باستا الكريمة مع الذرة ., + البطاط بالخلطة,,, ابتكاري ومع الصور >> حياكم

[M!$s^Angel]

السلام عليكم
عندي لكم طبقين اتمنى يعجبونكم

طبعا هالطبقين من ابتكاري وسهلين وسريعين
نبدي اول شي بالباستا

نحتاج معرونة وانا استخدمت الحلزونية
مكعب ماجي
علبة ذرة صغيرة
اوريغانو -زعتر البيتزا-
بوب كورن -خزان او امريكانا -
جبن مزرولا
نص علبة كريما
ملعقتين جبن كرافت

مقاديري لنص جيس المعروكنة

الطريقة
نسلق الباستا مع شوي ملح وزيت

ونقلي البوب كورن ونخلي على جنب

نجهز الصلحة اهي الكريمة وجبن الكرافت نخلطهم مع بعض
وعلى نار هادية نحط الذرة مع البوب كورن -قطع الدجاج- ونقلبة مع بعض
بعدها نحط قطعه الماجي ومزيج الكريمة الي خلطناها
ونرش عليهم شوي اورغانو
ونخليهم يطبخون مع بعض ونحركهم بين فترة وفترة
على ما تخلص وتستوي الباستا

لما تستوي الباستا نصفيها من الماي
ونحطها على الخلطة وتقلبها معاها ونشوف اذا تحتاج كريمة نحط
على حسب الرغبه

بعدها نحطها بطبق التقديم
ونرش فوقها جبن المزرولا واهي حارة عشان يذوب فوقها
ونرش شوي من الاورغانو

وعليكم بالف عافية

يتبع طبق البطاط

 

[M!$s^Angel]

نيي حق طبق البطاط الي انا اعتبرة من الذ الاطباق الي اسويها
اهو تقريبا نفس البطاطا الوجز بس باعتقادي هذا احلى
صدقوني جربوه وراح يعجبكم انشالله

ناخذ بطاطتين
او حسب من انتو تحبون
يوفضل حجمهم متوسط لا كبيرة حيييييل ولا صغيرة ماتبين

نغسلهم عددددددل وانا غسلت القشر بملح خشن لان ما شلتة
بعدها نقطعها نفس طريقة البطاط الوجز
ونجهز جدر تيفال عشان لا يلزق البطاط ويحترق

نحط البطاط بالجدر على النار ونجهز بهاراتنا
واللذة بالبهارات الي بنحطها

واهم

كاري
ففل اسود
فلفل احمر
بابريكا
ملح
بهار خاص للمشاوي -سر النكهه-
شاريته من مركز سلطان للأسف نسيت اصورة
كزبرا مطحونة -البهار طبعا-
شوي اورغانو>> حسب الرغبة

لا تستغربون من البهارات الي حاطتها لأن جد النكهه كانت رووووعه

وعشان ما يحترق انا احط بين فترو وفترة شوي ماي
واخلي يستوي على بخارة ويصير جنه مشوي بس مو محترق

وهذا البطاط بالجدر

كمية البهار انا للأسف ما اعترف بالكمية
مقدار النظر حسب ما تشوفين اذا يحتاج ولا لأ
وحسب ماتحبين النكهه

انا عن نفسي اعرف شنو النكهه الي محتاجه لها

عموما خلصنا نشوف اذا استوا البطاط ومثل ما قلت لكم نحركة كل شوي
عشان ما يحترقق

بعد ما يستوي نحط قطعه زبده صغيرة
عشان الطعم ونزيد على النار نقلب البطاط مع الزبده

ونحطة بطبق التقديم مع الصلصة والمخلل


بالنسبة للتزيين انا حطيت ليمون ومخلل
والصلصة استخدمت 3 انواع مايونيز
العادي ومايونيز الثوم ومايونيز بالخلطة وحطيت معاهم عصرة ليمون
وقفشة كجب
وخلطتهم مع بعض

وعليكم بألف عافية

واتمنى ان يعجبونكم الطبقين :eh_s(15):

 

[hot caramel]

يـابعد روحي تسلم يمنـاج

ياعـل خيرج جثير يـاالغاليه

شكل الطبخـات يزوغ القلب فمابالج بالطعم !؟

:icon30:

ماننحرم من ابداعاتج ياقلبي

وعسى ربي يوفجج ويوسع لج دنيـا وآخره

وكلي شرف بإني اكون اول من يرد عليج :tek:

 

[جارة القمر]

مشكوووووووووووووره



وتسلم ايدج



حبيبتي

 

[Snow angel]

يسلموووووو حبيبتي

 

[M!$s^Angel]

يعطيكم الف عافية
واتمنى تجربون الاطباق وانشالله يعجبكم

وعليكم بالعافية


والف شكر لكل الي ردو على الموضوع

hot caramel
جارة القمر

ضيفة سعودية

تسلمون حبايب قلبي

 

[دلوعه زوجها]

تسلم ايدج
طريقه البطاط حدها روووعه

يسلمووووووو

 

[لين العله]

اممممممم شكلها لذيذه

تسلم ايديك

 

[Zezoshty]

تسلم إيدج

 

[الغلا الصعب]

يم يمي

يااااي يشهوووون

خصوصا البطاط ادمااان

لوووووووووول


تسلم ايدينج والله

 

[& ام سلمى &]

تسلم الايادي ياقلبي

 

[tia-kw]

بالعافيه

 

[Om_Ksha]

مشكوووووورة

 

[رمـــانـــه]

بالعاااااافيه يمي لذيذ

 

[ركاب الأصايل]

تسلم ايدج,,

شكل البطاط يمي يمي,,

ألف عافييه عليكم,,

 

[المكسيكيه]

يسلموووو

 

[زيتووونه]

شكل البطاط وااااااااااااااو
والباستا والذره بعد ما يبيلها كلام

تسلم ايدج ولا تحرمينا من جديدج يالغلا​

 

[شاطىء الذكريات]

يسلموا حدها روووووووووعه ماشاء الله يعطيك العافيه

 

[ABEER FLOWER]

تسلم الأيااااااااااااااادي

: )​

 

[N F N F]

تسلم ايدج