اي صاالون تنصحوني ..؟ {ودي اصبغ واقص شعري}

[الله واكبر~]

السلام عليكم خواااتي انا ودي اصبغ واقص شعري ..

وماعندي خبره كلش ملش بالصوالين ..

سويت سيرج وامدحولي كونتننتال بس مادري عند منو بالضبط قالوا غولدا وناس فيرووز ..
ابي تجاربكم عفيه بانتر او غيره نصحوني ..:eh_s(11):


بس المشكله خاااايفه وشعري من النوع الجااف وابي صبغ ماياثر ودي اخصل شعري وقالولي الخصل لازم اكسجين وانا سمعت انه فيه صبغات من غير اموونيا تنفع ؟؟


وشنو اقص شعري ابي لووك حلو بس على طويييل فديييييييتكم كثرت عليكم ..:eh_s(22):

 

[nonosha]

رد : اي صاالون تنصحوني ..؟

upppp

 

[A.Designer_90]

رد: اي صاالون تنصحوني ..؟

عندج صالون لابلوبيل ماكو على صبغاتهم وقصهم وإستشوأرهم
فضيييييع ..
توكلي على الله وروحي وبتدعيلي إن شاءالله ..
صبغي عند صفاء ..
واللحين راحت موضة الخصل ، حلاته ألوان البنيات العسلي الأشقر الغأمج
..

 

[بنت العتيبي]

رد : اي صاالون تنصحوني ..؟

عندج صالون ليلى هارموني عند وحده اسمها لولو صبغها رووووعه وتعلمج شنو اللي يصلحلج واذا شعرج يتحمل الصبغ ولا لا

 

[cherry67]

رد: اي صاالون تنصحوني ..؟

عندج صالون عروس الشام بالجابرية واسعارها وايد حلوة وصبغتها ما تخرب الشعر ولا يطيح أنا دوم عندها واسمها مها سورية بس والله شغلها روعة انا واختي وبنت اختي كله نصبغ عندها وتقولج شنو اللي يلوق عليج .

 

[المتميزة*]

رد: اي صاالون تنصحوني ..؟

صالون لوزان صبغت عنده حق كل المناسبات بصراحة روعة شوية عليه صبغت لي رندا مصرية وهي بروفيشنال ويمدحون فاطمة المغربية بنفس الصالون ويكفي للصالون سمعته الحلوة والنظافة والمعاملة الحلوة انا وعايلتنا مانتعامل اكثرشي الا عند هالصالون صبغي لأن صبغاته ما تخرب الشعر لان شعري جااف من قلة العناية به وصبغت عندهم وطلع وااو ماشاء الله تبارك الله
رووحي وادعي لي .

 

[_zahra]

رد: اي صاالون تنصحوني ..؟

انا اصبغ عند صالون تشاوبيلا دايما بالسالمية,بس احب اغير صرااحه دايما في خبيرة شعر انجليزية رحتلها وقصت شعري شغلها عجيب ومحترف وتصبغ بعد بأجاليا سبا مكانهم جديد ببنيد القاار,بس ماتعرف عربي اتوقع كانت مديرة اكوا سبا اللي بفندق الفروانية كراون بلازا,والستاف اللي عندهم كله بروفيشونال,اذا حابه تجربين عندهم اعطيج رقمهم. و بالعافيه مقدما