بأي محل الي يبيعون جوتي بوليتات واصوات للبنوتات

[راحيل العبدلي]

السلام عليجن كويتيات


صباح الخير / مساء الفل ?


عفياااا سؤالي بالعنوااان ...


و جزاكم الله خير خواااتي

 

[اترجة]

تحصلينة بكل مكان موجود المحاميد والمباركيه اسواق الشعبيه طقت المعلم تحصلينهم

 

[بيادر أمل]

يالله بنت مطير والله لج وحشة
شلونج اربج بخير
ياحياتي مثل ما قالت اللي قبل تحصلينه في الاسواق الشعبية

 

[الجويرية]

واااااااااااي ولدي بجي شايف اللي بالحضانه وماداوم الا ببوليتات ((

لقيتهم بستي سنتر المعلم بس حراميه ب5 وبعدها رحت سوق شعبي جان القاه نفسه1؛900

والله نفسسسسسسسسسسسسسسه __ وخذيت لبنتي بعد

 

[راحيل العبدلي]

بعد عممممري اترجه ما تقصرين ����


بيادر امل ��
الله يحيييج ويبقيييج ي الغلا سبحان الله سنتين مرت بلمحة البصر
وانا بخييير يماااال العافيه
و لج بعد وحشششه و الله
انتي شخبارج و اخبار كتاكيتج الله يحفظهم لج؟

.

 

[أم ميميتو]

المباركيه تحصلينهم رخاص

 

[AVE.NJ]

بنات حرام اليهال تلبسونه جواتي بوطقه
روحي فوق بالافنيوز محل اسمه استكشر ومسوي سيل انه شريت ب20 قبل السيل
وفيه بالرياضي بعد

 

[fofo90]

اي والله عاد شكلهم يوونس
حق اليهال برروح ادور حق وليدي
انشاءالله الاقي قياسه حبيبي نتفه

 

[@ام يوسف@]

لرفع

 

[دلع86]

الرياضي ساعات اييبون أنا مأخذه حق ولدي ماركه puma
وعندج محل payless يهبلوون موجود بالافنيوز وبالسالميه يم مذركير

 

[راحيل العبدلي]

الله يحفظجن خواااتي و يحفظ بيبيياااتكم المزاييين
يعطيجن العافيه

 

[بيادر أمل]

.
.
يا عمري فديتج ^^
شفتي هالسنتين جنهم يومين يالله ياريتهم يرجعون ^^
.
.
كتااكيتي يا حلوهم عاايشه معاهم مغاامرااتي اللي خبرج فيها لوووووووووووووول
ومسميتهم عصاابة حسب الله لوووووووووووووووول ^^
.
.
وانتي وش اخباارج وشلون كتكوتج ^^
.
.

 

[أم عمر]

شفته من فتره في خان الخليلي بالفحيحيل
واكيد موجود بالاسواق الشعبية كووووود

: )

 

[fr07a22]

رفع رفع رفع رفع

 

[انسام الكويت]

الله واكبر عزكم الله جوتي حق يهال ٢٠ دينار شدعوه كله جوتي

وبيلبسه بريوله وبعدين كلها جم شهر وبتكبر ريله وبنشتري غيره شحقه


صاحبة الموضوع مثل ماقالوا البنات بالاسوقه الشعبيه انا شفته بسوق كرز

و يهبلون اشكال والوان

 

[meen_ana]

اهلين حبيبتي اذا تبين انا شايفه من سوق كرز الشعبي