اي مستشفئ احسن واي دكتورة احسن ؟

[Mshtgtlkmoot]

سلام عليكم

بنات شرايكم اي مستشفئ احسن المواساه ولا دارالشفاه ؟!واي واحد ارخص فيهم ومافيه نصب ؟

واي دكتورة احسن بالمستشفئ الي تنصحوني فيه !؟!؟

 

[glby7sas]

بصراحه ماادري لانه دكتوري من عياده خاصه بس حييت ارفعلج الموضوع

 

[baa6aa]

دار الشفا ارخص
وعندهم دكتوةرة مي و زينات ومعصومة و في ٢ لتشمي و بيجانا اتوقع بعد يمدحونهم وايد
وهذي الاسعار

الغرفه العاديه ولاده طبيعيه ٤٨٥ متعسرة ٥٣٥ قيصرية ٩١٠

الغرفه ميني رويال او جونيور ولاده ٥٢٥ طبيعيه متعسرة ٥٧٥ قيصرية ٩٩٠

الملكي ولاده طبيعيه ٧٨٥ متعسرة ٨٣٥ قيصرية ١٤٧٠

الامبراطوري ولاده طبيعيه ١٥٧٠ متعسرة ١٦٢٠ قيصرية ٢٥١٠

 

[# غنوجة بيبي #]

مكان الموضوع غلط

 

[رفيعة الشآآن]

مواساة احسن بنظري لان دار الشفاء بدا يصير مثل الحكومة بهدلة و ما يعطون ويهه و اذا عالاسعار فرق بسيط لايذكر



ولادة طبيعية (2يوم)

غرفة عادية 555
الجناح الصغير 655
جناح Vip 815
جناح Vvip 965
جناح اترو 1415
جناح فلورال 1415
جناح ارمني 2015
جناح الذهبي 2415


ولادة قيصيري 3ايام

غرفة عادية 995
الجناح الصغير 1150
جناح vip 1390
جناح vvip 1615
جناح اترو 2290
جناح فلورال 2290
جناح ارمني 3190
جناح الذهبي 3790

والاسعار لاتشمل
نقل الدم
دخول العناية المركزة
التخدير النصفي
اسعار الاطباء من الخارج
عمليات اخرى



واحسن دكاترة شادية اراجع عندها و محمد الافغاني و فرجينيا هذيل اللي تعاملت معاهم وعجبوني

 

[RamoOosha]

دار الشفاااا و لو تولدين عند الدكتوره ناهده العلي احسن حبوبه وشااااطره حييل

 

[أم حسوون]

السلام عليكم ، الاثنين حلويين ومتقاربين في السعر ما في فرق يذكر أنا والدة فيهم أثنينهم ، خبرة ونظافه بس يمكن يعيب دار الشفا الزحمة ، يعني ممكن تروحين وأنت ولاده ويقولون لج أنت ولاده بس ترا ما عندنا سرير ، وهذا اللي صار معاي فرحت للمواساه وحمدالله ماشي الحال ، بدار الشفا الدكتوره مي ، بالمواساه فرجينيا.

 

[Aloe Vera]

دار الشفا عيبة الزحمة و الغرف كله مليانه و الاسعار ماكو فرق كبير بين المستشفيين انا للأمانه ماجربتهم بس اختي تمدح المواساة

 

[الخيال المتلاعب]

السلام عليكم انا جربت دار الشفا نظافه وعنايه روعه وكمام روعه روعه والسعر مناسب اتوقع نفس المواساة بس الدكتور الي ولدني خياطه خايس يمدحون مي بلخياط ومعصومه واحسن شي استخيري

 

[باربي شمر 87]

دار الشفا ٧ نجوم من كل النواحي

 

[باربي شمر 87]

دار الشفا 7 نجوم من كل النواحي

 

[om_saleem]

تجربتي بالشفا اقيمه ١٠ على ١٠ ما شفت غلطه بسيطه عليهم ولدت بسنه ٢٠٠٥ وسنه ٢٠١١ ماتغير المستشفى من ناحية الاهتمام والعنايه بالعكس صار افضل بعد وباذن الله هالمره اولد بعد عندهم

المواساة ماجربته حتى ماعندي ملف عندهم .. بس جربت السلام مره بعمليه الله لا يراويج الزعاج واللويا والنيرسات نفسيه والاهتمام صفر

 

[خوووخه w]

أنا جربت الأمومه حلو بصراحه واسعاره زينه ودكتور محسن طلبه

 

[مــتــنــحــة]

ماجربت ولا واحد

بس ناويه عالمواساه

المواساه معروف بس يقولون كمامه حيل خفيف

ودار الشفا ولدت اختي فيه وتمدحه

بس مادري خايفه:eh_s(11):

 

[غزوى]

انصح بالمواساه عنايه واهتمام انا كنت عند فرجينا

 

[غسق الليل*_*]

المواساة عجيييبة بكل شي صراحة والله السسترات ينحطون على الجرح يبرا وقت الطلع تعطيج ايدها عشان تضغطين على ايدها وما يخلونج كلش انا مشكلتي ان الجو كان حار بس يمكن احسلي عشان لا يحوشني هوا والمفروض اولد عند فرجينيا بس كشتت فيني وقت الولادة مسافرة كانت فولدتني لينا وزينة بصراحة وخياطها ماعورني وايد وع العموم ترا الدكتورة ماتيي الا وقت الياهل بين راسه وحق الخياط والله يسهل عليج وعلينا يارب

 

[alhala.79]

السلام عليكم انا جربت مستشفى عاليه الدولي كانت من احسن الولادات الي ولدتها للامانه الهدوء والمعامله كانت فوق الممتازه واهم شي ماحسيت الا ببنتي بحضني

 

[انتيكا]

رووويال حياااه اتعب اقول يهبل ماعليه شي وجنه اصغر غرفه طبيعي ب٧٠٠ وشي بس هم لو تبين تستقبلين فيها مو شينه تفتح النفس المستشفى بكبره يفتح النفس والسسترات يهبلون وذربين احس فيهم اتكيت وماكو ازعاج كلللش هدووء اكلهم يهبل و كل شي حلو فيه