بارد ثلجه تعبني

[البندري w]

السلام عليكم
بدش بالموضوع على طول
انا من فتره انخطبت خطبه تقليديه جدن يعني جو اهله خطبوني وسويت استخاره ووافقت وخلاص ومن فتره ملكت يعني الحين صرت زوجته حلاله
اتصدقون من خطبني للحين صارلنا 9شهورواللحين ماعبرني ولا بكلمه ولاطرشلي مسج على الاقل بلجوال ولاحتى فكر ايدزلي هديه مع اخته وهي صديقتي مع العلم بينا قرابه يعني هو مو غريب كلش بس للحين مايعرف شكل وجهي حتى
اهم شي ذبحني بروده قهرني خاطري ايدزلي مسج واحد لو بالغلط راضيه اهم شي ادري اني على باله وانا خايفه لما نتزوج يستمر هالبرود
انا خاطري انه يكلمني من الحين قلت يمكن نذوب شوي من الثلج اللي بينا والحين فكرت اني انا اطرشله مسج بس خايفه اطيح من عينه او يفهمني غلط بس والله العظيم من قلب خاطري اقتحم عالمه واشوف وش يفكر فيه خاطري اعرف انا شنو بالنسبه له
ارجوكم حبايبي ساعدوني وقولولي وش اسوي وهل تفكيري سليم اني اطرشله مسج ولا شو
لاتتاخرون علي لان راسي بينبط من التفكير
:eh_s(14):

سبحان الله وبحمده سبحان الله العظيم

 

[ترجمة احساس]

الله يهديج عادي يمكن مومتعود عالوضع الجديد او يستحي
احنا عندنا مايكلمها بس يشوفها الله يوفقكم ويهنيكم يارب

 

[قلبي سلومي]

عادي حبيبتي مو متعود

اهم شي عقب الزواج

 

[كويتية زقرتيه]

لا لا أدزين انتي بنفسج قلتي تقليدي وهالشي طبيعي بعدين راح يتغير اهوه حتى مو شايفج مسكين لا اتلومينه بعدين يتغير​

 

[كتكات احمر]

بخاطري نفس السؤال انطر اجابة

 

[گنت أحبگ]

لا يباا لا طرشيين من صجج انتي

صج ريلج وحلاالج بس ولوو

المفروض انتي المستحيه واهو اللي يبادر

وبعدين عادي يمكن مايعرف هالسوالف اهو ومو متعووده ولا يدري شنو المفروض يسوي

ويمكن اهو وده يكلمج بس مستحي يعني يمكن متوقع ترفضين

 

[A.E]

لا لا ترسلي مسج ممكن هو لسى مستحي منك صح

 

[زوجة عزيز]

نطري لي عقب العرس يمكن صج مستحي

 

[( مي )]

انتي تقولين حتى ويهج ما يعرفه !!
شلون تبينه يتواصل معاج ويطرش لج هدايا ومسجات واهو حتى مو عارف شكلج ولا شلون صايرة ،، طبيعي بيكون فيه هالبرود هذا
وبعدين غريبة ،، شلون تزوجتوا ومو شايفج ،، ماشافج النظرة الشرعية ؟؟؟

في احتمال ثاني
انه بيستغل هالفترة قبل العرس وبيحسس روحه انه للحين عايش عزوبي قبل ما يبدي حياته اليديدة معاج

او حتى يمكن ،، انه من النوع الثقييييييييييل اللي مو بسرعة يتحرك​

 

[اختكم بالله]

لا ادزين له مسج دام خطوبتكم تقليديه مايبي يكلمج الا عقب الزواج عادي
انا لما ملكت ماشفته وكلمته الا بيوم العرس عادي حبيبتي وأحسن الصراحه

 

[قاهره عذالي]

خلج ثقيله
ومو لازم يدز مسج او يكلمج
انتي بس ادعي ربج
واستخيري كل ليله

 

[missdreamer]

لااااااااااااااااا تطرشين له مسج شالسالفه

هو ما بادر تقومين انتي تكلمينه ماكو شغل

 

[dectora 7elwa]

شلون متزوجين وماشفتوا بعض

 

[أتراب]

انتي تقولين حتى ويهج ما يعرفه !!
شلون تبينه يتواصل معاج ويطرش لج هدايا ومسجات واهو حتى مو عارف شكلج ولا شلون صايرة ،، طبيعي بيكون فيه هالبرود هذا
وبعدين غريبة ،، شلون تزوجتوا ومو شايفج ،، ماشافج النظرة الشرعية ؟؟؟

في احتمال ثاني
انه بيستغل هالفترة قبل العرس وبيحسس روحه انه للحين عايش عزوبي قبل ما يبدي حياته اليديدة معاج

او حتى يمكن ،، انه من النوع الثقييييييييييل اللي مو بسرعة يتحرك
​

انا معاها بالكلام:eh_s(17):
​

 

[_زينه_]

شفييييج مستعجله على رزقج

ترا في رجاجيل واجد مايبون يكلمون او يشوفون حريمهم الا بيوم العرس وانتي من نفسج قلتي تقليدي

عادي حبوووبه

 

[البندري w]

الله يجزاكم خير على ردودكم خلاص ماراح اطرشله مشج ولا راح اكلمه بنتظر والله كريم
وبالنسبه للنظره الشرعيه ماعندنا هالكلام بس يعتمد الخاطب على نظرة اهلة