اي تخصص بعد التخرج ؟؟؟

[lonelya-w7danya]

السلاااام​

كويتيات يا لييت تردوون على موضوعي و تفييدوووني:eh_s(8): اللي مو عارف شنو يتخصص او اهو ما يدري شنو يبي؟ او مو عارف اهو بشنو شاطر وين يروح؟ يعني ماكو مركز يرشد الخريجين شي جذي:eh_s(2): يا ليييت اللي تعرف تقوول و ما تبخل مشكوووريين لا هنتوا

 

[^^طالبه^^]

‫كيف تختار تخصصك الجامعي؟‬‎ - YouTube


ان شاءالله تستفيدون

 

[M!SS.LOBY]

بالتوفيق

 

[lonelya-w7danya]

تسلمووون عالردووود و الباجي وين؟

 

[~ روح امها ~]

والله محتآره بين ألتخصصآت ألي بآلي ,

بس حآليآ مآفكر فيهم بآقي جم شهر ونتخرج فقآعده أفكر بدرآستي
حآليآ وألنسبه وجذي لآنه صآر ظلم بدرجآتي بشكل مو طبيعي فلحين خآيفه ,

لمآ نستلم ألشهآيد ألأخيره نسوي موضوع وأنبآرك لبعض ونشوف وين دشيتوا : )


والله يكتب لنآ كل خير أن شآء الله موفقين يَ سنيورآآت :*

 

[lonelya-w7danya]

حبيبة امها , اي والله انا انظلمت بمادة العربي مو راضية تعطيني درجتي ما اقوول غير الله يعيننا يا رب

 

[ماعاد بدري}~]

بما انج طالبه .. انتي شوفي نفسج شنو تحبين اي حصه
واي ماده تحبين دراستهااا .. و ترى في بعض الابلات يحبببونج بالماده
مثلي انا احب ابلتي ( اختيار حر ) علوم الاسره . و صراحه الحين ودي فيه
بس يقولون سكرووووووووووووووه

الله يرزقناااا بالنسسسسسسسبه الحححلوه يااااااااااااارب

 

[البارونـه]

انا نفسج ماعرفت شنو ابي الا متاخر
وطبعا هالشي تلقينه فجأه وتنصدمين شقد انتي تحبين هالتخصص
وطبعا الطريقه انج تقرين عن كل التخصصات
وتفكرين بكل واحد كأنه ماعندج خيار الا هو
اهني اتوقع بتعرفين مدى حبج للتخصص

ونصيحه مني انج تشدين حيلج واتيبين اعلى نسبه عشان اذا فكرتي بالتخصصات الكبيره مايعيقج شي
وموفقه حبيبتي

 

[عادت ذكرياتي]

آنا متخرجة من الجامعة من سنتين



كليات جامعة الكويت كالتالي ::

مركز العلوم الطبية ::فيها جراحة وطب اسنان وصيدلة


طب مساعد :فيها مختبرات دم وتحاليل وجذي وفيه علاج طبيعي وعلاج مهني تخصص يديد معترف فيه دوليا وحلوووو


العلوم الإدارية:: عن التسويق والمحاسبة وجذي



الشريعة :::فيها تخصص حديث وعقيدة وفقه مقارن وسياسة واصول فقه تقدرين تصيرين محققة لما تتخرجين أو معلمة أو تشتغلين ببنك أو وزارة العدل وجذي



التربية :::طبعا تدريس


آداب :::لغة عربية///تاريخ ///انجلش ///إعلام



بكملكم بإذن الله وبساعدكم باللي اعرفه بس شدوا حيلكم ^-*::

 

[جلكسيه اس 3]

انتي مثلي ليلحين مو عارفه مادري شنو طموحي بس اتمنا اتكون وظيفه لايقه علي و احبخا

 

[M!SS.LOBY]

سبحان الله وبحمده

سبحان الله العظيم

 

[انوار الكوويت]

الموضوع روعه
وتسلمين عادت الذكريات

 

[بنتmbc1]

ي بنات مو شرط تحبين ابله وتفهمين للماده انج تقدرين تدرسينها وبتعمق لان اللي ندرسه بالمدارس تقريبا نقطه من بحر
يعني على سبيل المثال العربي احنا نشوفه اصعب ماده وقواعد وبلاغه ومثلا قدرتي عليه وشفيته سهل بالمدرسه هذا ما يعني انج بتقدرين عليه بالجامعه او ممكن بتقدرين بس ماتضبط مع الكل لان بالجامعه بتدرسين الماده بتفصيل وبتاريخها وبشكل مفصل غير مجمل مثل لما كنا بالمدرسه هذا اذا انتي حبيتي تكملين تدريس

