اي المصايب اشد بالنسبه للحريم ,,دشي صوتي

[اموره وحلوه]

اشكر تفاعلكم ومروركم الكريم وفعلا كلهم مصايب بس حبيت اعرف وجهات نظركم:aha:

 

[سلطـ زمانها ــانة]

والله كلهم صعبيين

 

[noo7a]

الله يفرج هم كل مره يارب
بس تصويتي بيكون حق حالتي
لاني عايشه فيها و حاسه بالوضع اكثر

 

[q8ia's secret]

اح كل الخيارات تعور.. كلهم محرومين .. بس انا اخترت المراءه العقيم .. معنى كلهم مصيبتهم وحده

 

[عنزية والعز ليا]

المرأه العانس لوووووووووول

 

[اموره وحلوه]

شكرا لمروركم والتصويت واكثر التصويت للمتزوجه العقيم والاقل للمطلقه والله يفرج عن الجميع

 

[لا مو صج!!]

ما اقدر اصوت لأنه كل وحده مشكلتها اكبر من الثانيه وكلهم يكسرون الخاطر

 

[~RouNa~]

بـ ما اني عشت مع نااس واايد

وااايد مصايب واجهتني

متزوجة بس عقيم والحمدلله عايشة وقاعدة تعوض هـ الشي بـ عيال غيرهاا خاصة اذا كانااو اللي حولهاا مو حسسينها بـ مصيبتهاا

العاانس و المطلقة ما صارااو مصيبة بـ هـ الزمن

تقدرين تقولين مشكلة و بـ تعدي ان شاءالله

بس الارملة ام العياااال اشد المصااايب

خااصة اذا كااانااو صغاار او بـ سن مراهقة

 

[الماسة82]

المرة العانس اعتقد اصعب شي

 

[قبيطه]

المتزوجه وماعندها عيال

 

[حلوه الأطباع]

اشوف المعلقه اصعب شي

يعني لا هي متزوجه ولا هي متطلقه مسكينه وكل يوم تحاتي وتعاني وتتعذب من التفكير وحجي الناس عنها ​

 

[حور العيون]

المتزوجه لاكن عقيم

 

[قَلبيْ صُويبكْ !]

,



تم آلتصـويت
وآلله يبعدنـآ عن هـ آلمصآيب ~

 

[vogue grl]

انا اشوف اشد المصايب الي تكون معلقه"

 

[بنت.المطيري]

اعتقد الارملة ام العيال
انا احس قمة المصايب اهي الوحدة
وفوق انها وحيدة ..هم في رقبتها مسؤوولية كبيرة
الله يكون بعونها صراحة
اما العقيم ..مادري اعتقد الطب تطور وغير هذا اهي فاقدة لنعمة بالدعاء انشالله وبيتحقق اللي تبي وان ماصار لها الاجر
اما الارملة فاهي مو بس فاقدة لنعمة الا انها مضاف اليها مسؤولية
اما المعلقة ..المحاكم بالكثير سنتين تخلص مشكلتها(وهم ماعرف الكثير عن هالموضوع)
انا بالنسبة للمطلقة ..اضن اهي اهون حال من العانس..عالاقل عاشت حياتها لفترة ويبقى في عندها امل وان كان عندها عيال فاهي اهون حال من الارملة
اما العانس..هم الله يعينها ..بس اهي ماتغير شي بحياتها ونفس العقيم اهي فاقدة لنعمة
وانشالله مانشوف شي منهم

 

[Miss.6Mo7]

كل واحد أصعب من الثاني !

 

[ريماا]

العانس ممكن تتزوج
المعلقة ممكن ترد
المتزوجة لكنها عقيم ممكن تتعالج او حتى تربى ولد اختها اوتتبنى او تسوى اى شى يسليها
المطلقة ممكن ترد لزوجها او حتى وجود اب لعيالها حتى لو اهى منفصلة عنة يخفف عنها
هذيل الاربع حاالات كلها مشاكل بس قاسمها المشترك انة المشكلة والاهم لشخص وااحد بس اهى المراة اذا كانت قوية فهى بتواجة الامر
لكن الارملة ام عيال هذا اصعب شى بنظرى الان الهم والمشكلة بتشوفها بعيوون عيالها كل يووووم
بتضطر اهى تكون مكان شخصين الام والاب ابتضطر تجااوب تسالات عيالها وتعيش كل يوم مع حزن مو حزن شخص لا اشخاااص حيييييييييييييييل شغلة كبيرة

 

[DALALEY]

تم التصويت

والله يرزق كل محرومه بدرزن عيال يااااااارب

 

[tootoo86]

انا بالنسبه لي كل مراه لها ظروفها الخاصه وظروف تختلف عن الثانيه مثلا العانس مشكلتها ماتزوجت وتلقونها مرتاحه دوام وبيت اللهم ان ماخذت نصيبها وودها تتزوج وتستقر ..... ويمكن المتزوجه متزوجه خذت نصيبها بس مو مرتاحه مع زوجها والعقيم هذي لازم تتاقلم مع الوضع وترضا بالواقع وبالنسبه للمطلقه تقدر تشوف نصيبها او تلقونها طلعت من تجربه 1 و 2 وكرهت الدنيا والرياييل والزواج وتعيش مثل ماهي حق نفسها او اعيالها اذا كانو عندها وبالنسبه للمعلقه هذي تلقينها امعلقه لاهي متزوجه ولا هي مطلقه؟؟؟؟ ومابيدها شي والارمله ام العيال الله يعينها على تربيتهم وتحمل مسؤوليتهم وبالاخير اقول احنا بالكويت وديره خير ونعمه والحمدالله ان مو بديره ثانيه والكل عايش وبالاخير اقول الي يشوف مشاكل الناس تهون مصيبته

 

[crimson^rose]

المرأه المتزوجة لكن عقيم أصعب شي, تعيش بصراع ان ما تقدر تييب طفل و أن ممكن يوم من الأيام أن زوجها يتزوج عليها...