اي سؤال بخصوص..النمسا- فرنسا-سويسرا-استراليا...انا حاضرة

[swarvoski^girl]

حياكم الله خواتي

 

[dantella]

حبيبتي بغيت اسئل عن سويسرا... انا بطب زيورخ ومنها بروح انترلاكن .. جم المده بالقطار؟ وفي تبديل قطارات؟ وجم قطار راح نبدل؟
وبسئل اذا في نظام شحن جناط بالقطارات بسويسرا لان انتي عارفه القطارات هناك ماتنطر كلش وبطوفنا القطار على ما نتحرك ونسحب جناطنا
ومشكوره

 

[swarvoski^girl]

هلا والله حبيبيتي

من زيورخ الى انتراكن بالقطار ساعتين وربع بحدود
وراح يوقف فيكم القطار 3 محطات

وانصحج اتروحون بقطار ice لان من افضل قطارات سويسرا

وبالنسبة للقطارات انا رحت فرنسا والمانيا والنمسا وسويسرا...بس قطارات سويسر عجيبه من ناحية النظافه وقطاراتهم يديدة وعجيبه حق السفر
وابي انصحج بالنسبه للتذاكر انصحج تاخذين تذكرة swiss pass saver تقدرين تاخذينها على حسب فترة سفرج اذا كانت اسبوعين او 21 يوم
وهاذي التذكرة اتكون شاملة المواصلات في سويسرا المترو والترام والاندرقراوند وحتى بعض الباخرات ووايد رخيصة

وانصحج اتكون اجناطكم مو كبيرة على شان ما اتوهقون لان لازم اتصعدون الجناط بسرعة ..وفي بعض كباين القطار يكون فيها مكان خاص للجناط...يعني لا اتحاتيبن القطارات عندهم وايد عجيبه..بس اهم شي اتشوفين جدول الرحلات واتروحين قبل الوقت بمدة كافية

بس ترى انترلكن رام عليها يوم وايد...المدينة وايد حلوة يبيلها على الاقل 4 ايام

وحياج الله حبوبة

 

[dantella]

مشكوره حبيبتي عاد انا جربت قطارات سويسرا والنمسا وعجبتني اكثر قطارات النمسا لان فيها كباين ... بس وايد تبديل 3 محطات انا قالولي محطه وحده في بيرن ... الظاهر ان على حسب القطار

 

[swarvoski^girl]

هلا حبيبتي

اييه حسب القطار..بس قطارات سويسرا عندي وايد احلى

انتي لازم اتشوفين هناك اتجيكين على الجدول..واذا تبين هناك الانفرموشين يطلعلج برنت بالرحلة اللي تبينها..واتشوفين محطات التوقف

وحياج الله

 

[منيتي اسعده]

مشكوزه على هالموضوع اللي اكثر من رووعه
انا عندي مشكله وابي مساااااعدتج بلييييييييز بليييييز
شوف انا بسافر شهر عسل مع ريلي تونا متزوجين
ونبي اوربا 14 يوم
بس الميزانيه ريلي يقول مو كافيه
2000 دينار من غير التذلكر
شرااااااااايج كافيه؟؟؟؟؟؟؟؟؟؟؟؟؟
بليز بليز بليز ابي الرد بصراحه

 

[swarvoski^girl]

هلا والله حبيبتي

اعتقد انها كافية ..الفنادق يمكن اتكلفكم 800 دينار ..اليوم بحدود 57 كحد اقصى..والله في عروض عند بوكنج وايد حلوة
وخليج على فنادق اربع نجوم..ممتازة ونظيفة وحلوة

والمواصلات راح يمكن اتكلفكم 300 دينار حد اقصى

هذا ابرايي..احنا صراحة ما انقزرها مطاعم هناك...اكثر شي ناكل بالبيت..لان انحس ان المطاعم مو نظيفة..وما نثق ان حلال
فمصروفنا بحدود 500 دينار...

واذا بتروحين 14 يوم انصحج بهالخطة:
3 ايام فيينا
3 ايام سالزبورغ
3 ايام زلمسي
3 ايام ميونخ...للتسوق

هذا برايي واي سؤال انا حاضرة

ومبروكين انشالله

 

[عروس الدنيا]

انزين حبوبه دام انج خبره بالنمسا قوليلي .. اذا عايله بتروح اسبوعين .. 2 كبار و 2 صغار .. جم بتكلف السفره كااااااامله من غير تذاكر ..
يعني سكن و مصرف و مواصلات و مشترى خفيف ...لمدة اسبوعين ... يا ريت تردين علي طبعا بس النمسا او مثلا يوم ميونخ بالروحه و يوم بالرده يقولون تذاكر ميونخ ارخص من النمسا

 

[هزمني الشوق]

موضوع روعه صراحه ،
أنا مخططه ب عطلة الصيف أسآفر لأوروبا من زمان عنها . .
محتآره ما بين [ لندن و فرنسـا ] ..
شنو تنصحيني فيه ؟!

 

[swarvoski^girl]

هلا والله حبيبتي

انا لندن لي الحين ما رحت لها

ورحت فرنسا قعدت فيها 9 ايام بس حدها مملة..