انتي بالاول شوفي ميولج دوري عن التخصصات واكيد بتكونين مجمعه نسبه من 10 و 11
انتي لازم تكون مجمعه نسبه عاليه تقريبا عشان يتم قبولج بسلاسه وبسرعه باي تخصص انتي تبينه
ولا تخلين المجتمع يحكم انتي شنو حابه تدرسين لان بالنهايه انتي اللي بتتعبين بالدراسه وانتي اللي بتضيعين سنين من عمرج بالجامعه
وللي مجالهم علمي ويبون طب وهندسه
اذا بتفكرين بتطوير وتنمية بلدج الكويت تحتاج اكثر من الطب والهندسه في مجالات وايده الكويت محتاجتها احنا الطلبه اللي ندرس 12 سنه بالمدارس لازم لما نكمل للجامعه شي يرفع راس الكويت بالاول ويرفع راس الاهل وينفعنا كلنا
اما الناس اللي عايشه او بتدرس بس عشان بعدين راتبها هذي انا اعتبرها مو عاله ع المجتمع بس احنا بنربي اجيال اذا كنتي مدرسه او دكتوره بتشرفين على حالات المرضى واذا مهندسه بتبني بيوت او عمارات للناس او شنو ما درستي

التربية والمدرسات الحين وايد بالكويت واغلبهم بس عشان المعاش القوي وتقريبا تخصصاتهم محدوده بين الاجتماعيات ونادرا تلقين مدرسه تدرس انجليزي او عربي او كيمياء او فيزياء الا اللي تمكنت من الماده وقدرت تبدع فيها
ولما تصيرين مدرسه انتي تبع وزارة التربية قبل التعليم يعني بتربين البنات

انتي شوفي شنو يناسبج قسمي وقتج والحين تقريبا طلعت نتايج الكورس الاول وتقريبا ع اساسها تتوقعين شنو بيكون مستواج الكورس اللي وراه
دوري اهني بالمنتدى بقسم الجامعات عن الدراسه واجواء الجامعه او بالمواقع وباليوتيوب عن تخصصات انتي حاطتها في بالج او حابه تطورين فيها الكويت

فانا على سبيل المثال تخرجت 2012 ودخلت كلية الدراسات التجارية للتخصص ادارة وهذا المجال انا وايد احبه ومن تقريبا بالمتوسط وانا اقرى عن الاداره وادارة الاعمال وتفكيري تجاري واقتصادي للدوله او لنفسي وانا حيل مرتاحه بالكلية والتخصص عاجبني ولما اتخرج بمعدل اقدر اكمل بجامعه الكويت علوم اداريه او بالدراسات العليا
والتخصص له مستقبل وكذلك في محاسبه وبنوك وحاسب الي بالكلية شهادتها دبلوم

وبالتوفيق لكم

 

[انوار الكوويت]

يعطيج العافيه

 

[{ شيوخهـ ~]

والله محتآره بين ألتخصصآت ألي بآلي ,

بس حآليآ مآفكر فيهم بآقي جم شهر ونتخرج فقآعده أفكر بدرآستي
حآليآ وألنسبه وجذي لآنه صآر ظلم بدرجآتي بشكل مو طبيعي فلحين خآيفه ,

لمآ نستلم ألشهآيد ألأخيره نسوي موضوع وأنبآرك لبعض ونشوف وين دشيتوا : )


والله يكتب لنآ كل خير أن شآء الله موفقين يَ سنيورآآت :*

^

:eh_s(15): معآهآ بكل كلمه !

 

[عادت ذكرياتي]

هندسة ::: معمارية ))) خاصة بالمباني وجذي /// كيميائية ))) رفيجتي توظفت بوزارة الأشغال الحين /// ميكانيكية وظيفتهم يدقون على مصلحين المكيفات وجذي ..إلخ /// هندسة كمبيوتر /// مدنية ....



علوم اجتماعية ::


علم نفس ممكن تصيرين طبيبة نفسية /// اجتماع /// جغرافيا /// علوم سياسية



كلية البنات الجامعية :::


فيها علوم التغذية ممكن تصيرين دكتورة تغذية /// اتصال ومحادثات /// تصميم .... إلخ



اتمنى أفدتكم باللي أعرفه

 

[انوار الكوويت]

عساج على القوه ويعل ايدينج ما تمس النار

 

[lovkom]

شوفي ..

اذا انتي جد مو عارفه شنو تحبين .. اخذيها كـ قاعده على موادج الي بالمدرسه

تحبين فيزيا ورياضيات وايد وايد ؟ دخلي هندسه !!

مو شاطره وايد ؟ استغني عن الفيزيا وخلج بالرياضيات ودشي علوم اداريه , !

تحبين الانقليزي تموتين فيه وايد وايد وايد ؟ ليش ماتدخلين اداب انقليزي ؟ ابلة انقلش ؟

تحبين تكونين مدرسة ولج طولت بال صيري مدرسه ع حسب الماده الي تحبينها بالمدرسه ..

ودج تدرسين عن العلم نفس وتكونين اخصائيه نفسيه وتعالجين نفسية الناس دخلي علم نفس كلية علوم اجتماعيه

وجذي !!

جذي راح تعرفين ميووولج عدل وساعتها بتقررين لإنه ماكو شي بالدنيا اسمه مادري ..

موفقه