باابككي من القهر تعالو ساعدوني

[قطعة حلا]

مسائكم الله بالخير...بنات والله اني بابكي خلاص لو ماساعدوتني باابكي من القهر..

انا عندي بنت بثاني روضه وجتني ورقه من روضتها عشان النقل

للمدارس...وانا من شهرر 2 محتاره وين اسجلها..صديقتي كانت تقولي

سجيلها في الباكستانيه المتكامله اللي بالفحيحل بس بنتي ماتسأسست عندهم

واكيد بينزلونها سنه...وامي واختي يقولون سجليها بمدرسه فهد الاحمد لان

حنا بفهد الاحمد وتقول امي مدارس جديده وحلوه..بس انا ماعرف عن

ادارتها شيء واخاف على بنتي لانها بكري والاداره ماعرف عنها شيء..

بنتي ذكيه واموره وتحب الانقلش بس قولوا لي وين اسجلها خاص ولا حكومي احسن..

تراني ماعرف أي شيء عن المدارس وموادها لاني مادرست هني درست بالسعوديه...واللحين ضايعه بالطوشه يعني شنو نظام الدراسه للابتدائي هني....يعني تقيم ولا فيه اختبارات..فهموني بليز..

وشنورايكم ادخلها خاص ولا حكومي ولا ثنائيه اللغه....للعلم اني منفصله وبنتي وياي وعندي صك الحضانه بس المحامي يقول لو سجلتيها خاص انتي اللي بتدفعين الرسوم لان انتي راغبه بهالشيء...وانا ماعندي الا الشؤون ومعاش بنتي ويالله يلحق..


ساعدوني وقولوا رايكم....والله عادتكم خوات ورفيقات لي وبسمع ارئكم كلها....بس انتو قولوها لي عسى ربي لا يهينكم ويخليكم لعيالكم..​

 

[لولو70]

الله يكتب اللي فيه الخيره
صلي استخاره اول شي
وثاني شي شلون بدخلينها خاص والمعاش حدحد
والله مدارس الحكومه زينه الحمدلله كلنا درسنا وتخرجنا واشتغلنا
الله يصلحها ويخليها لج ان شاءالله

 

[قطعة حلا]

مشكوره يا لولو بس انا حبيت اعرف شنو الاحسن والاصلح لبنتي...مشكوره ياقلبي عالمشاركه الحلوه...بس ماقلتي لي شنو نظام دراسه الابتدائي بالحكومي..يعني تقيم ولا فيه

 

[زوزو الحلوه]

حبيبتي ..اول شي شلون تبين اتدخلين بنتج وما في ميزانيه جيده حق هالمدارس ما قولج انا ولدي بمدرسه خاصه بس كل سنه يزيدون الرسوم يعني سنه على سنه تصير اغلى ..
الحكومه للامانه ما جربتها ولا شفت شلون يطلع الياهل من عندهم من روضه وحضانه بس صديقاتي واهلي ما يمدحون الروضه الحكومه لانه بس تعلم الرقص والدقدقه ما يتأسس لا عربي ولا انجليزي هذي السالفه من واحنا بالروضه عارفتها..
الابتدائي ما ادري بس انا سمعت انه اولى وثانيه وثالثه ابتدائي ما في تقييم يعني لا سقوط ولا نجاح بس يتأسس على قولتهم وما ادري عن الباجي والله يوفقج انشالله

 

[ReeMaN]

انا اقول دام انج على الله ثم معاش الشئون خلج على الحكومه و مااقدر احكم اى مدرسه اهى الزينه حق بنتج بس اكلمج عن مدارس الحكومه الحين بشكل عام واااايد تطورت وللاحسن طبعا والحين في اقتراح بالوزاره ان يخلون العلوم والرياضيات وجنى اذا مانى غلطانه الاجتماعيات بعد يعنى نفس مدارس ثنائيه اللغه

انا ولدي بمدرسه امريكيه واهى غاليه مو رخيصه واحنا على معاشاتنا ويالله نلحق بالرسوم غيرالطلبات اللي يطلبونها كل طول السنه

وانتى استخيري وروحي افتري على مدارس الحكومه اللي عندكم قبل لايعطلون مافيها شي تدخلين وتسالين عن كل شي بخاطرج فيه والله

يسهل امورج

 

[قطعة حلا]

