باجر الدرس النموذجي ,, هيلب مي

[( درّه )]

السلام عليكم



شلونكم بنات ؟؟


ولا عليكم أمر

أبي شوية أفكار حق موضوع باجر ( التلال والهضاب ) بتدش الناظرة


أبي أقل شي نشاط إستهلالي ,, بشنو أبلّش ؟؟

ومشكورين مقدماً ..

 

[محاسن الزين]

رد : باجر الدرس النموذجي ,, هيلب مي

حبيبتي انا معلمة جغرافيا قولي شنو تتكلم عنه مقدمة الدرس

 

[( درّه )]

عن مظاهر السطح

وحاطين تعريف مظاهر السطح

الجبل

الهضبة

السهول

وخريطة توضح تضاريس شبه الجزيرة


بسسس

هذا صف سادس طبعاً

ومشكورة أختي يزاج الله خير

 

[¤§ زيتونة §¤]

الله يوفقج حبيبتي


انا معلمة لغة عربية بس ودي افيدج

ممكن تحطين صور للاشياء اللي بتعرفينهم عليها علقيهم عالسبورة ولا تكشفين عنهم من اول شي لا شرحي واحد واحد واخر شي طلعي الصور وخل يقولون لج الفرق بينهم


وطبعي ورقة فيها كل هالصور بس صغار وخلي البنات ياشرون بعلامة على كل شكل تتكلمين عنه ويلصقون الورقة بدفترهم

ممكن تييبين مجسم فلين للجبل وتقولين لهم وين راسه وجذيه

واذا عندهم السبورة اللاصقة خل يرسمون عقب ما تشرحين لهم هالاشياء عليها ويرفعونها






موفقة