها خدامه وسايق .. لكن العانس ما تقدر .. اذا ما كانت تسوق .. مسكينة تركب التكاسي وإلا تترجى حدا ااخوانها يجيب لها سايق .. هذا اذا رضى .. تالي وبعد ويش أقولك .. مطلقة أرملة تعيش تتقاعد المعلقة ما عليها ............بس العانس .. بائسة هي رضت بحالها لكن .. لا المجتمع رحمها .. ولا الحكومة رحمتها .. واذا هي راحت تبارك حق وحة متزوجة .. خافت المتزوجة تحسدها ... بعد ويش تقولين ..واذا كان عندها فلوس .. تكون مطمع لخبل .. ومشروع نهب يعني بالكويتي .. يسرقها الرجل لا حبا فيها حبا في البيزات بعدها .. يتركها حطام بقايا .. انسان قلب معذب .. قلب عانس .. بائس .................عرفت ليش هي أتعس انسانة ..:krkrkr:

 

[miss limoona]

المراة العقيم

 

[DaN-DaN]

انا اقول العانس لانه وايد بنات الحمدلله والشكر عوانس ويبينون العكس للناس لكن الزواج شي كبير عندهم ويمثل مشكلة

 

[shaQshoQa]

المعلقه

يعطيج العافيه

 

[Secret power]

..

صوتي للمرآآه المعلقه .. آحسها صعبه

يسلمو ع الموضوع

 

[سارة ة]

ماأدري أنأ بقول وجهة ظري ....

هل هي المرأة العانس ........راح تنحل مشكلتها وأنا أعتقد أنها مهي مشكله بحد ذاته ولكنها نصيب والله ماكتب لها الزواج لربما في خيره لها من الزواج برجل يمكن يسئ معاملتها ...

هل هي المرأة المتزوجه ولكنها عقيم........أما هذي أعتقد بأنها راح تصير عليها مشكله حيييييييييييييييل متعبة نفسيا أذا ماقدرت تتأقلم مع الواقع لان مافي شئ راح يعوضها في الدنيا ...بس هم وأقول أن هذا نصيبها من الله سبحانه تشكره عليه ...لربما تنجب عيال يكونون عاق بوالديه ......

هل هي المرأة المطلقه ............وهذي الحاله كل شئ بيدها توافق علي حياة جديدة أو أنها تضل مثل ماهي ...وحاله سهله

هل هي المرأة المعلقه (زوجها موراضي يطلقها سنين في بيت اهلها) ........... الحل بيدها ويد أهلها يخلصوها من اللي هي فيه ...

ام هي الارمله ام العيال .......... أذا حبت الحياة وتأقلمت مع الوضع اللي هي فية مع عيالها فأنا ماعتقد في مشكلة ...

والله يخلينا بناتنا وخواتنا وأمهاتنا ويحفظهم ويستر عليهم يارب ............. ...الدنيا كلها مشاكل الله يكفينا شرها ..:yaaaaaarb:


​

:0bee2e8d89:تم التصويت الارمله ام الاعيال

 

[lo2ad]

الارمله مع العيال

 

[ياااقوته الكويت]

واااااااي التصويت صعب ... لان كلهم مصااايب

بس انا اعتقد لاني شفت حاله جدامي وعايشت معاناتها لحظه بلحظه... صوت للارمله ام العيال

لان برقبتها امانه ويااثقل الامانه .. من ناحيه التربيه والتعليم ونظره المجتمع اذا كانوا العيال مأذينها !!

 

[الغاليه نونو]

مصاايبج وحده اكبر من الثانيه يادافع البلا


تجربتي بالطلاق كان كارثه ماغير ربي قدر ولطف وقدرت ارد بيتي احلي واحسن وازين من الاول وهذا بفضل ربي سبحانه ثم بشطارتي وحكمتي

 

[ام ناصر 2009]

انا اشوف الأثنين مصايب
العانس
والعقيم
أحترت ماعرف اصوت لمنو؟