اي انواع الجدوره تفضلين تطبخين فيها ؟؟؟

[نفـــائس]

السلام عليكم

شلونكم شخباركم

بنااااات وانا افتر بالسوق لقيت جدوره اشكالها تهبل تحفه مو جدر
ولله حسافه اطبخ فيها اخاف تروح النقشة

فقلت خليني اشوف قدوره بنات منتدانا الغالي

شنو النوع اللي نفضلين تطبخين فيه
الاستيل
التيفال
الجدوره المصرية ولا الهندية ولا الباكستانيه

شنو تفضلين الجدرالخفيف ولا الثقيل بالسمك والوزن

والجدر الضاغط له مكان بمطبخج ولا ماتحبينه

يلا كل وحده تفك كبتات المطبخ تطلع جدورتها وتصورها لنا


:eh_s(7)::eh_s(7)::eh_s(7)::eh_s(7):

 

[dnyay_mll]

انا افـضل الجدور القديمه ملوت امهاتنا ويداتنا المتاااان
مااعرف اطبخ بغيرهم
امي غيرتهم وخذت جدور ستانلس ستيل
وانا لي الحيني
وجدر الضغط ماحبه
ولي فره بالمطبخ وبحاول اصورهم ان شاءالله

 

[noynoy]

انا تيفال و ودي اغيرهم و اخذ نحاس صحي اكثر

 

[مـزيـااان]

بنات وين اقدر احصل الجدور الملونة اللى على فتافيت تهبل احس صحية اكثر عرفتوها كل اللى بالبرنامج يستخدمونها بس ما اعرف اسمهم ممكن تفيدونى

 

[لقيت حبي]

انا اطبح بالتيفال والاستيل الاصلي وكل فناتك الجدور تلقوتهم بتروفاليو وايكيا

 

[كاجـــو]

بصراحه بقدر الضغط...يوفر الوقت :eh_s(9):

وعندي مجموعة القدور القديمه المدوره..بس اخذتها كبار علي...

ما اسوي بها الا برمضان او العزايم

والثنين الصغار منها.واحد انشق قبل كم يوم وواحد طاح من يدي

وصار الغطا مايغطيه يطيح داخله<<جت من ربي

عاد مفكره اجيب قدور ستيل 4 او 5<<لرمضان وللعزايم:eh_s(10):

وتنغسل بغسالة الصحون<<اهم شي:krkrkr:

 

[**سهام**]

احسن نوع جدور جربتهم جدور الستيل الاصلي من عند المبروك بالشويخ صج كد ومد وما يتغيرون
وجدور ايكيا الستيل حليوين لكن يبقعون من داخل ما ادري ليش خاصة النوع الخفيف
الالمنيوم ما عاد استخدمه ولا التيفال

 

[um khaled]

انا تيفال وما استغني عنهم حق الطبخ والكيك

وفي ماركه اسمها farber ware موجوده بمركز سلطان اخوي كان يايبلي منها من امريكا

ممتازين حيييل

وفي الاستيل 10/18 وايد زينين

وبعد عندي من ايكيا
بس مو ذاك الزود عادي

 

[Killer^Girl]

ستيل وتيفال
اخذهم من مركز سلطان او سنتر بوينت

 

[هدوءءء]

صرااااااااااااحه ماادري انا عمري ماشريت جدوووووووور
ولا لاحظت ان الجدر ممكن يكون سبب لااكل الذ؟
بسسسس انا استعمل الجدر العادي تقدرون تقولن اني نفس دمياي ملل بظبط

 

[الأماني]

انااا جدور الستيل الاصلي من عند المبروك بالشويخ وااايد زينين

ومرات تيفال

 

[نفـــائس]

ما شالله عليكم اغلبكم ستيل

بس جدوره ايكيا اختي ماتمدحهم شكل حلو

منو جربت جدوره سنتر بوينت زينات

 

[جذابه بنت ذيابه]

جدور تيفال واستيل

 

[noo7a]

انا جدوري تيفال
بس لمن اسوي العيش الحكوكه ماتطلع اصليه
بس مجبوره فيهم لان اسهل شي بالغسيل و لمن اييب خدامه راح احول على
جدور القدم الي امي تستخدمهم ماعرف اسمهم بس الي لونهم رصاصي

 

[اطياب طيبه.أم عبدالله]

انا بس عندي تيفال
افكر اييب طاجين مغربي بس اكيد بيتكسر واسعارهم بالعلالي شويه

الستيل كانوا عندي اول زواجي بهذلوني بالغسيل والفرك

 

[نجاة80]

توني شاريه جدر من سنتر بوينت ستيل بس روووووعه ماشاء الله يهبل

يصلح حق الحمسات والعيش والفوح يعني كل شي صج صج رهيب بس عيبه ان غطاه زجاج اي زلقه راح فيهاااا

ودي اروح المبروك يم الستي سنتر اللي بالسالميه اشوف شنو عنده وااايد ناس يمدحونه

 

[ناتشوو]

يعطيكم العافية بس لو حاطين صور

 

[نفـــائس]

شكرا لكم

بعد نبي مشكاركات

 

[رحيق]

بنات وين اقدر احصل الجدور الملونة اللى على فتافيت تهبل احس صحية اكثر عرفتوها كل اللى بالبرنامج يستخدمونها بس ما اعرف اسمهم ممكن تفيدونى

اتحصلينهم حبيبتي في تافولا في مركز الريم في الشويخ

 

[رحيق]

انا افضل الجدور الستيل الاصلي هذه الجدور الصحيه

تلاقينها في محل المبروك