باركولي سويت عملية تجميل حق خشمي

[بنت البذال]

تجميل أنف

السلام عليكم
حبيت انقل لكم تجربتي مع تجميل الانف لكل محتار بشكل خشمه
بالبدايه كان خشمي كبير شوي وعوي جدا وكنت وااايد افتشل من شكله خصوصا لما احد يطالع ويهي لان ويهي حلو بس مخرب علي خشمي وكذلك فتحات خشمي وحده غير عن الثانيه
وبعد حيره واسأله كثيره قررت اني اسوي عملية تجميل حق خشمي ولكن السؤال منو اأفضل الدكاتره عندنا بالكويت وكان هذا السؤال اللي دايما اسأله للبنات اللي معاي بجامعة الكويت خصوصا اللي يداومون بعد العطله وخشومهم مربوطه باللزاق مال التجميل ودايما كنت الاحظهم بعد مايشيلون اللزاق واشوف خشومهم رووووووعه فقررت اسأل كل وحده يعجبني خشمها عن الدكتور اللي سوالها العمليه فكان الجواب الدائم هو (الدكتور جمال الحربي)
فقررت اني اروحله واسوي العمليه عنده وبالفعل سويتها والحين ولله الحمد خشمي صار احلى من الشكل اللي كنت اتمناه والدكتور فعلا ماقصر معاي بيض الله ويهه وبصراحه كل من يسألني عن خشمي وادليه على هالدكتور والله انهم سيده يقتنعون ويسوونها عنده لان النتيجه جدا حلللللوه ووالله ياجماعه ماتتصورون اشكثر ادعي حق هالدكتور لانه صج ردلي ثقتي بنفسي وبجمالي وعلى فكره انا سويت العمليه قبل 3 شهور ونص تقريبا ولو يرد الزمن هم ارد اسويها عند نفس الدكتور
وأي وحده او واحد يحب يسوي تجميل حق خشمه لاتروحون عند احد غيره لانه مو بس دكتور عادي لااااااا أهو فنااااااااااااااان خشوم الله يسلملي ايده ودكتور أمير بأخلاقه وحسن تعامله مع المرضى
واللي يبي يدل الدكتور فهو عنوانه كالاتي:

الدكتور جمال منصور الحربي
استشاري انف واذن وحنجره وجراحة الرأس والرقبه وتجميل الوجه
الكويت - حولي - قطعه(1) شارع المعتصم _ تقاطع الدائري الثالث مع شارع القاهره _ ت:2650303

 

[FOZQ8]

مشاركة: باركولي سويت عملية تجميل حق خشمي

مبروك حبيبتي
ومشكوره

 

[bnt q8 in usa]

مشاركة: باركولي سويت عملية تجميل حق خشمي

عليج بالعافيه وعندج بعد دكتور خالد الصبيح هم بصراحه فنان وحلو شغله وشفت كذا وحده مسويه عنده شغله عجيب

انزين ممكن نعرف جم اخذ بالعمليه

 

[نور الدنيا]

مشاركة: باركولي سويت عملية تجميل حق خشمي

اقول حبيبتي بجم سوالج خشمج وجم يوم نمتي بالمستشفى ؟؟

 

[كويتية أمورة]

مشاركة: باركولي سويت عملية تجميل حق خشمي

مبروك نور الدنيا على نجاح العملية
دتور جمال الحربي اعرف انه زيت باختصاص الانف والاذ والحنجرة بس ماعرف احد جرب التجميل عنده
اما الصبيح والله انا سامعه عنه كلام مش ولا بد

انا اساسا اخاف من الدكاترة الكويتيين بعمليات التجميل لانه للحين مااحسهم متمرسين عدل مو مثل برة
بس زين انتي عجبتج النتيجة ونجحت عمليتج

واللي تبي تسوي بعد اي عملية تجميل عندكم دكتور اريك بلو اللي يزور مستشفى المواساة كل شهر ممتاز
والعملية عدة مثل الماي ولاتحسين بأي شي
ولا حتى صداع
هو دكتور فرنسي وبروفيسور وكله زحمه عند عيادته لما ايي
يسوي الخشم ب 2000

