بإذن الله راح ادعيلها طول عمري وما انساها اللي تعرف علاج لحساسية الانف

[خبزه]

السلام عليكم


اشلونكم يا حبايبي ؟؟؟؟؟
صدقوني اللي تدلني على علاج مجربتتتتتتته حق حساسية الانف اللي تجي على شكل احتقااااااااااان فظيع

رااااااااااااااااح ادعيلها من كللللللل قلبي

يا بنات ابي شي مجرررررررررررب يعني تجربتج او احد من اهلج موووووووو سمعت او قريت

وجزاااكم الله كل خير

 

[آلسحرآلحلال]

وااااي لله يعينج ..
حتى انا فيني حساسية ..

شوفي عن نفسي استخدم حبوب ( زيرتك )
او اشرب دواء اسمة ( اكتفيد ) لونة اصفر وعلبته صفراء

مشالله 3 ايام وتروح ..

بس ترى يخلونج تنامين ( كل دواء حساسية ينوم ) ..
اخذيهم قبل النوم بس

 

[خبزه]

مشكووووره يا قلبي بس انا ابي علاج طبيعي او اعشاب مضمووووونه تدرين ليش ؟؟؟؟؟ انا حساسيتي دااااائمه مو موسميه واعاني من سنين
والعلاج مال الطبيب مؤقت ويريح جم يوم بس تالي كل شي يرد واذا بتحملين هم ما تقدرين تاخذين ادويه مشكوره يا عمري
بناااااااااااااات عفيه ابي مشاركات هالموضوع تاعب نفسيتي حيل احس باحتقااااان يضايق

 

[(المباركيه)]

روحي عند دكتورة سعاد المستكاوي انا مارتحت من الحساسية لين رحتلها عطتني ابرة حساسية يقعد مفعولها سنة تقريبا والحمد الله صارلي 3سنين على علاجها ومرتاحة اهي بمجمع البراء مال ماجدة اليتامى الي بالجابرية

 

[ماما فطوم]

اذا تبين اشياء طبيعية يبيله سعة صدر وصبر مو يومين واوقف واقول ماجاب نتيجة حساسية الانف كانت لاعبة فيني لعب واستخدمت

الحبة السودا (حبة البركة) وماشاء الله لاقوة الا بالله معاناة سنين طويلة راحت بفضل ربي0

الطريقة آخذ باطراف اصابعي السبابة والابهام وبالفم بس ضروري تطحنينها باسنانج عشان تستفيدين من زيتها واحيانا اضيفها على الجبن

الابيض واسالي الله الشفاء التام وللعلم الحبة السودا تقوي حاسة الشم كانت الحساسية ماتروح الا بكورتيزون بخاخ فليكسونيز وبيكونيز0

وفيه طريقة ثانية اختي استخدمتها بمعرفة خبير اعشاب والحمدلله جابت نتيجة واهي قطرة العسل تذوبين عسل طبيعي طرف قفشة وسط

بقفشة كبيرة ماي سبق غليه وصار فاتر وحطي نفس القطرة العادية0

هذا اللي عندي وعن تجربة وماتشوفين شر0

 

[قطوة@@]

استنشقي ماي .. انا واايد فادني

بس اسوي يخنق

 

[اللاندكروز]

السلام عليكم ورحمة الله وبركاته ،،

اختي شوفي .... اخذي (القسط البحري) وحطيه بالخشم بس شويه موتكتينة واستنشقيه عالخفيف طبعا عقب ماتطحنينه . مرتين باليوم تقريبا ... وساعة حطيه مع الماي وغسل خشمج نفس طريقة الوضوء . وانشالله ماتشوفين إلا الخير ..

تحياتي ،،،،،


:bye22:

 

[خبزه]

مشكوووووووووووووورين اقولها من كل قلبي كل اللي ردوا علي ، الله يجزاكم خير ويرزقكم ما قصرتوا

بجرب وبشوف ممكن تجاااااااارب بعد؟؟؟؟؟ <<<<<< طمااااااااعه

 

[عمري الخالد]

حبيبتي روحي لطيبه كلينك عند سند الفضاله اعالج بنتي عنده من الحساسيه من فضل ربي علاجه زين والله يشفيج

 

[بياض السحابه]

عليكم السلام

مرحبا حبيبتي

الابره ما انصحج فيها

امي كانت تاخذها اهي صج تريح بس الدكتور يقول تسبب هشاشة عظام بعدين

لذلك امي صارت تاخذ حبوب سيريس << اشتريها من الصيدليه خوش حبوب تريح حيييييييييييييل وبدون اضرار مثل الابره



