بإذن الله قررت انزل وزني الى 68 كجم.........حياكم

[رشيقة خانم]

السلام عليكم يا حلوين

من اليوم 3/11/2011 قررت انا رشيقة خانم أصير اسم على مسمى و أكون فعلا رشيقة خانم

نظامي الغذائي راح يكون طبيعي و الشي الي راح يتغير اني راح اشرب في اليوم 3 ليتر ماي

اكل خضراوات و فواكه اكثر من قبل

طبعا وزني الحالي 81 كجم و باذن الله بعد اسبوعين راح يصير وزني 78.5 كجم

هذا النظام لمدة اسبوعين و ينزل 2.5 كجم

الفطور:

2 بيضه او جبن قريش او مرتديلا تيركي + قطعة خبزه لبناني خفيفه او 2 توست + خضراوات + كوب شاي حليب

وجبة خفيفة:

قطعة فاكهة و روب قليل الدسم
او تشكيلة خضراوات مثل الجزر و الخيار و الكرفس مع روب قليل الدسم
او عصير برتقال و جزر فريش
او 5 تمرات و ملعقة هرده

الغداء:

قطعة دجاج او لحم او سمك مشويه او مسلوقه
سلطة خضراء مع ملعقة صلصة فرنسية او زيت زيتون و ليمون و خل
خضراوات مطبوخه او قطعة ذرة مسلوقه او بطاطا صغيره مشوية

العشاء:
روب
1 ملعقة عسل نحل
قطعتين فواكه من نفس النوع


الرياضة :
مشي كل يوم ساعة

و لا تنسوون الماي

 

[زنوبة الحلوة]

موفقه حبيبتي وان شاء الله تنزلين بصحة وعافيه يارب

 

[رشيقة خانم]

مشكوره زنوبة الحلوة

انا الحين ببلش ريوقي و بعدها بساعتين بمشي لمدة ساعة كاملة

 

[رشيقة خانم]

الحمد لله اليوم مشيت لي ساعة وحده في ممشى مشرف
واااااااااااااااااااااااو الجو كان عجييييييييييييييييب

بعدها رجعت و الفواكة ملوتي و زهبت اكلي

واااو سويت لي اكلي على شكل طبقات و حطيت شوي عيش بعدها ستيك و خضار مطبوخه

و بعدها قلبتها بالقنجه شكلها طلع روعة اول ما اتعلم انزل صور راح انزل لكم برنامجي

 

[قــل مـا تـشـاء]

عوااااااااافي حبيبتي
العشا زييين انه خفيف وحاولي تاكلينه قبل ماتنامين بـ ٣ ساعات عالاقل
وأهم شي الرياضه ماتقطعينها في الجو العجيبييييب
ان شااااء الله بتابع يومياتج
الله يوفقج

 

[قــل مـا تـشـاء]

لاتنسين بعد تكثرين شرب الماي لترين يوميا

 

[ليااااان]

ما شاء الله تبارك الله ابغى انظم لك >>>>>>>> اذا سمحتي لي طبعا >>>>> النظام فلة و صحي و رهيب بالتوفيق

 

[طموحه بزياده]

يارب ينزل وزنج بصحه وعافيه يارب

 

[Om-azooz]

والله ودي اسوي رجيم الغذائي حقج بس المشي ما اقدرعااادي ما امشي