وبنات بقولكم شغله
لاتروحون حق اي دكتور والسلام لانه بالذات الخشم ساعات النتيجة تعجبج بس يكون الدكتور مقصص اقسام حيوية بالخشم فلازم يكون الدكتور زين وفاهم لانه ماكو فايدة من الشكل اذا صار في خلل بوظيفة الخشم
يعني يصير التصاقات ولا مشاكل بالتنفس
حطوا بالكم

انا صارلي الحين سنتين ونص تقريبا مسوية عند اريك بلو والحمدالله ماعانيت من اي مشاكل بالتنفس او بألم او اي شي
سوالي العملية الظهر وطلعت من المستشفى ثاني يوم الصبح وعقب 5 ايام شال الجبس
اهم شي انكم لاتدورون الرخيص بهالامور لانه هذي صحتكم مو لعبة

 

[بنت البذال]

مشاركة: باركولي سويت عملية تجميل حق خشمي

السلام عليكم
خواتي العمليه كلها كلفتني 900دينار
دخلت العمليات كان يوم خميس الساعه 9 الصبح تقريبا وطلعت من المستشفى بالليل
وعلى فكره الدكتور جمال الحربي زحمه عنده ماشالله عليه لانه بالفعل خوش دكتور واللي تبي تسأل عنه ماعليها الا انها تروح عيادته وتقعد مع المراجعات بالانتظار وتسألهم عن الاسئله اللي بخاطرها وراح تشوف المدح اللي والله اني ما ابالغ اني بكل مراجعه اروحله واشوف الناس بعيادته اشلون يتكلمون عنه بطريقه حلوه اكون فخوره ان اهو اللي سوالي عمليتي
وحبيباتي اللي بخاطرها تسأله شخصيا ترا اهو ماعنده مانع ان احد يستشيره واذا حس ان ماله داعي تسوين عمليه راح يقولج ماله داعي تسوينها لأنه مو من النوع اللي تهمه الماده والتعامل معاه راقي جدا ويعطيج نصيحته ووجهة نظره وكأن المريض اللي جدامه واحد من اهله
والله ياخواتي ويا اخواني اللي ناوي يسوي خشمه يتوكل على الله ويروح للدكتور جمال الحربي ويشوف بعيونه كل خير انشالله
ودمتم لاختكم بنت البذال

 

[فناااتك]

مشاركة: باركولي سويت عملية تجميل حق خشمي

مبروك نجاح العملية وبالتوفيق

 

[BlUe SkY GuRl]

مشاركة: باركولي سويت عملية تجميل حق خشمي

مبرووووووووووووووك حبيبتي ع سلامتج بس اهو موحرام انه نسوي عمليات تجميل للانف

 

[غدير^الجنان]

مشاركة: باركولي سويت عملية تجميل حق خشمي

الحمدلله على السلامه

ومبرووك الشكل الجديد

 

[النور كله]

مشاركة: باركولي سويت عملية تجميل حق خشمي

الحمد لله على سلامتج اختي ,,,

بس نصيحه لوجه الله ,,, كلنا ندري ان عمليات التجميل حــــــــــرام

فإذا انتي سويتي الحرام عسى ربي يغفرلج لا تشجعين البنات على ارتكاب الحرام

ترى كل وحده بتروحله من طرفج اثمها على رقبتج لانج انتي اللي شجعتيهم,,,

كلها كم سنه يالغاليه وراح نودع الدنيا ,,,ووقتها ما نحتاج الا رحمة ربنا ,,,

 

[brettey]

مشاركة: باركولي سويت عملية تجميل حق خشمي

عزيزتي النور كله اهي تقول انه خشمها عوي يعني فيه عيب خلقي يعني ما فيها شي لو عدلته لكن لوكان طبيعي ومافيه شي اهني تكون العمليه حرام وعليج بالعافيه يا بنت البذال

 

[leza_q8]

مشاركة: باركولي سويت عملية تجميل حق خشمي

زين ممكن سوال
اهو بس تجميلي للانف والوجه فقط مايسوي جسم

واذا تعرفون بنات منو احسن دكتور تجميلي للجسم ؟

افيدونه

بصراحه الحمال والولاده عامله عمايلها معاي على الاخر من تخطط وشوارع وترهدل
فياااريت الي تعرف اشطر دكتور بالتجميل للجسم تقول

