اي فكره أو مقترح عن الحليب

[وردة الجوري]

السلام عليكم ،،،
عندي طلب صغيرون وان شاء الله تقدرون عليه ، خاصة مدرسات الروضة والعلوم
أبى اي شى عن الحليب
مشهد تمثيلى ،، حوار ،، قصة ،، اي فكره أو مقترح عن الحليب
كذلك
مدرسات الروضة يسووين ملابس من الأسفنج للشخصيات يلبسونها الأطفال في المشاهد التمثيلية فودي أعرف من وين يفصلونها
ولكم منى كل الشكر لمن ساعد واقترح وقرأ الموضوع وخرج

 

[pink rain]

مشاركة: اي فكره أو مقترح عن الحليب

اهلين وردة سوي مشهد تمثيلي عن شخصية الحليب ويتكلم عن نفسة اهميتة وشنو يحتوي علية وشلون نحصل علية بالنسبة للتفصال انا افصل بالبيت ايب اسفنج خفيف وقماش واسوي الشخصيات اللي ابيها

 

[وردة الجوري]

مشاركة: اي فكره أو مقترح عن الحليب

هلا وغلا جروح الاحلام ،،
مشكوره ياحياتي لانج اول وحده ردت عالموضوع،،
كنت اتمني لو ألقى حوار عن الحليب وشخصية ثانية غير البيبسي
فكرت بحوار بين الحليب وعلبة العصير على اساس ان علبة العصير فيها مواد حافظة
ما فهمت عليج ،، انت تسوين الملابس ؟؟ عندج مشغل ولا قصدج ملابس العرايس الصغيرة؟؟
ممكن توضحين

 

[pink rain]

مشاركة: اي فكره أو مقترح عن الحليب

لا والله عندي مكينة بالبيت واسوي شخصيات كبيرة مو اصغيرة والله انا نفسج محتارة عندي عن الجار باجر درس وابي الف قصة ومافي افكار بمخي وخايفة يحضرون لي باجر

 

[وردة الجوري]

مشاركة: اي فكره أو مقترح عن الحليب

لا والله عندي مكينة بالبيت واسوي شخصيات كبيرة مو اصغيرة والله انا نفسج محتارة عندي عن الجار باجر درس وابي الف قصة ومافي افكار بمخي وخايفة يحضرون لي باجر

مشا الله عليج ،،أنا ما أعرف أحط الخيط في الأبره اشلون عاد بخيط ملابس
ابشوف هالمشاغل اللى تارسة الديرة اذا يفصلون
مشكلة افكارنا انها نادره يالله تلقينها
الله يوفقج بدرسج باجر ان شالله

 

[pink rain]

مشاركة: اي فكره أو مقترح عن الحليب

مشكورة ياقلبي وانتي بعد واذا طرت علي فكرة ذكرتها لج

 

[أم الجوري]

مشاركة: اي فكره أو مقترح عن الحليب

الحليب بصراحه الافكار فيه واجد

ممكن تدخلين الدرس عن طريق البقره صوتها او اذا عندج قماش على شكل جلد البقره متوفر بالسوق

لما يعرف الاطفال البقره تتكلمين شنو نأخذ منها ومن خلاله تدخلين على الدرس
فوائد الحليب الغذائيه ( يقوى العظام - يحتوى على الكالسيوم - يقوى الاسنان ويحافظ عليها من التسوس )
منتجات الحليب ( اللبن - القيمر - اللبنه - الجبن بانواعه ) مع توفير هذه الامنتجات امام الاطفال
انواعه المتوفره بالسوق ( حليب بالكاكاو - حليب بالفراوله )

وان شاء الله اكون فدتج ولو شوى

 

[رفرف]

مشاركة: اي فكره أو مقترح عن الحليب

خل يغنون : يا اطفال يا حلوين اشربو الحليب ..
للصحة للقوة اسألو الطبيب ...


اغنيتي المفضلة ..

ومثل ماقالو البنات ييبي منتجات الالبان كلها وصفيها جدامهم ...
ماعندي غير هالافكار ماكو ابتكار كلش

 

[وردة الجوري]

مشاركة: اي فكره أو مقترح عن الحليب

الحليب بصراحه الافكار فيه واجد

ممكن تدخلين الدرس عن طريق البقره صوتها او اذا عندج قماش على شكل جلد البقره متوفر بالسوق

لما يعرف الاطفال البقره تتكلمين شنو نأخذ منها ومن خلاله تدخلين على الدرس
فوائد الحليب الغذائيه ( يقوى العظام - يحتوى على الكالسيوم - يقوى الاسنان ويحافظ عليها من التسوس )
منتجات الحليب ( اللبن - القيمر - اللبنه - الجبن بانواعه ) مع توفير هذه الامنتجات امام الاطفال
انواعه المتوفره بالسوق ( حليب بالكاكاو - حليب بالفراوله )

وان شاء الله اكون فدتج ولو شوى

تسلمين ياعمري على هالأفكار,,,,,, تصلح لدرس وأنا ابى أفكار لبرنامج اذاعة

 

[وردة الجوري]

مشاركة: اي فكره أو مقترح عن الحليب

خل يغنون : يا اطفال يا حلوين اشربو الحليب ..
للصحة للقوة اسألو الطبيب ...


اغنيتي المفضلة ..

ومثل ماقالو البنات ييبي منتجات الالبان كلها وصفيها جدامهم ...
ماعندي غير هالافكار ماكو ابتكار كلش

ياحلوها من أغنية،، ذكرتيني بأيام الطفولة
تسلمين ياعمري على المساعده

 

[شادية]

مشاركة: اي فكره أو مقترح عن الحليب

ماادري اذا هذي الصور تفيد

 

[وردة الجوري]

مشاركة: اي فكره أو مقترح عن الحليب

تفيد ،، كل ألى يجي منج يفيد
شكرا لك