بابا جابر

[grumpy22]

شلون استقبلت خبر وفاة بابا جابر ومنو الي قالج؟؟؟!
شنو ودج تهدينه في ذكرى وفاته الي تصادف 15/1 ؟؟؟!


ابي تفاعلكم بنااااااات

 

[%عسولة الحلوة%]

ااااااااااااااااخ

تدرين شون
عرفت
؟؟؟؟؟؟؟؟؟؟


الصبح

خواتي يبون يروحون المدرسة
وانا محاضرتي كانت متاخرة

ماحسيت الا اختي اللي اصغر مني
ضعيفة وعصلة
دشت علي الدار
ان اقعد من النوم

جان تقوللي
مااااااات
مات

قلتلها منو؟؟؟؟

قالت باباجابر
وماتت من البجي

وانا المها واسكتها

ومصدومة
ماادري مو مصدقة لى مو مستوعبة
بس دمعت عيوني حيييييييييييييييل
جان انزل بسرعة تحت
واذكر كان برد

الا امي قبل لا تروح دوامها بالمدرسة
وخواتي كلهم تحت

يشوفون التلفزيون

وامي تبجي

انا مااستوعبت ماابي اصدق


الا جان يحطون النعي الرسمي
كان وزير الاعلام
يقوله مباشرة

جان ابجي

عسا الله يرحمه برحمته ويغفرله
ويوسعله دنيا واخرة

 

[توت عنكبوت]

انا زوجي علمني الصبح

الله يرحمه ويسكنه فسيح جناته

 

[وجه الخير]

أنا
ماكنت نايمة عدل يومها

كان عندي امتحان فاينل رياضيات:eh_s(4):

قمت الصبح ولا امي تقولي بابا جابر توفى:eh_s(16):

ماكو دوام اليوم

و لفيت فوق تحت

:ch12:ورديت كملت نومي:ch12:

استوعب الخبر الساعة 2 الظهر:23_asmilies-com:

:yaaaaaarb: الله يرحمه :yaaaaaarb:

 

[Pwincess]

الله يرحمه ان شالله ..

ناس من اهلنا كانوا بره الكويت السفاره معطتهم خبر و سييده داقين علينا من الفير يتأكدون و احنا اصلا ما كنا ندري ما كانوا معلنين الخبر اهني.... امي تقولهم شالحجي لا يبا وشغلت التيفي ما كلنوا حاطين شي !! بعدين لما قمنا بنروح الدوام ولا صج الخبر . انصدمناااااااااااااااااااااااااااااااااااااااااااااااااا

 

[grumpy22]

شاكرتلكم تفاعلكم حبايبي
15/1 يصادف عيد ميلاد بنت اخوي فقبلها كنا مجهزين شغلنا ومترتبين كل شي عشان نحتفل بعيد ميلادها ولمن قالولنا عن وفاة بابا جابر كنسلنا كل شي وبنفس اليوم ماصحيت الا على صوت تراقع بيبان ببيتنا قمت مخترعه ولا اختي يايه تقولنا الخبر طبعا ماصدقت الخبر الا لمن اعلنه وزير الاعلام وحده ضاق خلقي لان اهو من الحكام الي اثروا فيني حيييييييييييييييييييل الله يرحمه انشاله

 

[WaRoODa]

واااااااي بابا جابر أموووووت عليه صج أمير القلوووب و الله

أنا كنت رايحة الثانوية و كان عندي امتحان و أخوي دق و قالي أول شي انصدمت ما كنت مستوعبة و قعدت أبجي بجي لا شعوريا :s
أهديه نجاحي و تفوقي و دعائي له ..
الله يرحمه انشالله و يغفر له و يسكنه الجنة آمييييييين .
و مشكوره عالموضوع الحلو

 

[الأمومه حياتي]

انا كنت بالعده على زوجي الله يرحمه

و كنت سهرانه اطالع قناة الجزيرة الوثائقيه ولا يطلع خبر عاجل

من القهر الي فيني قمت اصارخ و ابجي على شخصين مو واحد و قعدت اهلي كلهم اقولهم ( الطيب يروح الطيب يروح)

 

[MyLittleBerry]

انا كنت حامل وريلي كان ياي من الدوام الصبح قعدني قالي مادريتي قلتله شنو جان يفتحلي القناة انقمت قلبي حسيت شي كبير في حياتي وراح

مكانه راح اهو والشيخ زايد وايد يضيق خلقي اذا ذكرتهم وايد احبهم