ويزاها الله الف خير

 

[شادية]

مشاركة: باركولي سويت عملية تجميل حق خشمي

سوال مهم اذا توفيتي وغطى وجهه التراب وتحللتي خشمك الصناعي راح يتحلل معاك


زين انت دعيت وشكرتي الدكتور على الخشم

ربك شنو دعيتي له علشان خشمك اللتي تقولين عنه موحلو ؟


سؤال منو احسن ربك والاالدكتور في التشكيل الخشم عندك ؟


سؤال مهم لما تمرضين بالزكاه راح يتحمل خشمك الصناعي ولا لا ؟

سوال لما تولدين انشالله وانت تصرخين خشمك بيثبت مكانه والا بطيح ؟


سوال خشمك الصناعي بيجميك من دخول الجراثيم الى الرئه او لا ؟



سؤال مهم جدا اتحسين انك حلوه بينك وبين نفسك ؟ ما تحسين انك خداعه وكذابه ؟



انا اسفه بس هذا كل ما تستاهلينه ؟


انت عاصيه ويمكن تكونين في مرتبه الملعونه عند ربك والله اعلم


وتشجعين خلق الله ليه

 

[نفيشه]

مشاركة: باركولي سويت عملية تجميل حق خشمي

الاخت وادي الغروب

((انت عاصيه ويمكن تكونين في مرتبه الملعونه عند ربك والله اعلم ))
استغفري الله على هالكلام

بالاول انا من اشد معارضي عمليات التجميل باشكالها وانواعها لاني اعتبرها اعتراض على خلقة الله عزو وجل
ولكن في حلات تعتبر مرضية وفي حالات تكون فيها تشوهات قوية وواضحة
وممكن تشبب عقد وامراض نفسية يعني الوضع مو ثابت بكل الحالات

والنصيحة عمرها ماتكون بهالاسلوب اسلوبج جدا تعيس
اسمحي لي بهالكلام مدامج صريحة تقبلي صراحتي
شنو غرضج من النصيحة؟؟؟
التنفير ولا الاصلاح؟؟؟
راجعي نفسج ارجوج علشان توصلين للهدف اللي تبينه ترى حتى اللي مقتنعه ان العمليات هذي حرام من اسلوبج بتكش وبترد عليج بعنف
والله سبحانه ما حطنا سلاطين بالارض في رب اهو يحاسب كل انسان بالعدل والرحمة واللي يستحقه لا تحكمين على الناس من كلمات مكتوبة بالنت

وعسى الله يهديج

صاحبة الموضوع
اول شي الحمدلله على سلامتج
والشي الثاني انا شخصيا ما اايد العمليات هذي عموما ولكن على كلامج ان السالفة فيها نوع من التشوة والله يعينج على هالشي ويريتج ماخذة فتوى فيها بس علشان قلبج يرتاح
الشي الثالث في بنات وايد يسوونها عيارة ولمجرد التغيير بخلقة الله
ورايي ان اعلانج عنها ممكن يجر البعض الغير محتاج فعلا للعمليات هذي انه يروح يسويها
وانتي تشيلين ذنبهم
يمعوده انتي ادرى بحالتج بس ماتدرين هاللي بياخذون الرقم والعنوان شنو نيتهم

 

[رفرف]

مشاركة: باركولي سويت عملية تجميل حق خشمي

الاخت وادي الغروب

((انت عاصيه ويمكن تكونين في مرتبه الملعونه عند ربك والله اعلم ))
استغفري الله على هالكلام

بالاول انا من اشد معارضي عمليات التجميل باشكالها وانواعها لاني اعتبرها اعتراض على خلقة الله عزو وجل
ولكن في حلات تعتبر مرضية وفي حالات تكون فيها تشوهات قوية وواضحة
وممكن تشبب عقد وامراض نفسية يعني الوضع مو ثابت بكل الحالات

