باركولى قدمت استقالتى

[مختلفة]

السلام عليكم انا اليوم قدمت استقالتى من وزاره التربيه لانى بصراحه تعبت اهملت نفسى وبيتى وبنتى شغل فى المدرسه وشغل فى البيت صراحه احس انى اجاهد مو ادرس كل اللى ابيه منكم تدعون لى ان ربى يرزقنى الوظيفه اللى ارتاح فيها وهل فعال الديوان يعاقبنى وكم سنه يعاقبنى ومشكورين

 

[إحساسي مرهف]

رد : باركولى قدمت استقالتى

الله يوفقج انشالله وييسر امورج وتلقين الوظيفه اللي ترتاحين فيها
بس صدقيني اذا عندج واسطه راح يكون سهالات
لكن عندي سؤال سنوات الخبره تضيع عليج واللا تكملين عليها؟

 

[مختلفة]

ياحياتى انا تعيين جديد ماصار لى ثلاث شهور بس كنها 300سنه

 

[نـ(المطيري)ـازكـ]

رد : باركولى قدمت استقالتى

3 شهور واهملتي نفسج وبيتج ..!! هذا وانتي مدرسة !!

صدمتيني الصراحة الكل يبي هالشهاده وهالوظيفة .. اللي اعرفة ان هالوظيفة افضل وضيفة للبنت والمتزوجة ..

اممممممم ما اقول الا الله يوفقج ويسر امرج ويعطيج راحة البال ..

 

[ياعيون مغليك]

رد : باركولى قدمت استقالتى

الله يعينج
اختي ومرت اخوي مدرسات ونشوفينهم كأنهم مومياء الكحل والحمره ناسين شكلها الا بالعروس
على طول زهقانات ومالهم خلق
وصج تراها مهمه شاااااقه غير عن قبل
الحين دروس نموذجيه والموجهه اول باول عندج وقرارات تعسفيه
خيرا عملتي والله يوفقج

 

[" غـادهـ "]

رد : باركولى قدمت استقالتى

بصراحه بما إني كنت عايشه المعاناة مع مامي لحظه بلحظه

أقولج من كل قلبي ألــــــــ مبـــــــــــــــــــــروووووووووووووووووكـ ــف

وعسى ربي يرزقج بالوظيفه إلي تريحج بإذن الله عاجلا ..

 

[tmtmt]

رد: رد : باركولى قدمت استقالتى

3 شهور واهملتي نفسج وبيتج ..!! هذا وانتي مدرسة !!

صدمتيني الصراحة الكل يبي هالشهاده وهالوظيفة .. اللي اعرفة ان هالوظيفة افضل وضيفة للبنت والمتزوجة ..

اممممممم ما اقول الا الله يوفقج ويسر امرج ويعطيج راحة البال ..

غلطاااااااانه حبيبتي من قال افضل وظيفه للمتزوجه !!!!
شلون افضل وظيفه واهيا طول الوقت تشتغل بالمدرسه وبالبيت لين تنام ؟؟؟

متى تجابل بنتها وريلها ونفسها ؟؟

بس فعلا 3 شهور شويه
لو مجربه نفسج بعد

وانا معاج قدمت استقالتي شهر 10
وحسافه الديوان بطل بس ماقدرت اسجل لن لي الحين اوراقي ما خلصت :\

مبرووك حبيبتي والله يوفقج ان شاءالله

 

[@سيدة نفسي@]

رد : باركولى قدمت استقالتى

مبروووووووووووووووووووووك زين سويتي دام انج بالبداية

وانا ان شاءالله على الدرب بس انا خبرتي فوق ال10 سنوات <<< صرت موميااااء وراحت علي لووووووووووووول

بقدم رعاية أسرة لحد مايحل تقاعدي والله كريم ...

 

[اخت فروحه]

مبروووووووووووووووووووووووووووك وزين ماسويتي


انا ماكنت أأيد هالشي وكنت احب مهنتي بس هالسنتين اللي مروا فعلا التربية صارت من سيئ لاسوأ

 

[نهايتنا قبر و موت]

الله يوفقج يا الغالية ..~

 

[MissAccord]

رد : باركولى قدمت استقالتى

الله يوفقج للأحسن

 

[ديمه81]

زين ماسويتي والله يرزقج الوظيفة السنعة
بوزارة سنعة بمكان سنع بادارة سنعة

 

[Turquoiseya]

زين سويتي وتلاحقتي عمرج وشبابج
قبل ماتاكله هالوزارة وتعيشج القهر اللي احنا عايشينه

الفال لي ان شالله

 

[اريج الجوري]

رد : باركولى قدمت استقالتى

الف الف الف مبرووووووووك ,,,


الفال لي ان شاء الله ,,,


والله اني حب مهنتي واحب البنات وداشه الوظيفه عن عشق من صغري ,,,


لكن التربيه واللي فيها يجننون العاقل ,,,


الله المستعان ...

 

[قمر الكويتية]

رد : باركولى قدمت استقالتى

الله يرزقك الوظيفة المناسبة إلي تعينك على أداء حق بيتك وزوجك و أبنائك ويرزقك من خيره وفضله

و أكثري من الدعاء إن الله يرزقك وظيفة زينة

 

[sweet patchouli]

مبروك
اللي اعرفة العقوبة ست اشهر
الله يوفقج
​

 

[كل الفوز]

الف الف الف مبرووووووووك ,,,


الفال لي ان شاء الله ,,,

 

[ساندريلا]

حبيبتي دوريلج واسطه علشان الوظيفه تخيلي رفيجتي استقالت وكانت تبي تشتغل بالنفط وماقبلوها راحت وقدمت على الديوان
تخيلي وين وظفوها؟؟؟؟

ردوها مدرسه بالتربيه وعووو:lkmnkl:
بس حرام ظليمتهم شينه بدال ماكانت مدرسه متوسط صارت مدرسة ثانوي يعني الله بالخير ماقصروا رقوها:krkrkr:

 

[the white heart]

رد : باركولى قدمت استقالتى

مبروووك اهم شي انك مرتاحة والله اني اموووووووووووووت على التدريس بس التربية اكبر مكان للديكتاتورية والتعسف والقهر واروح احط حرتي بالبنات لأني ما أقدر أبطل حلجي بكلمة مع الإدارة بس الشكوى لله ماجدامي غيرها ولو أروح مكان ثاني ما ظن افلح والوظيفة لاغنى عنها والحمدلله على كل حال
وموفقة يا حلوة

 

[KOKO_284I]

رد : باركولى قدمت استقالتى

الله يكتبلج كل خير