اي صالون بسكتي و لا رشا ؟ فيدوني بالاسعار والافضليه

[ابتهال الفجر]

سلامم بناات

انا محتارة بين بسكتي ورشا شيك
ابي مكياج عروس مايكون اوفر
يعني شي يبرز الملامح فقط وين بسكتي ولا رشا
و هم ياليت تفيدوني بسعر كل صالون ليوم العرس والصباحيه
بالنسبه للمكياج و الشعر و منو الماكيرات الزينين
اسألتي شكثر وسايحه ههههههه يلا بحطهم عدل ورى بعض

1 - اي صالون افضل ؟

*- منو الشاطرة بالمكياج ؟

3 - منو الشاطرة بالشعر ؟

4 - الشغل بجم يطلع علي شعر ومكياج ليوم العرس ؟

5 - هم جم يطلع علي بالصباحيه ؟


والسموحة ع الازعاج

 

[مذهلة2013]

انا حاجزة بستكي عن زينب وامل على مااظن

كامل مع كريم الجسم 120 حلو وسعره حلو وللعلم انا مو حاجزة مكياج وتسريحه عروس
لانه نفسج ابي شيء ناعم والطرحه انا راح اركبها

ولللعلم شفت شغل بستكي حلووو على قرايبنا

 

[زبــــــــدة]

^
بس ترى كريم اساس العروس غير عن اللي يحطونه حق الباجي ...اللي حق العروس ماركة حنان دشتي

لان انا يوم حطيت حطو حق اختي وامي غير ...


انا رحت الاثنين بس اللي عجبني حنان دشتي بستكي ... حسيته ارتب مكياجهم وانظف

وتسريحاتهم احلى

 

[مذهلة2013]

زبده صج ؟؟؟؟؟؟؟؟

ماكو تلطخ لانه مااحب الكريم الاساس الثقيل حييييييييل ومااحب اللويه احب البسيط

 

[جوري الصالح]

رشــــا

 

[راقيه وجذابه]

حبيبتي انا كان مكياج عرسي ب حنان البستكي

المكياج .. رانيا

الشعر .. عربيه

والله العظيم طلعوني ملكة جمال انا طلبته ناعم ويبرز مﻻمحي وماكان خبط ولبط بالعكس مرتب وناعم وصج مكياج عروس تفرقين عن غيرج

حتى كريم الجسم مايقطع ويهبل مو طبقات وثقيل

دفعة 300 او 350 شغلي من مكياج وتسريحه وامبوﻻت نظاره مو متأكده بس كان ب هالحدود وسعر الغرفه بروح كنت حاجزه لعمري سويت صورت فيه وكنت ارتاح فيه واكل وابدل وجنطتي ونفنوفي ومسكتي كله بالسويت افضل من انج تخلين شغلج منثر بالصالون

مذهله غلط الي سويتيه حبيبتي

العروس لها كريم جسم ولمعه خاصه تميزها عن الغير بالي سويتيه صار حالج حال باجي البنات بالعرس ﻻزم تكونين غير حبيبتي

والطرحه هم ايتفنتكون بتركيبها نصيحه غيري لمكياج عروس

 

[راقيه وجذابه]

وعلى فكره بقةلج شغله

انا عرسي كان شهر 9 / 2011

تدرين متى حجزت الصالون شهر 4 يعني قبل العرس ب 4 شهور ﻻن رانيا وعربيه طق مطاقق عليهم

ولمن رحت بحجز ﻻمي مرافقة عروس قبل عرسي بشهر قالو فل خلاص وقفنا استقبال زباين وحطوها احتياط يعني عند اي وحده تخلص تسويلها

ف انتي احجزي مبجر عشان ماتتوهقين

وترا رشا كلش كلش مو حلو نصيحه ﻻتروحين له روحي بستكي وانتي مغمضه برشا شفت عروس مكياجها اخضر والله اخضر <_> كلش ماكو ذوق

 

[Sohai]

وعلى فكره بقةلج شغله

انا عرسي كان شهر 9 / 2011

تدرين متى حجزت الصالون شهر 4 يعني قبل العرس ب 4 شهور ﻻن رانيا وعربيه طق مطاقق عليهم

ولمن رحت بحجز ﻻمي مرافقة عروس قبل عرسي بشهر قالو فل خلاص وقفنا استقبال زباين وحطوها احتياط يعني عند اي وحده تخلص تسويلها

ف انتي احجزي مبجر عشان ماتتوهقين

وترا رشا كلش كلش مو حلو نصيحه ﻻتروحين له روحي بستكي وانتي مغمضه برشا شفت عروس مكياجها اخضر والله اخضر <_> كلش ماكو ذوق

روحي حق حنان دشتي والله حلو مكياجهم بس يكون ناعم مثل الوردي برتقالي شئ حلو في زواجي دفعت ٤٠٠دينار وفي الاستقبال بس ما قلت لهم أنا صاحبت الحفله قلت عندي عرس أخي دفعت ٢٠٠دينار رانيا مكياج أما فاطمه الله يرحمها تسريحه والله يسعدك دنيا وأخره

 

[أسمى حب]

حنأن دشتي حلو بس نفسياتهم تلوع الجبد جربت بستكي و حولي حق العرايس
يا ريت يكون فيه اشراف أكثر عليهم

 

[عروسة اكتوبر]

انا ان شاء الله بحجز حنان بستكي

 

[دلولتك]

حنان بستكي عند رانيا و شعر عربيه او زينب نصيحه وانا اختج

 

[نبع الحنآن]

رشا لا لا لا

حنان دشتي وبس

عرسي كان قبل مده كنت حنان دشتي بس حولي الحمدلله الكل مدحني و كان مرتب

بنت خالتي وخالاتي واختي راحو رشا

مكياجهم لا تعليق نااااعم مو شي خطاتهم وتساريحهم قديمه

نصيحه حنان وانتي مغمضه

 

[منـآل]

قبل جم يوم رحت وشفت حنان دشتي بستكي
المكان حيل ضيق !!

شفت عروسين
وحده مسويه مكياجها عند امل
كان نظيف حيل لكن ماعجبني وباهت
والثانيه مادري عند منو ‏​بِـسً مكود حيل تحت عيونها
طلعت من عندهم حَتْىّ ما سألت عن السعر

انصدمت بالصالون صراحه مو عالمدح اللي شفته
بإذن بشوف حنان دشتي حولي ورشا شيك
عاد قولي لنا انتي وين حجزتي : )

 

[مـآلي شبيه~]

رشا حطي تحتها مليون اكسسسس مكياجهم مو حلو وتسريحاتهم قديمة ومو مرتبة

 

[أجمل إنسـآنـه ~]

عرسسي كان شهر 9,| حجززت عند رشا |>< اشوفه احلا والناس اذواااق,|

طلعت ككلي ب270 مع الانبولات وكل حااااااااااااجه