:: باستا ولا اروع :: صور ::

[ام عفاف الكويت]

ســـــــــــــــلام​

ومن دون مقدمة طويلة ​

سويت باستا شي ​

طعم روعة وشكل أحلى​

وتشبه لاكازا ويمكن احلى وألذ ​

الكل حبها واعجبته ​

اللي يقول خلاص مابنهدج بنخليج دوووم تسوينها لنا ​

واللي يقول أحلى من لاكازا (a)​

بس من جد روووووعة وماراح تحسون بحلاتها الا اذا جربتوها ​

وأنا اخذت هذي الطريقة من بنت خالتي الغالية ​

وتفضلوا المقادير والطريقة وماننسى الصور​

La Cassa Pasta​

باســـتا​

​

جزر + كوسه (دوائر بس اذا كانوا كبار نخليها نصف دوائر وتكون رفيعة ) + فليفلة ( مكعبات ) + زيتون​

​

صلصة صويا + صلصة معكونة + قشطة الخفق​

​

جبن كرافت (سايل) + جبن موزاريللا​

​

زعتر بري (أوريجانو)​

نبدأ بسلق المعكرونة (حجمها كبير) في ماي +ملح +شوية زيت ​

​

وعلى ماتستوي ناخذ الخضار ونبدأ بقليهم شي بسييييييط يعني بس نقلّبهم ​

بديت بالكوسه لأنها تحتاج وقت أطول من الباقي​

​

 

[ام عفاف الكويت]

وبعدها الفليفلة ​

​

وبعدها نضيف الجزر​

​

وآخر شي الزيتون​

​

انخلي الزيت ينشف وعلى ماينشف نجهز الخلطة بتاعتهم وهي​

3 ملاعق طحين + كاسين حليب سايل + كاس قشطة الخفق (نخلطهم مع بعض)​

​

الحين تقريبا الخضار نضجت والمعكرونة هم استوت​

بهالوقت​

نخلط المعكرونة مع الخضار والخليط اللي سويناه ونضيف عليها​

ملعقتين صويا + 4 ملاعق صلصة بيتزا + زعتر بري + فلفل اسود + ملعقة كبيرة جبن سايل​

وبعدين نضيف جبن الموزاريللا ​

بس انتبهوا لا تخلطون الجبن الا اذا جهزتوا السفرى علشان يكون الطبق حار ووتعرفون اذا الجن برد يصير مو شي ​

نخلط كل المقادير زين مازين​

وهذي وهي بالجدر​

​

وهذي بعد ماحطيتها بالصحن ​

​

وهذي من قريب​

​

​

 

[أم الكتاكيت]

يسلمووووووو يوعتينا

 

[كلارنس]

ماشاء الله لاحول ولا قوة الا باالله
سلمت ايدج ويعطيج العافية
صار لي يومين ادور هالوصفة بالنت :hearting::e3:

 

[ام عفاف الكويت]

حياتي حياج الله

 

[autointoxication]

تسلم ايدج

 

[ام عفاف الكويت]

الله يسلمج

 

[أم عزيـز]

ماشاء الله شكلها يشهي
يعطيج الف عافيه حبيبتي وتسلم ايدج

 

[ام عفاف الكويت]

الله يسلمج ياقلبي

 

[Brounzi_girlly]

تسلم الأيادي حبوبة
مع التحية.............

 

[@ربانة العود@]

بالعافية

 

[ابلة مبتسمة]

تسلم ايدينج

والله شكلها حده روعة

يوعتينا

والله شكلها حده يشهي

 

[أوريو]

وااااو

بجربها

انا عاد غرامي الباستا


مشكورة حبيبتي

 

[جارة القمر]

يسلمووووووووووووو

 

[ام عفاف الكويت]

 

[sOkOnOnO]

تسلم إيدج حبوبه

 

[جورية كويتية]

تسلــم ايــدج
بصراحه روعه

:eh_s(18): :eh_s(7): :eh_s(18):
​

 

[STYLISH STYLE]

تسلم ايدج حبيبتي

 

[!..محد مثلي..!]

تسلم ايدج بطبقها

لاني بنت امووووووووووووت بالباستا والاكل الايطالي


يعطيح العافيه وكثري لنا من هالسوالف

 

[New Mum]

يمي يمي
يسلمو