باركولي ضعفت .. بس !!!!!

[دلوعتك]

السلام عليكم ورحمة الله وبركاته


شاخباركم بنات شاخبار الرجيم معاكم

ابشركم الحمدلله بفضل من الله ضعفت وزني كان احم احم 80 كيلو ومعاه خرده
والحين ماشاءلله ماشاءالله وزني وصل 57

طبعا شفت الويل :cxxxp:
رجيم مع مشي ساعتين او اكثر يوميا وتسكيرة الحلج عن العيش والكيك والحلويات عموما
وصلت للمطلوب


ولكن هناك ضريبه

الحين جسمي صار معقول واقدر البس واتكشخ بس المشكله احس ان جلدي مترهل شوي
ابي اشده

شنو الكريمات او التمارين اللي اسويها عشان اشد جسمي ...؟؟
عفيه مابي نادي ابي تمارين اسويها بالبيت

يلا الفال لكم حبيباتي​

 

[ii DareeN ii]

تمارين تقدرين تشترين سيدي مال الستبس وتشترين ستبس وتسوين وياهم حيل الستبس يشد وعندج كريمات كلارنس وردكشن كريم ونطريني خلال جم يوم بسوي موضوع شامل كل التمارين الرياضيه المتحركه

 

[pearlq8]

ماشاءاللع تبارك الرحمن

الفال لنا اي انا بعد جسمي مترهل عقب ما ضعفت ودي اشده عشان اكمل انزل الباجي

اختي حبيت اسالج انا تقريبا نفس وزنج نزلت 10 كيلوو وباقيلي 10 شنو تنصحيني اوقف واشد جسمي وعقب اكمل 10 انزلهم ... ولا انزل الباجي وعقب اشد مره وحده .. مو انا احس اني مو قاعده انزل من الترهل الي بجسمي مو حاسه بالضعف ...

يعطيج العافيه

 

[a9elah]

مــــــــــبروك أخــــــــتي دلوعتك

بخـــــــــــصوص الشد لازم تمارسين الرياضه وبصراحه السباحه حيل حيل تشد أما الاجهزه الرياضيه انصحج بأوربت تراك يشد والله حيل خصوصا انه يركز على المناطق السفليه والعليا وبنفس الوقت


أخــتي حبيت أسألج شنو نوع ريجيمج ؟؟ وفقدتي هالوزن على جم شهر ؟؟؟

 

[مياوه]

ماشالله عليج

بس مو تردين تمتنين​

 

[زيـنـه]

ما شاء الله ..الله يتمم عليج .. بس شنو المده اللي نزلتي فيها ؟

و الرياضه اهي اللي تشد جسمج . و يفضل نادي عشان يصير لج برنامج للجسم كله .

 

[Vampira]

عفيه عليج مشالله بس شنو ريجيمج عند دكتور معين؟؟
وكان عندج يوم فري؟؟

وشكثر ضعفتي المدة اقصد؟؟

وبنسبة حق الترهل ليش ماتجربين مساجات الشد

 

[pretty sarona]

ما تشد الجسم الا الرياضه طبعا اذا ما تبين عمليات و هالسوالف

 

[دلوعتك]

هلا حبوباتي
والله يبارك فيكم وسامحوني على التأخير بالرد بس لأن ظروفي شوي معتفسه
تدرون مع تغير الجو اليهال تعبوا وأنا انعديت منهم والله لايوريكم النشله والكحه .. يالله الحمدلله على كل حال

المهم نرجع لموضوعنا


اللي سألوني عن المده اللي سويت فيها الرجيم أنا بلشت بالرجيم من رمضان والحمدلله قدرت امسك عمري غصب:icon30:
مر رمضان علي من غير لقيمات ولافيمتو ولا عيش وهريس و و و و وااااااي زين ماصار فيني
وما خذيت ولا يوم راحه ولا يوم فري لأن من قبل سويت رجيم وكنت اخذ يوم راحه ويصير اليوم شهر راحه
والرجيم اللي سويته مو من دكتور انا من نفسي سويته وصج فاادني
خل اقولكم عنه ..