بس ودي اعرف انتي جم يوم بتسافرين..وليش ما اتروحين كذا دولة باوربا..احسن من ديرة وحدة؟؟

وحياج الله

 

[عروس الدنيا]

انزين حبوبه دام انج خبره بالنمسا قوليلي .. اذا عايله بتروح اسبوعين .. 2 كبار و 2 صغار .. جم بتكلف السفره كااااااامله من غير تذاكر ..
يعني سكن و مصرف و مواصلات و مشترى خفيف ...لمدة اسبوعين ... يا ريت تردين علي طبعا بس النمسا او مثلا يوم ميونخ بالروحه و يوم بالرده يقولون تذاكر ميونخ ارخص من النمسا

اختي ما جاوبتي علي ... طوفتينييي:eh_s(13): :eh_s(13): :eh_s(13):

 

[تفوق الوصف]

اهلين حبوبه ,,,
بما انج خبره ياليت تساعديني
ابغى فنادق حلوه واسعارها معقووله في فينا وكابرون وسالسبيرغ وباريس
واذا بعد تعرفين في ميونخ زين على زين:eh_s(3): وجزاج الله الف خير على ماتقدمينه :eh_s(17):​

 

[تفوق الوصف]

ردو علي لا تطنشوني :0bee2e8d89:

 

[swarvoski^girl]

انزين حبوبه دام انج خبره بالنمسا قوليلي .. اذا عايله بتروح اسبوعين .. 2 كبار و 2 صغار .. جم بتكلف السفره كااااااامله من غير تذاكر ..
يعني سكن و مصرف و مواصلات و مشترى خفيف ...لمدة اسبوعين ... يا ريت تردين علي طبعا بس النمسا او مثلا يوم ميونخ بالروحه و يوم بالرده يقولون تذاكر ميونخ ارخص من النمسا

هلا والله حبيبتي

الفنادق يمكن اتكلفكم 800 دينار ..اليوم بحدود 57 كحد اقصى..واختي جيكي على المواقع اللي فيها عروض مثل بوكنج
والمواصلات راح يمكن اتكلفكم 300 دينار حد اقصى

واتوقع مصروفج ما راح يتعدى 800 دينار...

واذا بتروحين 14 يوم انصحج بهالخطة:
3 ايام فيينا
3 ايام سالزبورغ
3 ايام زلمسي
3 ايام ميونخ...للتسوق

هذا برايي واي سؤال انا حاضرة

 

[swarvoski^girl]

اهلين حبوبه ,,,
بما انج خبره ياليت تساعديني
ابغى فنادق حلوه واسعارها معقووله في فينا وكابرون وسالسبيرغ وباريس
واذا بعد تعرفين في ميونخ زين على زين:eh_s(3): وجزاج الله الف خير على ماتقدمينه :eh_s(17):​

هلا فيج حبيبتي
فيينا انصحج بفندق Courtyard Vienna Messe الفندق يديد ووايد نظيف وحلو...وانا سكنت فيه من سنتين كان توه فاتح...بس وايد حلو

اما كابرون انا ساكنه هالسنة بشقق Exclusive Appartements
وهذا موقعهم www.kaprun-wohnen.at
اول مرة اسكن فيها بس احس انها نظيفة

وسالزبورغ ما اسكن الا في فندق رينيساس سالزبورغ...الفندق عجيب صراحة

وبالنسبه حق باريس انا سكنت في شقق فندقية اذا ذكرت اسمها بقولج...بس اهي مو بالشانزليزيه..اهي بمنطقة اللاديفانس منطقة هاديه ووايد اعجبتني..ويمكن 5 دقايق بالمترو عن الشانزليزيه

وميونخ ما اسكن الا في هلتون ميونخ سيتي وايد حلو...بس هالسنه بسكن بشقق فندقية اسمها سيتيدينا لان معاي يهال فاريحلي شقه ..وشكلها وايد نظيف بعد

وحياج الله

 

[شامبو]

ذكرتيني بالذي مضى

يعطيج العافية حوووبي

 

[swarvoski^girl]

حياج الله حبيبتي

والله انا اكتب والذكريات تتخطرف رايحة رادة...

ادعولي الله يشفيني امسوية عمليه...واخاف ا اطيب قبل موعد السفر 13-7..

الله كريم

 

[souka]

مرحبا ويعطيج العافيه بس بستفسر أنا رايحه باريس لمدة 6 أيام زياره لأمي تعالج هناك وسياحه جم يكفي مصروف وسكن موشرط فندق خمس نجوم عادي 4 نجوم أو شقه ياليت تجاوبني ويعطيج العافيه

 

[souka]

ونسيت شغله عسى ربي يشافيج ويسهل عمليتج

 

[swarvoski^girl]

هلا والله

اختي بالنسبه حق السكن يكلفج 300 دينار...بحدود 60 دينار لليلة كحد اقصى

اما المصروف لمدة اسبوع مع مواصلات واكل..اعتقد 400 دينار كافي واتزيد

حياج الله