أحلى همبه كويتية
**مشرفة قسم مائدتك**
مشرفة القسم ( جارة القمر )
بسم الله وما شاء الله ولا حول ولا قوة إلا بالله
رحلتنا كانت يوم السبت بعطلة راس السنة
على شاطئ المارينا
الجو كان عجيب والوجه الحسن موجود بعد :wqedqw::wqedqw:
منيو الغداء كان الآتي :
عرايس
كبدة
شيش طاووق
تكا
افخاذ دجاج ساديا
سلطة
بيبسي
والحمد لله على النعمة
تتبيلة الكبدة :
ملح
ليمون
فلفل اسود
دبس الرمان
شوية كركم
2 ملاعق روب
ثوم مدقوق
شوية زيت
تتبل قبلها بيوم وتترك بالثلاجة - تشك بأعواد الخشب قبل الشواء وترش بقليل من دبس الرمان ثم توضع على النار
تتبلة الدجاج والتكا : انا مالي مقادير معينة اسوي بالنظر :080402ask_prv:
خل
ليمون
ملح
دبس الرمان
2 بصلة
1 فلفل اخضر
بهارات تندوري
ملعقة صغيرة ملح الليمون ( او تحطين براس القفشة لأنه يطري اللحم ويستوي بسرعة )
4-5 ملاعق كبيرة روب
ملعقة صغيرة بابريكا
علب فلفل حار او شوية فلفل احمر ناعم
2 طماط
كركم
3-5 فص ثوم
لومي اسود
معجون طماط ( حسب الرغبة عشان اللون ) او ممكن كاتشب
تسوين الخلطة وتقسمينها قسمين :
1- حق اللحم تضيفين شوية بهار لحم مو وايد
2- حق الدجاج تضيفين بهارات دجاج
كلهم بالبلاندر الخلاط ويتبل به الدجاج والتكا كل صنف بماعون بروحه
ويدخل الثلاجة قبلها بيوم او يومين
الدجاج المستخدم : افخاذ رفيعة ساديا وتعمل فيها شقوق عشان تدخل الخلطة
الشيش طاووق : صدور ساديا - تقطع بالحجو اللي تبينه
ينقع بماي وطحين ثم يغسل جيدا ويتبل بالخلطة السابقة
التكا : استخدمت صحون لحم غنم مقطع من الجمعية وقطعته بحجم صغير حتى يستوي بسرعة
طبعا لازم ينغسل ثم يتبل بالخلطة المذكورة
العرايس :
لحم مفروم خشن امريكا الأكياس مو الأصابع المثلجة
شدة نعناع
شدة بقونس
بصل مفروم
جزر مبشور وليس مفروم
طماط مفروم
زيت زيتون
كركم
بهارات لحم
لومي اسود
ملح
فلفل رومي اخضر
دبس الرمان وهذا اللي يعطيه حموضة
فلفل احمر حار ناعم شوي
انا كثرت الخضار على كمية اللحم وطلعت لذيذة ما شاء الله الكل حبها
سويتها بنفس اليوم
وعلى البحر قطعنا الخبز نصين وحشناها ودهنا الخبزة بزيت شوية
وعلى الفحم طبعا فوق الشبك
لأنه بسرعة تستوي
والحمد لله ان الأكل عجب الأهل كلهم وانا ايدي احترقت بأكثر من مكان
وتعثرت وتعورت ريولي
الناس كانوا يمرون ويخزون
والواحد ما يسلم من العين
ماشاء الله الريحة شايلة المكان
هذه ضريبة الشهرة :wqedqw:
والحمد لله كانت الطلعة كلها وناسة والحمد لله