برمضان
كنت اتفطر عصير برتقال طازج مع قطعة لحمه أو قطعة ديايه فخذ أو صدر عادي مره جذي ومره جذي المهم ان مايكون مقلي لآ تشوينه بالفرن مع سلطه تتكون من (( جرجير+خيار+خس+بقدونس+شوية جزر مووايد+فلفل بارد)) كنت أكثر ماعون السلطه ومرات اسوي تبوله بس من غير برغل
ممنوع الهريس والجريش والتشريبه والعيييييييش والخبز

عقب الفطور بساعتين دور الحلويات واللي اهي تفاحه أو برتقاله أو أناناس أو اي فاكهه ثانيه


أما السحور لالالا أدلع نفسي على الآخر آكل 3 تمرات مع كلاس لبن خالي الدسم أو لبن عادي بس اخففه بماي



أما من عقب رمضان

ريوقي عصير برتقال .. الضحى أكل تفاحه خضرا

الغدا 2همبرجر أو نص ديايه مشوي بالفرن مع سلطه مع عصير برتقال أو دايت سفن

العشا سلطه فقط لاغير



هذا الله يسلمك ويعافيكم جدولي اللي الى اليوم أنا متبعته مع مشي ساعه الى ساعتين بحوش بيتنا:icon30:

بس اللي بقالي الحين شد جسمي اهو مو مترهل وايد بس احس فيه مترهل صوب الفخوذ والسيقان أكثر شي زنودي الحمدلله لاني كنت اشيل ولدي وانا امشي مشدودين بس مثل ماقلتكم الفخوذ والسيقان والكرش طبعا اللي ادعي ربي انها تختفي الحين قبل بعد شوي

قرقت وايد سامحوني ​

 

[ملاك-77]

مبروووووووووووووووووووووك

والفال لي ان شاءالله

بس بصحه وعافيه

 

[زيـنـه]

ما شاء الله يعني تقريبا خلال شهرين .. بس دير بالج لا يردون لان نزولج سريع
مثل ما قلنا لج يبي لج نادي و تركزين على المناطق اللي يبي لها شد .

 

[أحلى الجياكر]

الله يتمم عليج ..بس رجيمج هذا إستذباح ..و شكلج مو موظفة !! إذا بس على عصير برتقال ريوقج !!
بس يبيلج مثل ما قالوا البنات رياضة تشدين الترهلات ..والله يحفظج منكل شر

 

[دلوعتك]

الله يتمم عليج ..بس رجيمج هذا إستذباح ..و شكلج مو موظفة !! إذا بس على عصير برتقال ريوقج !!

اي والله وانتي صاجه استذباااح
انا موظفه وأول اسبوع كنت اروح والله يعلم بحالتي بس اللي كان مصبرني انها فرصه لأن سي السيد كان مسافر برمضان وأنا قلت لازم يرد يلقاني بلوك جديد:wqedqw:


اختي زينه على النزول السريع انا حاطه في بالي هالشي عشان جذي ناويه اروح لدكتور تغذيه يسويلي جدول امشي عليه وبالنسبه للرياضه عندي هالحوش أركض فيه الين امل لأن بصراحه مااحب اروح نادي

يالله الفال لكم حبوباتي يالله شدو حيلكم​

 

[jolie_q8]

الف مبروووووووووووك والله يتمم عليج يارب ويصير جسمج منيكان

السباحه روعه تشد الجسم وتحرك الدوره الدمويه

واذا ما تحبين نادي .. استمري على المشي

واشتري لج جهاز (اوربت ترك او الغزال الطائر) تسلي عليهم نص ساعه باليوم

وانش اءالله يشد جسمج

 

[jolie_q8]

هذا الاوربت ترك

وهذا الغزال الطائر

 

[آنسة منشن]

الله يتمم عليج ولا يزيد وزنج ويعطيج الصحه والعافيه

 

[بلووووطه]

مرحبا جميعا انا كان وزنى135

135

كيلو جرام سويت عمليه وحطيت الحلقه اللى تصغر حجم المعده وتنظم عمليه هرس الطعام والحمد لله الحين صارلى سنتين تقريبا نزلت 37 كيلوجرام على الراحه بس فى رمضان كنت آكل وطبعا مرات أشتهى الكاوكاو غرامى أدووووووووووبه وآكله طبعا الدكتور حرررررص عللللى ما آكل حلووو كلش ملش لكن النفس ضعيفه والمغريات وايده ...........الشاااااااهد كان لازم أضعف أكثر بس مللللللللليت من الحرمان

 

[بنت عبدالغني شربت]

ا مشاء الله الله يتمم عليكم

جربي خلطات الخل انا ما جربتها بس يمدحونها او لبس المشدات الكامل للجسم
+ مشي او اي حركه لانه ترهل صعب يروح

علشان جذي مع الرجيم لازم حركه

 

[q8yah]

غريبة مع انج تمشين كل يوم يقولون المشي يشد الجسم !!!!!!!
اكو نادي اسمه كيرفز بس حق شد الجسم مو حق الضعف واشتراكهم 100 دينار لثلاث أشهر جنه
نص ساعة وثلاث أيام بالاسبوع

 

[sanyoreta]

مبرووووووووك والفال لنا ان شالله
انا نفس وزنج ودي اوصل الــ50