والنصيحة عمرها ماتكون بهالاسلوب اسلوبج جدا تعيس
اسمحي لي بهالكلام مدامج صريحة تقبلي صراحتي
شنو غرضج من النصيحة؟؟؟
التنفير ولا الاصلاح؟؟؟
راجعي نفسج ارجوج علشان توصلين للهدف اللي تبينه ترى حتى اللي مقتنعه ان العمليات هذي حرام من اسلوبج بتكش وبترد عليج بعنف
والله سبحانه ما حطنا سلاطين بالارض في رب اهو يحاسب كل انسان بالعدل والرحمة واللي يستحقه لا تحكمين على الناس من كلمات مكتوبة بالنت

وعسى الله يهديج

صاحبة الموضوع
اول شي الحمدلله على سلامتج
والشي الثاني انا شخصيا ما اايد العمليات هذي عموما ولكن على كلامج ان السالفة فيها نوع من التشوة والله يعينج على هالشي ويريتج ماخذة فتوى فيها بس علشان قلبج يرتاح
الشي الثالث في بنات وايد يسوونها عيارة ولمجرد التغيير بخلقة الله
ورايي ان اعلانج عنها ممكن يجر البعض الغير محتاج فعلا للعمليات هذي انه يروح يسويها
وانتي تشيلين ذنبهم
يمعوده انتي ادرى بحالتج بس ماتدرين هاللي بياخذون الرقم والعنوان شنو نيتهم

نفيشه قالت كل اللي بخاطري

 

[بنت البذال]

مشاركة: باركولي سويت عملية تجميل حق خشمي

اشكرج اختي النور كله على النصيحه الغاليه واحب اقولج تأكدي من كلامك جيدا ولا تتحدثي في ما ليس لك به علم ولا تتسرعي في الفتوى ..هناك بعض العلماء اجازوا التغير .. بشرط ... اذاكان هناك تشوه في الوجه او كان منظر الانف او غيره يجلب السخرية من بعض الناس و اذا كان شكل الانف سابقا موحش وبه تشوه ومخالف للعادة فقد اجاز بعض العلماء بالتغيرولديهم الادلة الشرعية وهم علماء موثوق بهم بإذن الله اما اذا كان العيب بسيط ولا يدعوا الى التغير ومتماشي مع المظهر العام فالاولى يا اختي الفاضلة عدم التغيير في خلق الله والله تعالى اجل واعلم فاقرأي اللي انا كاتبته عدل راح تشوفين اني كنت متضايقه جدا من الاعوجاج اللي في خشمي ولو تسألين اي دكتور انف واذن وحنجره راح يقولج ان هالشي يأثر على عملية التنفس وثاني شغله هالعمليه بالذات مالت تعديل الحاجز الانفي اهي تعتبر بالضبط نفس خطوات عملية التجميل يعني مستحيل تسوين الحاجز من غير تجميل فلذلك كانت فتحات خشمي وحده غير عن الثانيه وكان شكل خشمي يزعجني ايضا لذلك ليش اروح حق اي دكتور يسويها؟؟؟ ليش ما اسال الناس اللي مسوين بالاساس تجميل واحل مشكلتي بطريقه حلوه؟؟؟مع الوضع بالاعتبار ان الخشم يعتبر واجهة واول شي يلفت الانتباه بوجه الانسانليش اروح حق دكتور بدال مايعدل يخرب؟؟؟؟؟لذلك انا تكلمت عن تجربتي وبصراحه انا لما رحتله العياده وانا بالانتظار كنت اتجاذب مع بعض المراجعات الحديث وكان كل كلامهم مدح بهالدكتور سواء عمليات التجميل او تشخيص وعلاج الحالات الثانيه لذلك حبيت انقل تجربتي علشان يستفيدون منها غيري اللي محتاجين لمثل هالعمليه واشكرك اخوي عاشق الحرب وفعلا انا ماسويت العمليه الا بعد ما خذيت استشارة احد رجال الدين واساسا الدكتور جمال الحربي من النوع اللي اذا حس ان العمليه مالها داعي مايسويها لانه مو من الدكاتره اللي تهمهم الماده بالعكس اهو ينصحك بطريقه وكأن المريض واحد من اهله ولو بتتأكدون من كلامي روحو عيادته وسألو اللي قاعدين بالانتظار عن حالاتهم وعملياتهم وعن الدكتور نفسه واعتقد مافيها مشكله اذا دخلتو على الدكتور للاستشاره فقط وشكرا

