اي مرحلة احسن،الابتدائي ولا الثانوي؟؟ فيدوني لوسمحتوا

[FiRsT.Me]

السلام عليكم

لو سمحتو ابي استفسر عن المراحل الابتدائية و الثانوية
انا طالبة كلية تربية اخر سنة تخصص لغة انجليزية ابتدائي

و وااااايد محتاره قالولي ان التعيين مو شرط ابتدائي عادي يقطوني متوسط ولا ثانوي
و الصراحة انا ماحب المتوسط و لا ابيه
فبعرف ايهو احسن
و شنو مميزات و عيوب الابتدائي و الثانوي
لان بعد مفكره اني ما اشتغل بالتربية فبشوف هل في شي يستحق باي مرحله من المرحلتين عشان اتوكل على الله و ادش الميدان
و اذا مافي ان شاء الله ازهب الاوراق و اكمل دراسه
فياليت يا اخوات تردون علي بكل وضوح و شفافية لوول خلوني اشوف الواقع المرير الي يحصل بالمدارس
و مشكورين

 

[سمو الغلآ]

رد : اي مرحلة احسن،الابتدائي ولا الثانوي؟؟ فيدوني لوسمحتوا

انا طالبه نصيييحه لاتروحيين ثانوي
ترى البنات بأذوونج لسان وعوار راس

روحي ابتدائي احسسن <<وجهت نظري

ان شاء الله المدرسات يفيدونج

 

[سويتي الحلوه]

رد : اي مرحلة احسن،الابتدائي ولا الثانوي؟؟ فيدوني لوسمحتوا

استخيري حبيبتي

وترا كل مرحله لها مميزاتها وعيوبها

 

[miss cute]

رد : اي مرحلة احسن،الابتدائي ولا الثانوي؟؟ فيدوني لوسمحتوا

بالنسبة لي .. أحب أتعامل مع الكبار و لو إني أستانس على البنات الصغار و سوالفهم :fun:

بس التعامل مع الكبار أريح .. و الثانوي يبيله وحدة شخصيتها قوويه و تمسك الصف عدل :eh_s(15):

الصغار يأذونج بالشطانه و الحركة الزايدة مع اني ماجربت الابتدائي ..

بس درست سادس و هم أقرب للابتدائي .. كانوا يونسون حركيين و ينعشون الصف ..

بس مرات يأذون بشطانتهم .. فلانه طقتني .. فلانة خزتني .. فلانة قالت فلاااااانة سوت :eh_s(13):

غير الخط اللي مو واضح .. و اهمال الدفتر .. البنات الكبار يهتمون بدفاترهم و الخط و الترتيب يفتح النفس ..

علشان جذي مااااا أفكر نهااائياً بالابتدائي ..

الود ودي عالثانوي .. بس انا متعودة على منهج المتوسط و مرتااااحه عليه ..

بإختصار كل مرحلة لها مميزاتها و عيوبها .. و على حسب شخصيتج ..

 

[FiRsT.Me]

رد : اي مرحلة احسن،الابتدائي ولا الثانوي؟؟ فيدوني لوسمحتوا

مشكورين يا بنات للي ردو بس بغيت توضيحات اكثر
ابي اعرف مميزات و عيوب كل مرحله عشان اقيمها و اختار الانسب لشخصيتي
انا وايد محتار و مأرقني الموضوع و بعد محتاره بين ابتدائي البنات و الصبيان
مااادري شسوي احس اني في تخبط
تخيلو بالكلية 5 سنوات و للحين مااستفدت من اي شي درسته احس الخبره كلها و الاستفاده كلها بالميدا ن مو بالدراسه

فياليت توضحولي اكثر

 

[نورا الحلوة]

رد : اي مرحلة احسن،الابتدائي ولا الثانوي؟؟ فيدوني لوسمحتوا

اب اب

 

[salle]

رد : اي مرحلة احسن،الابتدائي ولا الثانوي؟؟ فيدوني لوسمحتوا

أعتقد الابتدائي أريح بواايد ، كافي مافي تصليح امتحانات الفاينال وتقعدين لـ 5 العصر وكونترول وحالة !

ومفتكة من مراهقة البنات ولسانهم الطويل ، البنات الصغار يهبلون .

وطبعا كله يرجع لشخصيتج ، بس من ناحبة الدوام والتصحيح احس الابتدائي احسن بوااايد

 

[مدى الايام]

الابتدائي طبعا اريح مليون مره وممتع المنهج سهل والحصص اقصر والتحضير سهل تحضرين بنفس اليوم اما الثانوي كل شئ عسر وصعب وغثيث

 

[أخت خالد]

انا جربت كل شي عندي الابتدائي مثل ماقالو البنات احسن بس اهم شي ابتدائي بناااات مو بنييييييين

 

[Turquoiseya]

معقولة الابتدائي احسن من الثانوي؟

انا بنحاش من الابتدائي، عندنا فصول مساندة وتقوية ضعيفات وملفات الامل وانشطة اجبارية للشطار نفس فصول التقوية بس مستوى اعلى

اللي اعرفه عن المتوسط ان مافيه فصول مساندة واهتمام بالضعيفات بس

والثانوي مافيه

والله انا محتارة مادري وين اروح