مشكورين حبيباتي....يعني من رايكم ان الحكومه تطورت يعني ادخلها حكومه احسن طيب انا اسمع مدح للمدارس الخاصه بس مزيانيه ماكو...طيب شرايكم بمدرسه النجاه الخاصه..دقيت عليهم وسالتهم يقولون انها دينيه ورسومها بسنه 600 دينار...شرايكم فيها يابنات ادخلها النجاه ولا ادخلها حكوميه وارتاح؟؟؟

 

[جزيلة العطا]

انا اقتراحي دخليها الباكستانيه جم سنه لما تصير بلبل بالانجليزي وبعدها حوليها حكومه...تكون تاسست عدل اش كثر اعرف ناس سووا جذيه ورسومها مو وايد...جنه 200 او 300 ماني متاكده واذا زادت ما اتوقع فوق الـ400

 

[ريومه المزيونه]

حبيبتي مدارس الحكومه حلوه وتعطي مناهج على قد سن الطالب

ومدارس فهد الاحمد حلوه وجديده يعني الطلبة قليلين بالصف ومالج شغل بالاداره اهم شيء المعلمات


والنجاة يعطون منهج الحكومه بالضبط فليش تدفعين فلوس على منهج حكومه خصوصا لبنت يعني ماتقولين صبيان يبلهم ضبط ومراقبة فهمتي علي

الفلوس انتي اولى فيها وبنتج

الحكومه حلوه وترى انا مدرسة بمدارس الحكومه واشوف ان المناهج حلوه بالنسبة لسن التلميذات

 

[ريومه المزيونه]

نسيت اقولج استخيري والله يكتب لبنتج الي في خير

 

[om deaj]

انا ولدي مادخل الروضة وحيرتوني من كلامكم

بس ميخالف بنات وايد نشوف الامهات تتحلطم من تغير المناهج وصعوبتها من شنو؟؟؟

 

[ام _خلودي]

والله حبيبتى المساله اختياريه

شوفى انا بنت بعدها كى جى 1

انا اخترت الخاص ابي اسس بنتى عدل وابيها بلبل انجليزى

بس تصدقين اكتشفت شىء المساله مساله قدرات وتاسيس لااكثر ولااقل

اختى لصغيره بصف سابع من عمرها حكومه بلبل انجليزى والاكسلنت مالها احسن

منى فاذا تبين بنتج تاسس عدل انتى جابلهااا وتعبى عليها اول شىء بعدين راح ترتاحين

 

[قطعة حلا]

مشكورين بنات علا ردكم علي والله يوفقكم جميع......وفعلا ياام خلووود المساله مساله تاااسيس يعني حنا نجابلهم ونااسسهم عدل
ريومه...مشكوره ياابلا وامي اساسا تحن علي تقول دخليها حكومي...بستخير وبشوف...الله يعين

 

[حروف من ذهب*]

شوفي حبيبتي حكومه او خاص انتي الي تأسسين بنتج اذا درستيها وهتميتي فيها بتكون ذكيه وشاطره

 

[لبا^زولي]

.....................

 

[sparkles]

خلج عالحكومة راح تضيع بالخاص لأنها ما تأسست عندهم وانتي راح تتحملين الرسوم

 

[حلم الطفولة]

هلا حبوبه ,, رايي من راي الأغلبيه , وحروف من ذهب قالتها : حكومه أو خاص إنتي ترى اللي بتعلمينها وتأسسينها وتدرسينها وتحطين لها المدرسين الخصوصيين !!

الحريصه على عيالها بتكون حريصه بخاص أو غيره وانتي دام ماكو ميزانيه لا تكلفين نفسج وتتوهقين بعدين ،،
أسأل الله لج التوفيق

 

[مجنونة نت]

هلآ وآلله بآلسعوودية

دخليهآ آلنجآة ولآ تشآورين أحد.. من جد مدرررسة بتعجبكـ لآن بتذكركـ بنظآم آلسعوودية شووي

 

[فرحه عمر]

والله يا اختي الحل جدام عيونج بس انتي اللي مو شايفه
المثل يقول مد ريولك على قد لحافك............. يعني انتي ماعندج يدوب اللي يعيشكم وانتي الله يهداج وين تطالعين ؟؟
خلي عنج حتى الباكستانيه ماتنفع خلي بنتج بالحكومه وشكو تعرفين الاداره ولا تعرفين احد فيها؟؟؟ انتي مدام بنتج شاطره ماعليج من احد والشطاره مايبيلها واسطه
خلي فلوسج تنفعج في شي ثاني

 

[قمر2009]

خليج على الحكومه بالعكس اساسا صايرين ياسسون عدل