 

[بنت البذال]

مشاركة: باركولي سويت عملية تجميل حق خشمي

اشكركم خواتي الغاليات نفيشه ورفرف
واحب اقول للاخت اللي سألت هل الدكتور جمال الحربي يسوي تجميل للجسم فأقولها لامايسوي اهو بس تخصصه انف واذن وحنجره وتجميل وجه ورقبه
اما بالنسبه للاخت وادي الغروب فأقولها بعمر النصيحه ماكانت بهالطريقه والدين معامله ورقي بالاخلاق مو بهالطريقه الواحد يتكلم واذا انتي تحبين الاجر فنصيحتي لج تروحين حق دكتور نفساني يعلمج اشلون تتحاورين وتقنعين بأسلوب مهذب لان الدين بريئ من هالاسلوب اللي انتي تتبعينه واول شي المفروض قبل كل هالهجوم على الاقل استفسري مني وسأليني ليش سويتي العمليه علشان اجاوبج واقولج باللي انتي ماتدرين عنه وبالنسبه حق اسألتج اعتقد انا معدله خشمي ومعدله الحاجز الانفي بالذات معناته السالفه مافيها تغيير لخلق الله فقط اصلاح التشوه وعلاجي بالدرجه الاولى لان اعوجاج الحاجز الانفي يأثر على التنفس واي شخص يعدل الحاجز الانفي مستحيل يرد شكل خشمه كما كان يعني لازم تجميل اهي العمليه جذي رضيت والا انرضيت فليش اسويها عند اي شخص ممكن يخربلي شكلي فسويتها عنده لانه اهو اساسا متخصص تجميل وريال فاهم شغله لذلك حبيت انقل تجربتي علشان يستفيدون منها الاخوات وبالنسبه حق سؤالج بالقبر وين بحط خشمي فجوابي اهو بيندفن معاي واذا تبينه انا حاظر راح اخليهم يخشونه لج علشان ترجمينه وتقتصين منه
اما بالنسبه للولاده فاعتقد اني راح اولد يامن بطني(عمليه قيصريه) او ولاده طبيعيه(واعتقد تعرفين من وين يطلع الياهل)وماقط سمعنا ان اكو وحده ولدت من خشمها لذلك حبيت اطمنج ان كل شي تماااااااااااام وأوكي وماراح يتأثر واذا عندج اسأله اضافيه انا حاضره للرد
اما بالنسبه لشكلي فأنا راضيه عن شكلي كل الرضا ولله الحمد وانا انسانه مسلمه لذلك ماسويت العمليه الا بعد ماسألت علماء دين فاهمين اشقاعدين يقولون وذلك مخافة من الله بالدرجه الاولى ومو ناطره اخذ فتوى من وحده اسلوبها مثل اسلوبج اللي يفشل ولايمت للدين بصله واذا حابه تنصحين ياريت تحببين الناس باللي تقولينه مو تكرهينهم بالساعه اللي شافوج فيها وشكرا
والله يوفقكم باللي فيه الخير

 

[leza_q8]

مشاركة: باركولي سويت عملية تجميل حق خشمي

الله واكبر شنو هالاسلوب الجديد بالنصيحه
اختي محد رقيب ولا حسيب احد كل من يحاسبه رب العالمين بحدى

وبعدين الاخت من البدايه وضحت بانه فيه خلل بخشمها ومسبب لها مشكله وزاعجها
والكل اعرف بان بالحالات هزي العمليات جائزه ومالا داعي الاسلوب الاستفزازي

 

[أغلى حبيبه]

مشاركة: باركولي سويت عملية تجميل حق خشمي

مبروك نجاح العملية وبالتوفيق

 

[جارة القمر]

مشاركة: باركولي سويت عملية تجميل حق خشمي

الحمد الله علي سلامتج

ومبروك الشكل اليديد