والله يشفيج وجميع مرضى المسلمين

 

[Turquoiseya]

رفع للموضوع

 

[ClaSsy~Me]

وييييييييه حبيبتي انا حاسه فييييج .. شوفي انا بعد فيني الحساسيه اللي تكون وياي طول السنه و ماخليت مكان ما عالجت فيه .. خل اقولج من اول ما بدت وياي الحساسيه كان عمري تقريبا 9 سنين .. وانا حساسيتي مو اي حساسيه لالا مستحيل تلقين مثلها اللي بس خشمي ماي 24 ساعه وعيوني دموع و صداااااع سوري مابي الوع جبدج بس هذي كانت حالتي والحبوب ما كانت تنفع وياي اللهم انها تنومني و البخاخات كانت تزيد حالتي سوء .. خذيت ابر لمده 4 سنين ولا سوت ولا شي خذيت ابر كورتيزون الله وكيلج اسبوعين هم ما تمت معاي .. ما خليت حبه ما خذيتها سيريس اكتيفيت زيزيل زيرتك كلارتين كلارينيز وحتى كورسات حبوب كورتيزون خذيت و كلهم والله كلهم و ما نفعو وياي .. رحت بعالج بره ما خليت ديره هم مانفع وياي ..
شفتي شكثر انا اعاني لوول .. المهم بعدين سمعت عن معالج بالاعشاب بلبنان اسمه نيقولا ايماس و الحمدلله من بعد الله سبحانه وهالدكتور تقدرين تقولين انها حييييييل خفت علي .. بس هم كانت تأذيني وانا كنت ادرس و تخيلي كان يحوشني مع الحساسيه صداااع اللي يخليني اربط راسي واحط فكس لي هالدرجه .. بعد ما خفت عني جان اسوي عمليه حق خشمي لان موليه ماكنت اتنفس بعد .. والحين الحمدلله احسن واااااايد .. بس هم ماراحت عني كلش كلش بس يقولون انها تخف مع الكبر .. بس نصيحه مني لج اذا عندج روحه حق لبنان روحي حق هالدكتور يهببببببل و اكيد بينفعج بإذن الله .. و شوفي اذا عندج مشاكل بخشمج مثل التهاب الجيوب الانفيه او تضخم الغضاريف او الاعوجاج لانها عوامل تزيد من الحساسيه بشكل كبير

 

[الواثقه بالله]

شمع النحل ممتاز لحساسية الأنف

وعن تجربه كانت بنتي ما تقدر تتنفس وكله تعاطس طول اليوم

وجربت شمع النحل تاكله نفس العلك طول اليوم

وراح تلاحظين أنها كل مره تكون أخف من قبل لين يمن الله عليج بالعافيه

 

[خبزه]

مشكووووووووورين عالردود الحلوة فعععععععلا ما قصرتوا

اخت كلاسي مشكووووووووووووره من قلب بس ممكن اعرف الدكتور اللبناني شنو عطاج ؟؟؟؟؟؟؟؟؟؟؟؟

 

[kaboOOOOOOOOsa]

حبيبتي انا رحت المستوصف
وقلت له ياخال يابو 2

يعني يا تعطيني ابره اتريحني يا ما ابي شي من الادويه الفاشله الزرتك والكلاراتين وما ادري شنو ومنو

المهم قالي قبل لا ادشين بابر الكورتيزون جربي هالبخاخ


اول مره اجربه والحين انا حمدالله لا معاطس ولا غيره


ما ادري شنو اسمه الحين بس اذا تبينه دزيلي عالخاص عشان ارد
لاني ما ارد عالموضوع مره ثانيه


وماتشوفين شر

 

[المعارج]

اختي الله يشافيج ويرفع عنج

مثل ما قالت "لاندكروزر..أخذي القسط البحري وان شاءالله بيفيدج ويعافيج
اخذي القسط البحري المطحون طبعا وحطي شويه منه بكيس وخضيه حيل وبعدين فتحي الكيس وتنشقي من القسط وراح تشوفين مفعوله
بعد جم يوم بإذن الله..حتى الصداع بيروح وحتى انه علاج مفيد لامراض كثيره بسيطه او كبيره
وسأل الله ان يتفعج فيه
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك
أسأل الله العظيم رب العرش العظيم ان يشفيك

 

[مـزعلـة النسـا]

رد : بإذن الله راح ادعيلها طول عمري وما انساها اللي تعرف علاج لحساسية الانف

وااااااااي يالحساسيه ذااااابحتني بس بجرب اللي قلتوا عنه